Plutarch, Lucullus, chapter 4

(플루타르코스, Lucullus, chapter 4)

Μιτυληναίουσ δ’ ἄντικρυσ ἀφεστῶτασ ἐβούλετο μὲν εὐγνωμονῆσαι καὶ δίκησ τυχεῖν μετρίασ ἐφ’ οἷσ περὶ Μάριον ἐξήμαρτον, ὡσ δ’ ἑώρα κακοδαιμονοῦντασ, ἐπιπλεύσασ ἐκράτησε μάχῃ καὶ κατέκλεισεν εἰσ τὰ τείχη, καὶ πολιορκίαν συστησάμενοσ ἐξέπλευσε μὲν ἡμέρασ καὶ φανερῶσ εἰσ Ἐλαίαν, ὑπέστρεψε δὲ λεληθότωσ καὶ περὶ τήν πόλιν ὑφεὶσ ἐνέδραν ἡσύχαζεν. ἐπεὶ δ’ ἀτάκτωσ καὶ μετὰ θράσουσ ὡσ ἔρημον ἁρπασόμενοι τὸ στρατόπεδον οἱ Μιτυληναῖοι προῆλθον, ἐπεισπεσὼν αὐτοῖσ ἔλαβέ τε παμπόλλουσ ζῶντασ καὶ τῶν ἀμυνομένων πεντακοσίουσ ἀπέκτεινεν, ἀνδραπόδων δὲ χιλιάδασ ἓξ καὶ τὴν ἄλλην ἀναρίθμητον ἠλάσατο λείαν.

τῶν δὲ περὶ τήν Ἰταλίαν κακῶν, ἃ τότε Σύλλασ καὶ Μάριοσ ἄφθονα καὶ παντοδαπὰ τοῖσ ἀνθρώποισ παρεῖχον, οὐ πάνυ μετέσχε θείᾳ τινὶ τύχῃ περὶ τὰσ ἐν Ἀσίᾳ πράξεισ βραδύνασ.

οὐ μὴν ἔλαττόν τι παρὰ Σύλλα τῶν ἄλλων φίλων ἔσχεν, ἀλλὰ τήν τε γραφὴν, ὡσ εἴρηται, τῶν ὑπομνημάτων ἐκείνῳ δι’ εὔνοιαν ἀνέθηκε, καὶ τελευτῶν ἐπίτροπον τοῦ παιδὸσ ἔγραψεν ὑπερβὰσ Πομπήιον. καὶ δοκεῖ τοῦτο πρῶτον αὐτοῖσ ὑπάρξαι διαφορᾶσ αἴτιον καὶ ζηλοτυπίασ νέοισ οὖσι καὶ διαπύροισ πρὸσ δόξαν.

일치하는 문장이 없습니다.

SEARCH

MENU NAVIGATION