Plutarch, Lucullus, chapter 27

(플루타르코스, Lucullus, chapter 27)

ὡσ δ’ ὑπερβαλὼν τὸν Ταῦρον ἄθρουσ κατεφάνη καὶ κατεῖδε πρὸσ τοῖσ Τιγρανοκέρτοισ ἐπικαθήμενον τὸ στράτευμα τῶν Ῥωμαίων, ὁ μὲν ἐν τῇ πόλει βάρβαροσ ὅμιλοσ ὀλολυγῇ καὶ κρότῳ τὴν ὄψιν ἐδέξατο, καὶ τοῖσ Ῥωμαίοισ ἀπὸ τῶν τειχῶν ἀπειλοῦντεσ ἐδείκνυσαν τοὺσ Ἀρμενίουσ· Λουκούλλῳ δὲ σκοποῦντι περὶ τῆσ μάχησ οἱ μὲν ἄγειν ἐπὶ Τιγράνην ἐάσαντα τὴν πολιορκίαν συνεβούλευον, οἱ δὲ μὴ καταλιπεῖν ὀπίσω πολεμίουσ τοσούτουσ μηδ’ ἀνεῖναι τὴν πολιορκίαν.

ὁ δ’ εἰπὼν ἑκατέρουσ μὲν οὐκ ὀρθῶσ, ἀμφοτέρουσ δὲ καλῶσ παραινεῖν διεῖλε τὴν στρατιάν. καὶ Μουρήναν μὲν ἑξακισχιλίουσ ἔχοντα πεζοὺσ ἐπὶ τῆσ πολιορκίασ ἀπέλιπεν, αὐτὸσ δὲ τέσσσαρασ καὶ εἴκοσι σπείρασ ἀναλαβών, ἐν αἷσ οὐ πλείονεσ ἦσαν μυρίων ὁπλιτῶν, καὶ τοὺσ ἱππεῖσ ἅπαντασ καὶ σφενδονήτασ καὶ τοξότασ περὶ χιλίουσ, ἐχώρει. καὶ παρὰ τὸν ποταμὸν ἐν πεδίῳ μεγάλῳ καταστρατοπεδεύσασ παντάπασι μικρὸσ ἐφάνη Τιγράνῃ, καὶ τοῖσ κολακεύουσιν αὐτὸν διατριβὴν παρεῖχεν.

οἱ μὲν γὰρ ἔσκωπτον, οἱ δ’ ὑπὲρ τῶν λαφύρων ἐν παιδιᾷ διεβάλλοντο κλῆρον τῶν δὲ στρατηγῶν καὶ βασιλέων ἕκαστοσ ᾐτεῖτο προσιὼν αὐτοῦ μόνου γενέσθαι τὸ ἔργον, ἐκεῖνον δὲ καθέζεσθαι θεατήν. βουλόμενοσ δέ τι καὶ αὐτὸσ ὁ Τιγράνησ χαρίεισ εἶναι καὶ σκωπτικόσ εἶπε τὸ θρυλούμενον·

"εἰ μὲν ὡσ πρεσβευταί, πολλοὶ πάρεισιν εἰ δ’ ὡσ στρατιῶται, ὀλίγοι. καὶ τότε μὲν οὕτωσ εἰρωνευόμενοι καὶ παίζοντεσ διετέλεσαν, ἅμα δ’ ἡμέρᾳ Λούκουλλοσ ὡπλισμένην τὴν δύναμιν ἐξῆγε. καὶ πρὸσ ἑώ μὲν ἦν τοῦ ποταμοῦ τὸ βαρβαρικὸν στράτευμα· τοῦ δὲ ῥεύματοσ ἀποστροφὴν λαμβάνοντοσ ἐπὶ τὰσ δύσεισ, ᾗ μάλιστα περάσιμον ἦν, ἀντιπαρεξάγων τὴν δύναμιν καὶ σπεύδων ἔδοξεν ἀποχωρεῖν τῷ Τιγράνῃ. "Ῥωμαίων ὁπλίτασ οὐχ ὁρᾷσ φεύγοντασ;

"ὦ βασιλεῦ, γενέσθαι τι τῷ σῷ δαίμονι τῶν παραλόγων, ἀλλ’ οὔτ’ ἐσθῆτα λαμπρὰν οἱ ἄνδρεσ λαμβάνουσιν ὁδοιποροῦντεσ οὔτε θυρεοῖσ ἐκκεκαθαρμένοισ χρῶνται καὶ κράνεσι γυμνοῖσ, ὥσπερ νῦν τὰ σκύτινα τῶν ὅπλων σκεπάσματα περισπάσαντεσ, ἀλλὰ μαχουμένων ἐστὶν ἡ λαμπρότησ αὕτη καὶ βαδιζόντων ἤδη πρὸσ τοὺσ πολεμίουσ· ταῦτα λέγοντοσ ἔτι τοῦ Ταξίλου καταφανὴσ ἦν πρῶτοσ ἀετὸσ ἐπιστρέφοντοσ τοῦ Λουκούλλου καὶ τάξιν αἱ σπεῖραι κατὰ λόχουσ λαμβάνουσαι πρὸσ τὴν διάβασιν καὶ μόλισ ὥσπερ ἐκ μέθησ τινὸσ ἀναφέρων ὁ Τιγράνησ δὶσ ἢ τρὶσ ἐξέκραγεν·

"ἐφ’ ἡμᾶσ οἱ ἄνδρεσ; ὥστε θορύβῳ πολλῷ τὸ πλῆθοσ εἰσ τάξιν καθίστασθαι, βασιλέωσ μὲν αὐτοῦ τὸ μέσον ἔχοντοσ, τῶν δὲ κεράτων τὸ μὲν ἀριστερὸν τῷ Ἀδιαβηνῷ, τὸ δὲ δεξιὸν τῷ Μήδῳ παραδόντοσ, ἐφ’ οὗ καὶ τῶν καταφράκτων ἐν προτάγματι τὸ πλεῖστον ἦν. Λουκούλλῳ δὲ μέλλοντι διαβαίνειν τὸν ποταμὸν ἔνιοι τῶν ἡγεμόνων παρῄνουν φυλάττεσθαι τὴν ἡμέραν μίαν οὖσαν τῶν ἀποφράδων, ἃσ μελαίνασ καλοῦσιν·

ἐν ἐκείνῃ γὰρ τῇ ἡμέρᾳ ἡ μετὰ Καιπίωνοσ ἀπώλετο στρατιὰ συμβαλοῦσα Κίμβροισ. ὁ δ’ ἀπεκρίνατο τὴν μνημονευομένην φωνήν. "καὶ ταύτην εὐτυχῆ ποιήσω Ῥωμαίοισ τὴν ἡμέραν.

일치하는 문장이 없습니다.

SEARCH

MENU NAVIGATION