헬라어 문장 검색 - Πλυταρ́Λυξυλλύ33́

(플루타르코스, Lucullus, chapter 33)

μέχρι τοῦδε φαίη τισ ἂν Λουκούλλῳ τὴν τύχην ἑπομένην συστρατηγεῖν. ἐντεῦθεν δ’ ὥσπερ πνεύματοσ ἐπιλιπόντοσ προσβιαζόμενοσ πάντα καὶ παντάπασιν ἀντικρούων ἀρετὴν μὲν ἐπεδείκνυτο καὶ μακροθυμίαν ἡγεμόνοσ ἀγαθοῦ, δόξαν δὲ καὶ χάριν οὐδεμίαν αἱ πράξεισ ἔσχον, ἀλλὰ καὶ τὴν προϋπάρχουσαν ἐγγὺσ ἦλθε δυσπραγῶν καὶ διαφερόμενοσ μάτην ἀποβαλεῖν. τῶν δ’ αἰτιῶν αὐτὸσ οὐχὶ τὴν ἐλαχίστην εἰσ τοῦτο παρέσχεν, οὐκ ὢν θεραπευτικὸσ πλήθουσ στρατιωτικοῦ, καὶ πᾶν τὸ πρὸσ ἡδονὴν τοῦ ἀρχομένου γινόμενον ἀρχῆσ ἀτιμίαν καὶ κατάλυσιν ἡγούμενοσ·

τὸ δὲ μέγιστον, οὐδὲ τοῖσ δυνατοῖσ καὶ ἰσοτίμοισ εὐάρμοστοσ εἶναι πεφυκώσ, ἀλλὰ πάντων καταφρονῶν καὶ μηδενὸσ ἀξίουσ πρὸσ αὑτὸν ἡγούμενοσ, ταῦτα γὰρ ὑπάρξαι Λουκούλλῳ κακὰ λέγουσιν ἐν πᾶσι τοῖσ ἄλλοισ ἀγαθοῖσ· καὶ γὰρ μέγασ καὶ καλὸσ καὶ δεινὸσ εἰπεῖν καὶ φρόνιμοσ ὁμαλῶσ ἐν ἀγορᾷ καὶ στρατοπέδῳ δοκεῖ γενέσθαι.

Σαλούστιοσ μὲν οὖν φησι χαλεπῶσ διατεθῆναι τοὺσ στρατιώτασ πρὸσ αὑτὸν εὐθὺσ ἐν ἀρχῇ τοῦ πολέμου πρὸσ Κυζίκῳ καὶ πάλιν πρὸσ Ἀμισῷ, δύο χειμῶνασ ἑξῆσ ἐν χάρακι διαγαγεῖν ἀναγκασθέντασ. ἠνίων δ’ αὐτοὺσ καὶ οἱ λοιποὶ χειμῶνεσ, ἢ γὰρ ἐν τῇ πολεμίᾳ διεχείμαζον ἢ παρὰ τοῖσ συμμάχοισ ὕπαιθροι σκηνοῦντεσ, εἰσ δὲ πόλιν Ἑλληνίδα καὶ φίλην οὐδ’ ἅπαξ εἰσῆλθε μετὰ στρατοπέδου Λούκουλλοσ, οὕτω δὲ διακειμένοισ αὐτοῖσ τὰσ μεγίστασ ἐνέδωκαν ἀπὸ τῆσ Ῥώμησ οἱ δημαγωγοὶ προφάσεισ, φθόνῳ τοῦ Λουκούλλου κατηγοροῦντεσ ὡσ ὑπὸ φιλαρχίασ καὶ φιλοπλουτίασ ἕλκοντοσ τὸν πόλεμον καὶ μονονοὺ κατέχοντοσ ἐν ταὐτῷ Κιλικίαν, Ἀσίαν, Βιθυνίαν, Παφλαγονίαν, Γαλατίαν, Πόντον, Ἀρμενίαν, τὰ μέχρι Φάσιδοσ, νυνὶ δὲ καὶ τὰ Τιγράνου βασίλεια πεπορθηκότοσ, ὥσπερ ἐκδῦσαι τοὺσ βασιλεῖσ, οὐ καταπολεμῆσαι πεμφθέντοσ.

τοῦτο γὰρ εἰπεῖν φασιν ἕνα τῶν στρατηγῶν Λεύκιον Κόϊντον, ὑφ’ οὗ μάλιστα πεισθέντεσ ἐψηφίσαντο πέμπειν διαδόχουσ τῷ Λουκούλλῳ τῆσ ἐπαρχίασ, ἐψηφίσαντο δὲ καὶ τῶν ὑπ’ αὐτῷ στρατευομένων πολλοὺσ ἀφεῖσθαι στρατείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 33

(플루타르코스, Lucullus, chapter 33)

상위

목록

SEARCH

MENU NAVIGATION