헬라어 문장 검색 - Πλυταρ́Λυξυλλύ41́

(플루타르코스, Lucullus, chapter 41)

ὁ μέντοι Λούκουλλοσ οὐχ ἡδόμενοσ μόνον, ἀλλὰ καὶ σεμνυνόμενοσ τῷ βίῳ τούτῳ δῆλοσ ἦν ἐκ τῶν ἀπομνημονευομένων, λέγεται γὰρ Ἕλληνασ ἀνθρώπουσ ἀναβάντασ εἰσ Ῥώμην ἑστιᾶν ἐπὶ πολλὰσ ἡμέρασ, τοὺσ δ’ ὄντωσ Ἑλληνικόν τι παθόντασ, αἰσχύνεσθαι καὶ διωθεῖσθαι τὴν κλῆσιν, ὡσ δι’ αὐτοὺσ καθ’ ἡμέραν τοσούτων ἀναλισκομένων τὸν οὖν Λούκουλλον εἰπεῖν μειδιάσαντα πρὸσ αὐτούσ· "γίνεται μέν τι τούτων καὶ δι’ ὑμᾶσ, ὦ ἄνδρεσ Ἕλληνεσ·

"τὰ μέντοι πλεῖστα γίνεται διὰ Λούκουλλον. ἐπεὶ δὲ μόνου δειπνοῦντοσ αὐτοῦ μία τράπεζα καὶ μέτριον παρεσκευάσθη δεῖπνον, ἠγανάκτει καλέσασ τὸν ἐπὶ τούτῳ τεταγμένον οἰκέτην. "τί λέγεισ; "οὐκ ᾔδεισ, ὅτι σήμερον παρὰ Λουκούλλῳ δειπνεῖ Λούκουλλοσ; ὄντοσ δὲ περὶ τούτου, ὡσ εἰκὸσ, ἐν τῇ πόλει λόγου πολλοῦ, προσῆλθον αὐτῷ κατ’ ἀγορὰν σχολὴν ἄγοντι Κικέρων καὶ Πομπήιοσ, ὁ μέν ἐν τοῖσ μάλιστα φίλοσ ὢν καὶ συνήθησ, Πομπηϊῴ δ’ ἦν μέν ἐκ τῆσ στρατηγίασ διαφορὰ πρὸσ αὐτόν, εἰώθεισαν δὲ χρῆσθαι καὶ διαλέγεσθαι πολλάκισ ἐπιεικῶσ ἀλλήλοισ.

θρυπτομένου δὲ τοῦ Λουκούλλου καὶ μεταλαβεῖν ἡμέραν ἀξιοῦντοσ οὐκ ἔφασαν ἐπιτρέψειν, οὐδ’ εἰών διαλέγεσθαι τοῖσ οἰκέταισ, ἵνα μή τι πλέον κελεύσῃ γενέσθαι τῶν αὐτῷ γινομένων, πλὴν τοσοῦτο μόνον αἰτουμένῳ συνεχώρησαν εἰπεῖν πρὸσ ἕνα τῶν οἰκετῶν ἐναντίον ἐκείνων, ὅτι τήμερον ἐν τῷ Ἀπόλλωνι δειπνήσοι·

τοῦτο γάρ τισ εἶχε τῶν πολυτελῶν οἴκων ὄνομα·

καὶ τοῦτο σεσοφισμένοσ ἐλελήθει τοὺσ ἄνδρασ, ἑκάστῳ γὰρ, ὡσ ἐοίκε, δειπνητηρίῳ τεταγμένον ἦν τίμημα δείπνου, καὶ χορηγίαν ἰδίαν καὶ παρασκευὴν ἕκαστον εἶχεν, ὥστε τοὺσ δούλουσ ἀκούσαντασ, ὅπου βούλεται δειπνεῖν, εἰδέναι, πόσον δαπάνημα καὶ ποῖόν τι κόσμῳ καὶ διαθέσει γενέσθαι δεῖ τὸ δεῖπνον εἰώθει δὲ δειπνεῖν ἐν τῷ Ἀπόλλωνι πέντε μυριάδων· καὶ τότε τοσούτου τελεσθέντοσ ἐξέπληξε τοὺσ περὶ τὸν Πομπήϊον ἐν τῷ μεγέθει τῆσ δαπάνησ τὸ τάχοσ τῆσ παρασκευῆσ, εἰσ ταῦτα μέν οὖν ὑβριστικῶσ ἐχρῆτο τῷ πλούτῳ καθάπερ ὄντωσ αἰχμαλώτῳ καὶ βαρβάρῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 41

(플루타르코스, Lucullus, chapter 41)

상위

목록

SEARCH

MENU NAVIGATION