헬라어 문장 검색 - Πλυταρ́Λυξυλλύ20́

(플루타르코스, Lucullus, chapter 20)

Λούκουλλοσ δὲ τρέπεται πρὸσ τὰσ ἐν Ἀσίᾳ πόλεισ, ὅπωσ, τῶν πολεμικῶν ἔργων σχολάζοντοσ αὐτοῦ, καὶ δίκησ τινὸσ μετάσχῃ καὶ θεσμῶν, ὧν ἐπὶ πολὺν χρόνον ἐνδεῆ τὴν ἐπαρχίαν οὖσαν ἄρρητοι καὶ ἄπιστοι δυστυχίαι κατεῖχον, ὑπὸ τῶν τελωνῶν καὶ τῶν δανειστῶν πορθουμένην καὶ ἀνδραποδιζομένην, πιπράσκειν ἰδίᾳ μὲν υἱοὺσ εὐπρεπεῖσ θυγατέρασ τε παρθένουσ, δημοσίᾳ δ’ ἀναθήματα, γραφάσ, ἱεροὺσ ἀνδριάντασ ἀναγκαζομένων. αὐτοῖσ δὲ τέλοσ μὲν ἦν προσθέτοισ γενομένοισ δουλεύειν, τὰ δὲ πρὸ τούτου χαλεπώτερα, σχοινισμοὶ καὶ κιγκλίδεσ καὶ ἵπποι καὶ στάσεισ ὕπαιθροι, καύματοσ μὲν ἐν ἡλίῳ, ψύχουσ δ’ εἰσ πηλὸν ἐμβιβαζομένων ἢ πάγον, ὥστε τὴν δουλείαν σεισάχθειαν δοκεῖν εἶναι καὶ εἰρήνην.

τοιαῦτα μὲν κακὰ Λούκουλλοσ εὑρὼν ἐν ταῖσ πόλεσιν ὀλίγῳ χρόνῳ πάντων ἀπήλλαξε τοὺσ ἀδικουμένουσ.

πρῶτον μὲν γὰρ ἑκατοστὴν ἐκέλευσε καὶ μὴ πλέον εἰσ τοὺσ τόκουσ λογίζεσθαι· δεύτερον δὲ τοὺσ μακροτέρουσ τοῦ ἀρχαίου τόκουσ ἀπέκοψε· τὸ δὲ τρίτον καὶ μέγιστον, ἔταξε τῶν τοῦ χρεωφειλέτου προσόδων τὴν τετάρτην μερίδα καρποῦσθαι τὸν δανειστήν ὁ δὲ τόκον κεφαλαίῳ συνάψασ ἐστέρητο τοῦ παντόσ· ὥστ’ ἐν ἐλάττονι χρόνῳ τετραετίασ διαλυθῆναι τὰ χρέα πάντα καὶ τὰσ κτήσεισ ἐλευθέρασ ἀποδοθῆναι τοῖσ δεσπόταισ.

ἐκεῖνοι μὲν οὖν ὡσ δεινὰ πεπονθότεσ ἐν Ῥώμῃ τοῦ Λουκούλλου κατεβόων, καὶ χρήμασιν ἀνίστασαν ἐπ’ αὐτὸν ἐνίουσ τῶν δημαγωγῶν, μέγα δυνάμενοι καὶ πολλοὺσ ὑπόχρεωσ πεποιημένοι τῶν πολιτευομένων, ὁ δὲ Λούκουλλοσ οὐ μόνον ὑπὸ τῶν εὖ πεπονθότων ἠγαπᾶτο δήμων, ἀλλὰ καὶ ταῖσ ἄλλαισ ἐπαρχίαισ ποθεινὸσ ἦν, εὐδαιμονιζούσαισ τοὺσ ἡγεμόνοσ τοιούτου τυχόντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 20

(플루타르코스, Lucullus, chapter 20)

상위

목록

SEARCH

MENU NAVIGATION