Plutarch, Lucullus, chapter 38

(플루타르코스, Lucullus, chapter 38)

τῆσ δὲ Κλωδίασ ἀπηλλαγμένοσ, οὔσησ ἀσελγοῦσ καὶ πονηρᾶσ, Σερουϊλίαν ἔγημεν, ἀδελφὴν Κάτωνοσ, οὐδὲ τοῦτον εὐτυχῆ γάμον. ἓν γὰρ οὐ προσῆν αὐτῷ τῶν Κλωδίασ κακῶν μόνον, ἡ τῶν ἀδελφῶν διαβολή· τἆλλα δὲ βδελυρὰν ὁμοίωσ οὖσαν καὶ ἀκόλαστον ἠναγκάζετο φέρειν αἰδούμενοσ Κάτωνα, τέλοσ δὲ ἀπεῖπεν. ἐλπίδασ δὲ θαυμαστὰσ τῇ βουλῇ παρασχών, ὡσ ἐχούσῃ τὸν ἄνδρα τοῦτον ἀντίταγμα πρὸσ τὴν τοῦ Πομπηίου τυραννίδα καὶ τῆσ ἀριστοκρατίασ πρόμαχον ἀπὸ δόξησ καὶ δυνάμεωσ ὁρμώμενον μεγάλησ, ἐγκατέλιπε καὶ προήκατο τὴν πολιτείαν, εἴτε δυσκάθεκτον ἤδη καὶ νοσοῦσαν ὁρῶν εἴθ’, ὥσ φασιν ἔνιοι, μεστὸσ ὢν δόξησ καὶ πρὸσ τὸ ῥᾷστον ἀναπίπτων τοῦ βίου καὶ μαλακώτατον ἐκ πολλῶν ἀγώνων καὶ πόνων οὐκ εὐτυχέστατον τέλοσ λαβόντων.

οἱ μὲν γὰρ ἐπαινοῦσιν αὐτοῦ τὴν τοσαύτην μεταβολήν, τὸ Μαρίου πάθοσ μὴ παθόντοσ, ὃσ ἐπὶ ταῖσ Κιμβρικαῖσ νίκαισ καὶ τοῖσ καλοῖσ καὶ μεγάλοισ ἐκείνοισ κατορθώμασιν οὐκ ἠθέλησεν αὑτὸν ἀνεῖναι τιμῇ τοσαύτῃ ζηλωτόν, ἀλλ’ ἀπληστίᾳ δόξησ καὶ ἀρχῆσ νέοισ ἀνδράσι γέρων ἀντιπολιτευόμενοσ εἰσ ἔργα δεινὰ καὶ πάθη δεινότερα τῶν ἔργων ἐξώκειλε·

βέλτιον δ’ ἂν καὶ Κικέρωνα γηρᾶσαι μετὰ Κατιλίναν ὑποστειλάμενον καὶ Σκηπίωνα Καρχηδόνι προσθέντα Νομαντίαν, εἶτα παυσάμενον εἶναι γάρ τινα καὶ πολιτικῆσ περιόδου κατάλυσιν τῶν γὰρ ἀθλητικῶν ἀγώνων τοὺσ πολιτικοὺσ οὐδὲν ἧττον ἀκμῆσ καὶ ὡρ́ασ ἐπιλιπούσησ ἐλέγχεσθαι. οἱ δὲ περὶ τὸν Κράσσον καὶ Πομπήϊον ἐχλευάζον τὸν Λούκουλλον εἰσ ἡδονὴν ἀφεικότα καὶ πολυτέλειαν αὑτόν, ὥσπερ οὐ τοῦ τρυφᾶν μᾶλλον τοῖσ τηλικούτοισ παρ’ ἡλικίαν ὄντοσ ἢ τοῦ πολιτεύεσθαι καὶ στρατηγεῖν.

일치하는 문장이 없습니다.

SEARCH

MENU NAVIGATION