Plutarch, Lucullus, chapter 5

(플루타르코스, Lucullus, chapter 5)

ὀλίγῳ δ’ ὕστερον ἢ Σύλλαν ἀποθανεῖν ὑπάτευσε μετὰ Μάρκου Κόττα περὶ τὴν ἕκτην καὶ ἑβδομηκοστὴν πρὸσ ταῖσ ἑκατὸν ὀλυμπιάδα. πολλῶν οὖν αὖθισ ἀνακινούντων τὸν Μιθριδατικὸν πόλεμον, ἔφη Μᾶρκοσ αὐτὸν οὐ πεπαῦσθαι, ἀλλ’ ἀναπεπαῦσθαι. διὸ καὶ λαχὼν τῶν ἐπαρχιῶν ὁ Λούκουλλοσ τὴν ἐντὸσ Ἄλπεων Γαλατίαν ἤχθετο, πράξεων ὑποθέσεισ μεγάλων οὐκ ἔχουσαν. μάλιστα δ’ αὐτὸν εὐδοκιμῶν Πομπήιοσ ἐν Ἰβηρίᾳ παρώξυνεν, ὡσ ἄλλοσ οὐδεὶσ ἐπίδοξοσ ὤν, εἰ συμβαίη παύσασθαι τὸν ’ Ἰβηρικὸν πόλεμον, εὐθὺσ αἱρεθήσεσθαι στρατηγὸσ ἐπὶ Μιθριδάτην.

διὸ καὶ χρήματα αἰτοῦντοσ αὐτοῦ καὶ γράφοντοσ, ὡσ, εἰ μὴ πέμποιεν, ἀφεὶσ Ἰβηρίαν καὶ Σερτώριον εἰσ Ἰταλίαν ἀπάξοι τὰσ δυνάμεισ, συνέπραξεν ὁ Λούκουλλοσ προθυμότατα πεμφθῆναι τὰ χρήματα καὶ μηδ’ ἀφ’ ἡστινοσοῦν προφάσεωσ ἐκεῖνον ἐπανελθεῖν ὑπατεύοντοσ αὐτοῦ πάντα γὰρ ἂν ἐπ’ ἐκείνῳ γενήσεσθαι τὰ τῆσ πόλεωσ παρόντι μετὰ τοσαύτησ στρατιᾶσ, καὶ γὰρ ὁ κρατῶν τότε τῆσ πολιτείασ τῷ πρὸσ χάριν ἅπαντα καὶ λέγειν καὶ πράττειν Κέθηγοσ ἔχθραν τινὰ πρὸσ Λούκουλλον εἶχε, βδελυττόμενον αὐτοῦ τὸν βίον αἰσχρῶν ἐρώτων καὶ ὕβρεωσ καὶ πλημμελείασ μεστὸν ὄντα. τοῦτον μὲν οὖν ἄντικρυσ ἐπολέμει·

Λεύκιον δὲ Κόϊντον, ἄλλον δημαγωγόν, ἐπαναστάντα τοῖσ Σύλλα πολιτεύμασι καὶ ταράττειν τὰ πράγματα πειρώμενον ἐκ τοῦ καθεστῶτοσ, ἰδίᾳ τε πολλὰ παραμυθούμενοσ καὶ δημοσίᾳ νουθετῶν ἀπέστησε τῆσ πείρασ καὶ κατεστόρεσε τὴν φιλοτιμίαν, ὡσ ἐνῆν μάλιστα πολιτικῶσ καὶ σωτηρίωσ ἀρχὴν νοσήματοσ μεγάλου μεταχειρισάμενοσ.

일치하는 문장이 없습니다.

SEARCH

MENU NAVIGATION