헬라어 문장 검색 - Πλυταρ́Λυξυλλύ36́

(플루타르코스, Lucullus, chapter 36)

ἔτι δὲ μᾶλλον ἐφάνη τὸ γινόμενον τοῖσ ἐκεῖ παροῦσι νεμεσητόν. οὔτε γὰρ τιμῆσ ὁ Λούκουλλοσ οὔτε τιμωρίασ τῶν ἐν πολέμῳ κύριοσ ὑπῆρχεν, οὐδ’ εἰά τινὰ Πομπήιοσ βαδίζειν πρὸσ αὐτὸν οὐδὲ προσέχειν οἷσ ἐκεῖνοσ ἔγραφε καὶ διένεμε μετὰ τῶν δέκα πρέσβεων, ἀλλ’ ἐκώλυεν ἐκτιθεὶσ διαγράμματα καὶ φοβερὸσ παρὼν ἀπὸ μείζονοσ δυνάμεωσ. ὅμωσ δὲ ἔδοξε τοῖσ φίλοισ συναγαγεῖν αὐτούσ καὶ συνῆλθον ἐν κώμῃ τινὶ τῆσ Γαλατίασ καὶ προσεῖπον ἀλλήλουσ φιλοφρόνωσ καὶ συνήσθησαν ἐπὶ τοῖσ κατωρθωμένοισ ἑκατέρῳ, πρεσβύτεροσ μὲν ὢν ὁ Λούκουλλοσ, ἀξίωμα δ’ ἦν τὸ Πομπηϊού μεῖζον ἀπὸ πλειόνων στρατηγιῶν καὶ δυεῖν θριάμβων.

ῥάβδοι δ’ ἀμφοτέρων προηγοῦντο δαφνηφόροι διὰ τὰσ νίκασ. καὶ τοῦ γε Πομπηίου μακρὰν ὁδὸν διὰ τόπων ἀνύδρων καὶ αὐχμηρῶν ὁδεύσαντοσ τὰσ δάφνασ ξηρὰσ περικειμένασ ταῖσ ῥάβδοισ ἰδόντεσ οἱ τοῦ Λουκούλλον ῥαβδοφόροι φιλοφρονούμενοι τοῖσ ἐκείνου μετέδωκαν ἐκ τῶν ἰδίων, προσφάτουσ καὶ θαλερὰσ ἔχοντεσ, καὶ τὸ γινόμενον εἰσ οἰωνὸν ἐτίθεντο χρηστὸν οἱ Πομπηίου φίλοι·

τῷ γὰρ ὄντι τὴν ἐκείνου στρατηγίαν αἱ τούτου πράξεισ ἐκόσμησαν. ἐκ δὲ τῶν λόγων πρὸσ οὐδὲν ἐπιεικὲσ συνέβησαν, ἀλλ’ ἔτι μᾶλλον ἀλλοτριωθέντεσ πρὸσ ἀλλήλουσ ἀπῆλθον καὶ τὰσ ὑπὸ τοῦ Λουκούλλου γενομένασ διατάξεισ ἠκύρωσεν ὁ Πομπήιοσ, στρατιώτασ δὲ τοὺσ ἄλλουσ ἀπαγαγών μόνουσ αὐτῷ χιλίουσ ἑξακοσίουσ ἀπέλιπε συνθριαμβεύσοντασ, οὐδὲ τούτουσ μάλα προθύμωσ ἑπομένουσ.

οὕτω τισ ἦν ἀφυὴσ ἢ δυστυχὴσ ὁ Λούκουλλοσ πρὸσ τὸ πάντων ἐν ἡγεμονία πρῶτον καὶ μέγιστον ὡσ, εἰ τοῦτο μετὰ τῶν ἄλλων ὑπῆρξεν αὐτῷ, τηλικούτων ὄντων καὶ τοσούτων, μετ’ ἀνδρείασ, ἐπιμελείασ, συνέσεωσ, δικαιοσύνησ, οὐκ ἂν εἶχεν ἡ Ῥωμαίων ἡγεμονία τὸν Εὐφράτην τῆσ Ἀσίασ ὁρ́ον, ἀλλὰ τὰ ἔσχατα καὶ τὴν Ὑρκανίαν θάλατταν, τῶν μὲν ἄλλων ἐθνῶν Τιγράνῃ προηττημένων, τῆσ δὲ Πάρθων δυνάμεωσ οὐχ ὅση κατὰ Κράσσον ἐξεφάνη τοσαύτησ καὶ κατὰ Λούκουλλον οὔσησ οὐδ’ ὁμοίωσ συνεστώσησ, ἀλλ’ ὑπ ἐμφυλίων καὶ προσοίκων πολέμων οὐδ’ Ἀρμενίουσ ὑβρίζοντασ ἐρρωμένησ ἀμύνεσθαι.

νῦν δέ μοι δοκεῖ Λούκουλλοσ ὧν ὠφέλησε δι’ αὑτοῦ τὴν πατρίδα βλάψαι μείζονα δι’ ἑτέρων·

τὰ γὰρ ἐν Ἀρμενίᾳ τρόπαια Πάρθων πλησίον ἑστῶτα καὶ Τιγρανόκερτα καὶ Νίσιβισ καὶ πλοῦτοσ ἐκ τούτων πολὺσ εἰσ Ῥώμην κομισθεὶσ καὶ τὸ Τιγράνου διάδημα πομπευθὲν αἰχμάλωτον ἐπῆρε Κράσσον ἐπὶ τὴν Ἀσίαν, ὡσ λάφυρα καὶ λείαν τοὺσ βαρβάρουσ, ἄλλο δ’ οὐδὲν ὄντασ.

ταχὺ μέντοι τοῖσ Πάρθων τοξεύμασιν ἐντυχών ἀπέδειξε τὸν Λούκουλλον οὐκ ἀφροσύνῃ καὶ μαλακίᾳ τῶν πολεμίων, αὑτοῦ δὲ τόλμῃ καὶ δεινότητι περιγενόμενον. ἀλλὰ ταῦτα μὲν ὕστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 36

(플루타르코스, Lucullus, chapter 36)

상위

목록

SEARCH

MENU NAVIGATION