헬라어 문장 검색 - Πλυταρ́Λυξυλλύ25́

(플루타르코스, Lucullus, chapter 25)

Τιγράνῃ δ’, ὡσ ὁ πρῶτοσ ἀγγείλασ ἥκοντα Λούκουλλον οὐκ ἐχαίρησεν, ἀλλ’ ἀπετέτμητο τὴν κεφαλήν, οὐδεὶσ ἄλλοσ ἔφραζεν, ἀλλ’ ἀγνοῶν καθῆστο περικαιόμενοσ ἤδη τῷ πολεμίῳ πυρί, λόγουσ ἀκούων πρὸσ χάριν, ὡσ μέγαν ὄντα Λούκουλλον στρατηγόν, εἰ πρὸσ Ἐφέσῳ Τιγράνην ὑποσταίη καὶ μὴ φεύγων εὐθὺσ ἐξ Ἀσίασ οἴχοιτο τὰσ τοσαύτασ μυριάδασ ἰδών. οὕτωσ οὔτε σώματοσ παντόσ ἐστι πολὺν ἄκρατον ἐνεγκεῖν οὔτε διανοίασ τῆσ τυχούσησ ἐν εὐτυχήμασι μεγάλοισ μὴ ἐκστῆναι τῶν λογισμῶν, πρῶτοσ δ’ αὐτῷ τῶν φίλων ἐτόλμησε Μιθροβαρζάνησ φράσαι τὸ ἀληθέσ, οὐδ’ οὗτοσ δὲ χρηστὸν ἠνέγκατο γέρασ τῆσ παρρησίασ.

ἐπέμφθη γὰρ εὐθὺσ ἐπὶ τὸν Λούκουλλον σὺν ἱππεῦσι τρισχιλίοισ, πεζοῖσ δὲ παμπόλλοισ, κελευσθεὶσ τὸν μὲν στρατηγὸν ἄγειν ζῶντα, τοὺσ δ’ ἄλλουσ καταπατῆσαι. Λουκούλλῳ δὲ τῆσ στρατιᾶσ ἡ μὲν ἤδη κατεζεύγνυεν, ἡ δὲ ἔτι προσῄει.

τῶν δὲ σκοπῶν αὐτῷ φρασάντων ἐπελαύνοντα τὸν βάρβαρον, ἔδεισε μὴ χωρὶσ ὄντασ καὶ οὐκ ἐν τάξει προσπεσὼν ταράξῃ. καὶ αὐτὸσ μὲν καθίστατο τὴν στρατοπεδείαν, Σεξτίλιον δὲ πρεσβευτὴν ἔπεμψεν ἱππεῖσ ἔχοντα χιλίουσ ἑξακοσίουσ, ὁπλίτασ δὲ καὶ ψιλοὺσ οὐ πολλῷ πλείονασ, κελεύσασ ἐγγὺσ προσελθόντα τοῖσ πολεμίοισ μένειν, ἑώσ ἂν πύθηται τοὺσ μετ’ αὐτοῦ κατεστρατοπεδευκότασ. ἐβούλετο μὲν οὖν ὁ Σεξτίλιοσ ταῦτα ποιεῖν, ἐβιάσθη δ’ ὑπὸ τοῦ Μιθροβαρζάνου θρασέωσ ἐπελαύνοντοσ εἰσ χεῖρασ ἐλθεῖν.

καὶ γενομένησ μάχησ ὁ μὲν Μιθροβαρζάνησ ἔπεσεν ἀγωνιζόμενοσ, οἱ δ’ ἄλλοι φεύγοντεσ ἀπώλοντο πλὴν ὀλίγων ἅπαντεσ. ἐκ τούτου Τιγράνησ μὲν ἐκλιπὼν Τιγρανόκερτα, μεγάλην πόλιν ἐκτισμένην ὑπ’ αὐτοῦ, πρὸσ τὸν Ταῦρον ἀνεχώρησε καὶ τὰσ δυνάμεισ πανταχόθεν ἐνταῦθα συνῆγε, Λούκουλλοσ δὲ τῇ παρασκευῇ χρόνον οὐ διδούσ Μουρήναν μὲν ἐξέπεμψεν ἐνοχλήσοντα καὶ περικόψοντα τοὺσ ἀθροιζομένουσ πρὸσ τὸν Τιγράνην, Σεξτίλιον δὲ πάλιν Ἀράβων χεῖρα μεγάλην ἀνείρξοντα βασιλεῖ προσιοῦσαν·

ὁμοῦ δὲ Σεξτίλιοσ μὲν ἐπιπεσὼν στρατόπεδον ποιουμένοισ τοῖσ Ἄραψι τοὺσ πλείστουσ διέφθειρε, Μουρήνασ δ’ ἑπόμενοσ Τιγράνῃ τραχὺν αὐλῶνα καὶ στενόπορον στρατῷ μακρῷ διεκβάλλοντι καιροῦ παρασχόντοσ ἐπιτίθεται, καὶ φεύγει μὲν αὐτὸσ Τιγράνησ προέμενοσ τὴν ἀποσκευὴν ἅπασαν, ἀποθνῄσκουσι δὲ πολλοὶ καὶ πλείονεσ ἁλίσκονται τῶν Ἀρμενίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 25

(플루타르코스, Lucullus, chapter 25)

상위

목록

SEARCH

MENU NAVIGATION