헬라어 문장 검색 - Πλυταρ́Λυξυλλύ21́

(플루타르코스, Lucullus, chapter 21)

ἔπειτα Τιγράνην αὐτοῦ κελευσθεὶσ περιμένειν ἀπῆν γὰρ ἐνίασ ἔτι τῶν ἐν Φοινίκῃ πόλεων καταστρεφόμενοσ, πολλοὺσ μὲν ᾠκειώσατο τῶν ὑπούλωσ ἀκροωμένων τοῦ Ἀρμενίου δυναστῶν, ὧν εἷσ ἦν καὶ Ζαρβιηνὸσ ὁ τῆσ Γορδυηνῆσ βασιλεύσ, πολλαῖσ δὲ κρύφα τῶν δεδουλωμένων πόλεων διαπεμπομέναισ πρὸσ αὑτὸν ὑπέσχετο τὴν Λουκούλλου βοήθειαν, ἐν τῷ παρόντι κελεύσασ ἡσυχάζειν. ἦν γὰρ οὐκ ἀνασχετὸσ ἡ τῶν Ἀρμενίων ἀρχὴ τοῖσ Ἕλλησιν, ἀλλὰ χαλεπή καὶ μάλιστα τοῦ βασιλέωσ αὐτοῦ τὸ φρόνημα τραγικὸν καὶ ὑπέρογκον ἐν ταῖσ μεγάλαισ εὐτυχίαισ ἐγεγόνει, πάντων, ὅσα ζηλοῦσιν οἱ πολλοὶ καὶ θαυμάζουσιν, οὐ μόνον ὄντων περὶ αὐτόν, ἀλλὰ καὶ δι’ αὑτὸν γεγονέναι δοκούντων.

ἀρξάμενοσ γὰρ ἀπὸ μικρᾶσ καὶ καταφρονουμένησ ἐλπίδοσ ἔθνη πολλὰ κατεστρέψατο, καὶ τὴν Πάρθων, ὡσ ἄλλοσ οὐδεὶσ, δύναμιν ἐταπείνωσεν, Ἑλλήνων δὲ τὴν Μεσοποταμίαν ἐνέπλησε, πολλοὺσ μὲν ἐκ Κιλικίασ, πολλοὺσ δ’ ἐκ Καππαδοκίασ ἀνασπάστουσ κατοικίζων.

ἐκίνησε δ’ ἐξ ἠθῶν καὶ Ἄραβασ τοὺσ Σκηνίτασ μεταγαγὼν καὶ πλησίον ἱδρύσασ, ὅπωσ χρῷτο δι’ ἐκείνων ταῖσ ἐμπορίαισ. βασιλεῖσ δὲ πολλοὶ μὲν ἦσαν οἱ θεραπεύοντεσ αὐτόν, τέσσαρεσ δέ, οὓσ ἀεὶ περὶ αὑτὸν εἶχεν ὥσπερ ὀπαδοὺσ ἢ δορυφόρουσ, ἱππότῃ μὲν ἐλαύνοντι πεζοὺσ παραθέοντασ ἐν χιτωνίσκοισ, καθημένῳ δὲ καὶ χρηματίζοντι περιεστῶτασ ἐπηλλαγμέναισ δι’ ἀλλήλων ταῖσ χερσίν, ὅπερ ἐδόκει μάλιστα τῶν σχημάτων ἐξομολόγησισ εἶναι δουλείασ, οἱο͂ν ἀποδομένων τὴν ἐλευθερίαν καὶ τὸ σῶμα τῷ κυρίῳ παρεχόντων παθεῖν ἑτοιμότερον ἢ ποιῆσαι.

ταύτην μέντοι τὴν τραγῳδίαν οὐχ ὑποτρέσασ οὐδ’ ἐκπλαγεὶσ ὁ Ἄππιοσ, ὡσ ἔτυχε λόγου πρῶτον, ἄντικρυσ ἥκειν ἔφη Μιθριδάτην ἀπάξων ὀφειλόμενον τοῖσ Λουκούλλου θριάμβοισ ἢ καταγγελῶν Τιγράνῃ πόλεμον, ὥστε τὸν Τιγράνην, καίπερ ἐν διαχύσει τοῦ προσώπου καὶ μειδιάματι πεπλασμένῳ πειρώμενον ἀκούειν τῶν λόγων, μὴ λαθεῖν τοὺσ παρόντασ ἠλλοιωμένον τῇ παρρησίᾳ τοῦ νεανίσκου, φωνῆσ σχεδὸν ἐλευθέρασ ἀκούοντα διὰ πέντε καὶ εἴκοσιν ἐτῶν τοσαῦτα γὰρ ἐβασίλευσε, μᾶλλον δὲ ὕβρισεν.

ἀπεκρίνατο μὲν οὖν τῷ Ἀππίῳ μὴ προήσεσθαι Μιθριδάτην, καὶ Ῥωμαίουσ πολέμου ἄρχοντασ ἀμυνεῖθαι.

Λουκούλλῳ δ’ ὀργιζόμενοσ, ὅτι βασιλέα μόνον αὐτόν, οὐ βασιλέων ἐν τῇ ἐπιστολῇ προσηγόρευσεν, οὐδ’ αὐτὸσ ἀντιγράφων αὐτοκράτορα προσεῖπεν. ἔπεμψε δὲ δῶρα τῷ Ἀππίῳ λαμπρά, καὶ μὴ λαβόντοσ ἄλλα πλείω προσέθηκεν. ἐκ τούτων ὁ Ἄππιοσ οὐκ ἐθέλων δοκεῖν ἔχθρᾳ τινὶ διωθεῖσθαι φιάλην δεξάμενοσ μίαν ἀπέπεμψε τὰ λοιπά, καὶ διὰ ταχέων ἀπήλαυνε πρὸσ τὸν αὐτοκράτορα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 21

(플루타르코스, Lucullus, chapter 21)

상위

목록

SEARCH

MENU NAVIGATION