헬라어 문장 검색 - Πλυταρ́Λυξυλλύ17́

(플루타르코스, Lucullus, chapter 17)

ἐκ τούτου Σωρνάτιοσ μὲν ἐπὶ σίτου κομιδὴν ἐπέμφθη μετὰ δέκα σπειρῶν καὶ καταδιωχθεὶσ ὑπὸ Μενάνδρου, τῶν Μιθριδάτου στρατηγῶν ἑνόσ, ἀντέστη καὶ συμβαλὼν φόνον ἐποίησε πολὺν καὶ τροπὴν τῶν πολεμίων, αὖθισ δὲ πεμφθέντοσ Ἀδριανοῦ μετὰ δυνάμεωσ, ὅπωσ ἐκ περιουσίασ ἔχωσιν οἱ στρατιῶται σῖτον, οὐ περιεῖδε Μιθριδάτησ, ἀλλ’ ἀπέστειλε Μενέμαχον καὶ Μύρωνα πολλῶν μὲν ἱππέων, πολλῶν δὲ πεζῶν ἡγουμένουσ. οὗτοι πάντεσ, ὡσ λέγεται, πλὴν δυεῖν κατεκόπησαν ὑπὸ τῶν Ῥωμαίων.

καὶ Μιθριδάτησ μὲν ἔκρυπτε τὴν συμφοράν ὡσ οὐ τοσαύτην οὖσαν, ἀλλὰ μικράν, προσκεκρουκότων ἀπειρίᾳ τῶν στρατηγῶν, Ἀδριανὸσ δὲ λαμπρὸσ παρημείβετο τὸ στρατόπεδον πολλὰσ κατάγων ἁμάξασ σίτου καὶ λαφύρων γεμούσασ, ὥστε δυσθυμίαν μὲν αὐτῷ, ταραχὴν δὲ καὶ φόβον ἀμήχανον ἐμπεσεῖν τοῖσ στρατιώταισ. ἐδέδοκτο μὲν οὖν μηκέτι μένειν ἐπεὶ δὲ προεξέπεμπον οἱ βασιλικοὶ τὰ σφέτερα χρήματα καθ’ ἡσυχίαν, τοὺσ δ’ ἄλλουσ ἐκώλυον, ἤδη καὶ πρὸσ ὀργὴν ἐπὶ τὰσ ἐξόδουσ ὠθούμενοι καὶ βιαζόμενοι τὰ μὲν χρήματα ἡρ́παζον, αὐτοὺσ δὲ ἀπέσφαττον.

ὅπου καὶ Δορύλαοσ ὁ στρατηγόσ οὐδὲν ἕτερον ἔχων ἢ τὴν πορφύραν περὶ αὑτόν ἀπώλετο διὰ ταύτην, Ἑρμαῖοσ δὲ ὁ θύτησ κατεπατήθη περὶ τὰσ πύλασ. αὐτὸσ δ’ ὁ Μιθριδάτησ, οὔτε ὀπαδοῦ τινοσ οὔτε ἱπποκόμου παραμείναντοσ αὐτῷ, συνεξέπεσεν ἀπὸ τοῦ στρατοπέδου τοῖσ πολλοῖσ ἀναμεμιγμένοσ, οὐδ’ ἵππου τῶν βασιλικῶν εὐπορήσασ, ἀλλ’ ὀψέ που κατιδὼν αὐτόν ἐν τῷ ῥεύματι τῆσ τροπῆσ ἐκείνησ διαφερόμενον Πτολεμαῖοσ ὁ εὐνοῦχοσ ἵππον ἔχων αὐτὸσ ἀπεπήδησε καὶ παρέσχεν.

ἤδη γὰρ αὑτόν οἱ Ῥωμαῖοι κατεῖχον ἐπικείμενοι·

καὶ τάχει μὲν οὐκ ἀπελίποντο τοῦ λαβεῖν αὐτόν, ἀλλ’ ἦλθον ἔγγιστα τούτου, φιλοπλουτία δὲ καὶ μικρολογία στρατιωτικὴ τὸ πολλοῖσ ἀγῶσι καὶ μεγάλοισ κινδύνοισ διωκόμενον ἐκ μακροῦ θήραμα Ῥωμαίουσ ἀφείλετο καὶ Λούκουλλον ἀπεστέρησε νικῶντα τῶν ἐπάθλων. ἦν μὲν γὰρ ἐν ἐφικτῷ τῆσ διώξεωσ ὁ ὑπεκφέρων τὸν ἄνδρα ἵπποσ, ἡμιόνου δὲ τῶν τὸ χρυσίον κομιζόντων μεταξὺ τοῦ βασιλέωσ εἴτ’ ἀπὸ ταὐτομάτου παρεισπεσόντοσ, εἴτε τοῦ βασιλέωσ ἐπίτηδεσ ἐμβαλόντοσ αὑτόν εἰσ τοὺσ διώκοντασ, ἁρπάζοντεσ καὶ συλλέγοντεσ τὸ χρυσίον καὶ διαμαχόμενοι πρὸσ ἀλλήλουσ καθυστέρησαν, καὶ οὐ τοῦτο μόνον αὐτῶν ἀπέλαυσε τῆσ πλεονεξίασ Λούκουλλοσ, ἀλλὰ καὶ τὸν ἐπὶ τῶν ἀπορρήτων τοῦ βασιλέωσ ὄντα Καλλίστρατον ὁ μὲν ἄγειν ἐκέλευσεν, οἱ δ’ ἄγοντεσ αἰσθόμενοι πεντακοσίουσ χρυσοῦσ ὑπεζωσμένον ἀπέκτειναν.

οὐ μὴν ἀλλὰ τούτοισ μὲν ἐπέτρεψε τὸν χάρακα πορθῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 17

(플루타르코스, Lucullus, chapter 17)

상위

목록

SEARCH

MENU NAVIGATION