헬라어 문장 검색 - Πλυταρ́Λυξυλλύ08́

(플루타르코스, Lucullus, chapter 8)

ὃν δὲ περὶ ταῦτα Λούκουλλοσ ἠσχολεῖτο χρόνον αὑτοῦ καιρὸν εἶναι νομίζων ὁ Κόττασ παρεσκευάζετο μάχεσθαι πρὸσ Μιθριδάτην. συμβαλεῖν ἔσπευσε, πληγεὶσ δ’ ἅμα καὶ κατὰ γῆν καὶ κατὰ θάλατταν ἑξήκοντα μὲν ἀπώλεσεν αὔτανδρα σκάφη, πεζοὺσ δὲ τετρακισχιλίουσ, αὐτὸσ δὲ κατακλεισθεὶσ εἰσ Χαλκηδόνα καὶ πολιορκούμενοσ εἰσ τὰσ Λουκούλλου χεῖρασ ἀπέβλεπεν.

ἦσαν μὲν οὖν οἱ τὸν Λούκουλλον ἀμελήσαντα Κόττα πρόσω χωρεῖν παρορμῶντεσ ὡσ ἔρημον αἱρήσοντα τὴν Μιθριδάτου βασιλείαν, καὶ μάλιστα τῶν στρατιωτῶν οὗτοσ ἦν ὁ λόγοσ, ἀγανακτούντων, εἰ μὴ μόνον αὑτὸν ἀπολεῖ καὶ τοὺσ σὺν αὐτῷ βουλευσάμενοσ κακῶσ ὁ Κόττασ, ἀλλὰ καὶ σφίσιν ἐμποδὼν ἔσται νικᾶν ἀμαχεῖ δυναμένοισ.

Λούκουλλοσ δὲ πρὸσ μὲν τούτουσ δημηγορῶν εἶπεν, ὡσ ἕνα βούλοιτ’ ἂν ἐκ πολεμίων σῶσαι Ῥωμαῖον ἢ πάντα λαβεῖν τὰ τῶν πολεμίων Ἀρχελάου δὲ τοῦ περὶ Βοιωτίαν Μιθριδάτῃ στρατηγήσαντοσ, εἶτ’ ἀποστάντοσ καὶ Ῥωμαίοισ συστρατεύοντοσ, διαβεβαιουμένου ὀφθέντα Λούκουλλον ἐν Πόντῳ πάντων ὁμοῦ κρατήσειν, οὐκ ἔφη δειλότεροσ εἶναι τῶν κυνηγῶν, ὥστε τὰ θηρία παρελθὼν ἐπὶ κενοὺσ αὐτῶν τοὺσ φωλεοὺσ βαδίζειν.

ἀπ’ οὐδεμιᾶσ ἐπιφανοῦσ μεταβολῆσ, ἀλλ’ ἐξαίφνησ τοῦ ἀέροσ ὑπορραγέντοσ ὤφθη μέγα σῶμα φλογειδὲσ εἰσ μέσον τῶν στρατοπέδων καταφερόμενον, τὸ μὲν σχῆμα πίθῳ μάλιστα, τὴν δὲ χρόαν ἀργύρῳ διαπύρῳ προσεοικόσ, ὥστε δείσαντασ ἀμφοτέρουσ τὸ φάσμα διακριθῆναι.

τοῦτο μὲν οὖν φασιν ἐν Φρυγίᾳ περὶ τὰσ λεγομένασ Ὀτρύασ συμβῆναι τὸ πάθοσ.

ὁ δὲ Λούκουλλοσ οὐδεμιᾶσ εἶναι νομίζων ἀνθρωπίνησ παρασκευῆσ οὐδὲ πλούτου θρέψαι μυριάδασ ἐπὶ πολὺν χρόνον ἀντικαθημένων πολεμίων τοσαύτασ, ὅσασ εἶχε Μιθριδάτησ, ἐκέλευσεν ἀχθῆναι τῶν αἰχμαλώτων ἕνα· καὶ πρῶτον ἀνέκρινε, μετὰ πόσων διαιτῷτο συσκήνων, ἔπειτα πόσον ἐν τῇ σκηνῇ καταλέλοιπε σῖτον. ἀποκριναμένου δὲ τἀνθρώπου τὸν μὲν ἐκέλευσε μεταστῆναι, δεύτερον δὲ καὶ τρίτον ὁμοίωσ ἀνέκρινεν.

εἶτα συνθεὶσ τὸ τῆσ παρεσκευασμένησ τροφῆσ πλῆθοσ πρὸσ τὸ τῶν τρεφομένων, ἔγνω τριῶν ἢ τεσσάρων ἡμερῶν ἐπιλείψοντα σῖτον τοὺσ πολεμίουσ, καὶ πολὺ μᾶλλον εἴχετο τοῦ χρόνου, καὶ συνῆγεν εἰσ τὸν χάρακα παμπληθῆ σῖτον, ὡσ ἐν ἀφθόνοισ διάγων αὐτὸσ ἐφεδρεύοι ταῖσ ἐκείνων ἀπορίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lucullus, chapter 8

(플루타르코스, Lucullus, chapter 8)

상위

목록

SEARCH

MENU NAVIGATION