헬라어 문장 검색 - Πλυταρ́Λυξυλλύ07́

(플루타르코스, Lucullus, chapter 7)

Λούκουλλοσ δὲ τάγμα μὲν αὐτόθεν ἔχων συντεταγμένον ὑπ’ αὐτοῦ διέβαινεν εἰσ τὴν Ἀσίαν ἐκεῖ δὲ τὴν ἄλλην παρέλαβε δύναμιν, πάντων μὲν πάλαι τρυφαῖσ διεφθορότων καὶ πλεονεξίαισ, τῶν δὲ Φιμβριανῶν λεγομένων καὶ διὰ συνήθειαν ἀναρχίασ δυσμεταχειρίστων γεγονότων, οὗτοι γὰρ ἦσαν οἱ Φλάκκον τε μετὰ Φιμβρίου τὸν ὕπατον καὶ στρατηγὸν ἀνῃρηκότεσ αὐτόν τε τὸν Φιμβρίαν Σύλλᾳ προδεδωκότεσ, αὐθάδεισ μὲν ἄνθρωποι καὶ παράνομοι, μάχιμοι δὲ καὶ τλήμονεσ μετ’ ἐμπειρίασ πολέμου, οὐ μὴν ἀλλὰ βραχεῖ χρόνῳ καὶ τούτων τὸ θράσοσ ὁ Λούκουλλοσ ἐξέκοψε καὶ τοὺσ ἄλλουσ ἐπέστρεψε, τότε πρῶτον, ὡσ ἐοίκε, πειρωμένουσ ἄρχοντοσ ἀληθινοῦ καὶ ἡγεμόνοσ· ἄλλωσ δ’ ἐδημαγωγοῦντο πρὸσ ἡδονὴν ἐθιζόμενοι στρατεύεσθαι.

τὰ δὲ τῶν πολεμίων οὕτωσ εἶχε.

Μιθριδάτησ, ὥσπερ οἱ πολλοὶ τῶν σοφιστῶν, κομπώδησ ἐν ἀρχῇ καὶ σοβαρὸσ ἐπὶ Ῥωμαίουσ ἀναστὰσ διακένῳ δυνάμει, λαμπρᾷ δὲ καὶ πανηγυρικῇ τὴν ὄψιν, εἶτ’ ἐκπεσὼν καταγελάστωσ καὶ νουθετηθείσ, ὅτε τὸ δεύτερον πολεμεῖν ἔμελλεν, εἰσ ἀληθινὴν καὶ πραγματικὴν συνέστελλε τὰσ δυνάμεισ παρασκευήν. ἀφελὼν γὰρ τὰ παντοδαπὰ πλήθη καὶ τὰσ πολυγλώσσουσ ἀπειλὰσ τῶν βαρβάρων, ὅπλων τε διαχρύσων καὶ διαλίθων κατασκευάσ, ὡσ λάφυρα τῶν κρατούντων, οὐκ ἀλκήν τινα τῶν κεκτημένων ὄντα, ξίφη μὲν ἠλαύνετο Ῥωμαϊκά καὶ θυρεοὺσ ἐμβριθεῖσ ἐπήγνυτο καὶ γεγυμνασμένουσ μᾶλλον ἢ κεκοσμημένουσ ἤθροιζεν ἵππουσ, πεζῶν δὲ μυριάδασ δώδεκα κατεσκευασμένων εἰσ φάλαγγα Ῥωμαϊκήν, ἱππεῖσ δὲ πρὸσ μυρίοισ ἑξακισχιλίουσ ἄνευ τῶν δρεπανηφόρων τεθρίππων ταῦτα δ’ ἦν ἑκατόν·

οὓσ ὕστερον μὲν ὥσπερ Ἁρπυίασ τὴν τροφὴν ἁρπάζοντασ αὐτῶν ὁ Λούκουλλοσ ἐξήλασε, τότε δὲ μετριωτέρουσ ἐπειρᾶτο νουθετῶν ποιεῖν, καὶ τὰσ ἀποστάσεισ κατέπαυε τῶν δήμων, οὐδενὸσ, ὡσ ἔποσ εἰπεῖν, ἡσυχάζοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lucullus, chapter 7

(플루타르코스, Lucullus, chapter 7)

상위

목록

SEARCH

MENU NAVIGATION