헬라어 문장 검색 - Πλυταρ́Ξιξερό40́

(플루타르코스, Cicero, chapter 40)

αὐτῷ δ’ ἔργον μὲν ἦν τὸ τοὺσ φιλοσόφουσ συντελεῖν διαλόγουσ καὶ μεταφράζειν, καὶ τῶν διαλεκτικῶν ἢ φυσικῶν ὀνομάτων ἕκαστον εἰσ Ῥωμαϊκὴν μεταβάλλειν διάλεκτον ἐκεῖνοσ γάρ ἐστιν, ὥσ φασιν, ὁ καὶ τὴν φαντασίαν καὶ τὴν συγκατάθεσιν καὶ τὴν ἐποχὴν καὶ τὴν κατάληψιν, ἔτι δὲ τὸ ἄτομον, τὸ ἀμερέσ, τὸ κενὸν, ἄλλα τε πολλὰ τῶν τοιούτων ἐξονομάσασ πρῶτοσ ἢ μάλιστα Ῥωμαίοισ, τὰ μὲν μεταφοραῖσ, τὰ δ’ οἰκειότησιν ἄλλαισ γνώριμα καὶ προσήγορα μηχανησάμενοσ. τῇ δὲ πρὸσ τὴν ποίησιν εὐκολίᾳ παίζων ἐχρῆτο.

λέγεται γάρ, ὁπηνίκα ῥυείη πρὸσ τὸ τοιοῦτον, τῆσ νυκτὸσ ἔπη ποιεῖν πεντακόσια. τὸ μὲν οὖν πλεῖστον τοῦ χρόνου τούτου περὶ Τοῦσκλον ἐν χωρίοισ αὑτοῦ διάγων ἔγραφε πρὸσ τοὺσ φίλουσ Λαέρτου βίον ζῆν, εἴτε παίζων, ὡσ ἔθοσ εἶχεν, εἴθ’ ὑπὸ φιλοτιμίασ σπαργῶν πρὸσ τὴν πολιτείαν καὶ ἀδημονῶν τοῖσ καθεστῶσι. σπανίωσ δ’ εἰσ ἄστυ θεραπείασ ἕνεκα τοῦ Καίσαροσ κατῄει, καὶ πρῶτοσ ἦν τῶν συναγορευόντων ταῖσ τιμαῖσ καὶ λέγειν ἀεί τι καινὸν εἰσ τὸν ἄνδρα καὶ τὰ πραττόμενα φιλοτιμουμένων, οἱο͂́ν ἐστι καὶ τὸ περὶ τῶν Πομπηίου λεχθὲν εἰκόνων, ἃσ ἀνῃρημένασ καὶ καταβεβλημένασ ὁ Καῖσαρ ἐκέλευσεν ἀνασταθῆναι·

καὶ ἀνεστάθησαν. ἔφη γὰρ ὁ Κικέρων ὅτι ταύτῃ τῇ φιλανθρωπίᾳ Καῖσαρ τοὺσ μὲν Πομπηίου ἵστησι, τοὺσ δ’ αὑτοῦ πήγνυσιν ἀνδριάντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 40

(플루타르코스, Cicero, chapter 40)

상위

목록

SEARCH

MENU NAVIGATION