헬라어 문장 검색 - Πλυταρ́Ξιξερό24́

(플루타르코스, Cicero, chapter 24)

καὶ μέγιστον μὲν ἴσχυσεν ἐν τῇ πόλει τότε, πολλοῖσ δ’ ἐπίφθονον ἑαυτὸν ἐποίησεν ἀπ’ οὐδενὸσ ἔργου πονηροῦ, τῷ δ’ ἐπαινεῖν ἀεὶ καὶ μεγαλύνειν αὐτὸσ ἑαυτὸν ὑπὸ πολλῶν δυσχεραινόμενοσ. οὔτε γὰρ βουλὴν οὔτε δῆμον οὔτε δικαστήριον ἦν συνελθεῖν ἐν ᾧ μὴ Κατιλίναν ἔδει θρυλούμενον ἀκοῦσαι καὶ Λέντλον. ἀλλὰ καὶ τὰ βιβλία τελευτῶν κατέπλησε καὶ τὰ συγγράμματα τῶν ἐγκωμίων καὶ τὸν λόγον ἥδιστον ὄντα καὶ χάριν ἔχοντα πλείστην ἐπαχθῆ καὶ φορτικὸν ἐποίησε τοῖσ ἀκροωμένοισ, ὥσπερ τινὸσ ἀεὶ κηρὸσ αὐτῷ τῆσ ἀηδίασ ταύτησ προσούσησ.

ὅμωσ δέ, καίπερ οὕτωσ ἀκράτῳ φιλοτιμίᾳ συνών, ἀπήλλακτο τοῦ φθονεῖν ἑτέροισ, ἀφθονώτατοσ ὢν ἐν τῷ τοὺσ πρὸ αὐτοῦ καὶ τοὺσ καθ’ αὑτὸν ἄνδρασ ἐγκωμιάζειν, ὡσ ἐκ τῶν συγγραμμάτων λαβεῖν ἔστι. πολλὰ δ’ αὐτοῦ καὶ ἀπομνημονεύουσιν οἱο͂ν περὶ Ἀριστοτέλουσ, ὅτι χρυσίου ποταμὸσ εἰή ῥέοντοσ, καὶ περὶ τῶν Πλάτωνοσ διαλόγων, ὡσ τοῦ Διόσ, εἰ λόγῳ χρῆσθαι πέφυκεν, οὕτω διαλεγομένου.

τὸν δὲ Θεόφραστον εἰώθει τρυφὴν ἰδίαν ἀποκαλεῖν. περὶ δὲ τῶν Δημοσθένουσ λόγων ἐρωτηθείσ τίνα δοκοίη κάλλιστον εἶναι, τὸν μέγιστον εἶπε. καίτοι τινὲσ τῶν προσποιουμένων δημοσθενίζειν ἐπιφύονται φωνῇ τοῦ Κικέρωνοσ, ἣν πρόσ τινα τῶν ἑταίρων ἔθηκεν ἐν ἐπιστολῇ γράψασ, ἐνιαχοῦ τῶν λόγων ἀπονυστάζειν τὸν Δημοσθένη·

τῶν δὲ μεγάλων καὶ θαυμαστῶν ἐπαίνων οἷσ πολλαχοῦ χρῆται περὶ τοῦ ἀνδρόσ, καὶ ὅτι περὶ οὓσ μάλιστα τῶν ἰδίων ἐσπούδασε λόγων, τοὺσ κατ’ Ἀντωνίου, Φιλιππικοὺσ ἐπέγραψεν, ἀμνημονοῦσι. τῶν δὲ κατ’ αὑτὸν ἐνδόξων ἀπὸ λόγου καὶ σοφίασ οὐκ ἔστιν οὐδεὶσ ὃν οὐκ ἐποίησεν ἐνδοξότερον ἢ λέγων ἢ γράφων εὐμενῶσ περὶ ἑκάστου.

Κρατίππῳ δὲ τῷ Περιπατητικῷ διεπράξατο μὲν Ῥωμαίῳ γενέσθαι παρὰ Καίσαροσ ἄρχοντοσ ἤδη, διεπράξατο δὲ καὶ τὴν ἐξ Ἀρείου πάγου βουλὴν ψηφίσασθαι δεηθῆναι μένειν αὑτὸν ἐν Ἀθήναισ καὶ διαλέγεσθαι τοῖσ νέοισ ὡσ κοσμοῦντα τὴν πόλιν. ἐπιστολαὶ δὲ παρὰ τοῦ Κικέρωνοσ εἰσὶ πρόσ Ἡρώδην, ἕτεραι δὲ πρόσ τὸν υἱόν, ἐγκελευομένου συμφιλοσοφεῖν Κρατίππῳ.

καὶ σχεδὸν αὕτη τε τῶν Ἑλληνικῶν μία καὶ δευτέρα πρόσ Πέλοπα τὸν Βυζάντιον ἐν ὀργῇ τινι γέγραπται, τὸν μὲν Γοργίαν αὐτοῦ προσηκόντωσ ἐπικόπτοντοσ, εἴπερ ἦν φαῦλοσ καὶ ἀκόλαστοσ, ᾗπερ ἐδόκει, πρόσ δὲ τὸν Πέλοπα μικρολογουμένου καὶ μεμψιμοιροῦντοσ ὥσπερ ἀμελήσαντα τιμάσ τινασ αὐτῷ καὶ ψηφίσματα παρὰ Βυζαντίων γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 24

(플루타르코스, Cicero, chapter 24)

상위

목록

SEARCH

MENU NAVIGATION