헬라어 문장 검색 - Πλυταρ́Ξιξερό16́

(플루타르코스, Cicero, chapter 16)

ἐπεὶ δὲ ταύτην λαβὼν τὴν ἐξουσίαν ὁ Κικέρωνι τὰ μὲν ἔξω πράγματα Κοΐντῳ Μετέλλῳ διεπίστευσε, τὴν δὲ πόλιν εἶχε διὰ χειρὸσ καὶ καθ’ ἡμέραν προῄει δορυφορούμενοσ ὑπ’ ἀνδρῶν τοσούτων τὸ πλῆθοσ ὥστε τῆσ ἀγορᾶσ πολὺ μέροσ κατέχειν ἐμβάλλοντοσ αὐτοῦ τοὺσ παραπέμποντασ, οὐκέτι καρτερῶν τὴν μέλλησιν ὁ Κατιλίνασ αὐτὸσ μὲν ἐκπηδᾶν ἔγνω πρὸσ τὸν Μάλλιον ἐπὶ τὸ στράτευμα, Μάρκιον δὲ καὶ Κέθηγον ἐκέλευσε ξίφη λαβόντασ ἐλθεῖν ἐπὶ τὰσ θύρασ ἑώθεν ὡσ ἀσπασομένουσ τὸν Κικέρωνα καὶ διαχρήσασθαι προσπεσόντασ. τοῦτο Φουλβία, γυνὴ τῶν ἐπιφανῶν, ἐξαγγέλλει τῷ Κικέρωνι νυκτὸσ ἐλθοῦσα καὶ διακελευσαμένη φυλάττεσθαι τοὺσ περὶ τὸν Κέθηγον.

οἱ δ’ ἧκον ἅμ’ ἡμέρᾳ, καὶ κωλυθέντεσ εἰσελθεῖν ἠγανάκτουν καὶ κατεβόων ἐπὶ θύραισ, ὥστε ὑποπτότεροι γενέσθαι, προελθὼν δ’ ὁ Κικέρων ἐκάλει τὴν σύγκλητον εἰσ τὸ τοῦ Στησίου Διὸσ ἱερόν, ὃν Στάτορα Ῥωμαῖοι καλοῦσιν, ἱδρυμένον ἐν ἀρχῇ τῆσ ἱερᾶσ ὁδοῦ, πρὸσ τὸ Παλάτιον ἀνιόντων, ἐνταῦθα καὶ τοῦ Κατιλίνα μετὰ τῶν ἄλλων ἐλθόντοσ ὡσ ἀπολογησομένου, συγκαθίσαι μὲν οὐδεὶσ ὑπέμεινε τῶν συγκλητικῶν, ἀλλὰ πάντεσ ἀπὸ τοῦ βάθρου μετῆλθον. ἀρξάμενοσ δὲ λέγειν ἐθορυβεῖτο, καὶ τέλοσ ἀναστὰσ ὁ Κικέρων προσέταξεν αὐτῷ τῆσ πόλεωσ ἀπαλλάττεσθαι·

δεῖν γὰρ αὐτοῦ μὲν λόγοισ, ἐκείνου δ’ ὅπλοισ πολιτευομένου μέσον εἶναι τὸ τεῖχοσ. ὁ μὲν οὖν Κατιλίνασ εὐθὺσ ἐξελθὼν μετὰ τριακοσίων ὁπλοφόρων καὶ περιστησάμενοσ αὑτῷ ῥαβδουχίασ ὡσ ἄρχοντι καὶ πελέκεισ καὶ σημαίασ ἐπαράμενοσ, πρὸσ τὸν Μάλλιον ἐχώρει·

καὶ δισμυρίων ὁμοῦ τι συνηθροισμένων ἐπῄει τὰσ πόλεισ ἀναπείθων καὶ ἀφιστὰσ, ὥστε τοῦ πολέμου φανεροῦ γεγονότοσ τὸν Ἀντώνιον ἀποσταλῆναι διαμαχούμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cicero, chapter 16

(플루타르코스, Cicero, chapter 16)

상위

목록

SEARCH

MENU NAVIGATION