헬라어 문장 검색 - Πλυταρ́Ξιξερό12́

(플루타르코스, Cicero, chapter 12)

καὶ τὰ μὲν περὶ Κατιλίναν ἔμελλεν ἔτι τοὺσ πολλοὺσ λανθάνοντα, προάγωνεσ δὲ μεγάλοι τὴν Κικέρωνοσ ὑπατείαν ἐξεδέξαντο. κινοῦντεσ τοῦτο δὲ νόμουσ εἰσῆγον οἱ δήμαρχοι πρὸσ τὴν αὐτὴν ὑπόθεσιν, δεκαδαρχίαν καθιστάντεσ αὐτοκρατόρων ἀνδρῶν, οἷσ ἐφεῖτο πάσησ μὲν Ἰταλίασ, πάσησ δὲ Συρίασ, καὶ ὅσα διὰ Πομπηϊού νεωστὶ προσώριστο κυρίουσ ὄντασ πωλεῖν τὰ δημόσια, κρίνειν οὓσ δοκοίη, φυγάδασ ἐκβάλλειν, συνοικίζειν πόλεισ, χρήματα λαμβάνειν ἐκ τοῦ ταμιείου, στρατιώτασ τρέφειν καὶ καταλέγειν ὁπόσων δέοιντο.

διὸ καὶ τῷ νόμῳ προσεῖχον ἄλλοι τε τῶν ἐπιφανῶν καὶ πρῶτοσ Ἀντώνιοσ ὁ τοῦ Κικέρωνοσ συνάρχων ὡσ τῶν δέκα γενησόμενοσ.

ἐδόκει δὲ καὶ τὸν Κατιλίνα νεωτερισμὸν εἰδὼσ οὐ δυσχεραίνειν ὑπὸ πλήθουσ δανείων· ὃ μάλιστα τοῖσ ἀρίστοισ φόβον παρεῖχε. καὶ τοῦτον πρῶτον θεραπεύων ὁ Κικέρων ἐκείνῳ μὲν ἐψηφίσατο τῶν ἐπαρχιῶν Μακεδονίαν, αὑτῷ δὲ τὴν Γαλατίαν διδομένην παρῃτήσατο, καὶ κατειργάσατο τῇ χάριτι ταύτῃ τὸν Ἀντώνιον ὥσπερ ὑποκριτὴν ἔμμισθον αὐτῷ τὰ δεύτερα λέγειν ὑπὲρ τῆσ πατρίδοσ, ὡσ δ’ οὗτοσ ἑαλώκει καὶ χειροήθησ ἐγεγόνει, μᾶλλον ἤδη θαρρῶν ὁ Κικέρων ἐνίστατο πρὸσ τοὺσ καινοτομοῦντασ.

ἐν μὲν οὖν τῇ βουλῇ κατηγορίαν τινὰ τοῦ νόμου διαθέμενοσ οὕτωσ ἐξέπληξεν αὐτοὺσ τοὺσ εἰσφέροντασ ὥστε μηδέν’ ἀντιλέγειν.

ἐπεὶ δ’ αὖθισ ἐπεχείρουν καὶ παρεσκευασμένοι προεκαλοῦντο τοὺσ ὑπάτουσ ἐπὶ τὸν δῆμον, οὐδὲν ὑποδείσασ ὁ Κικέρων, ἀλλὰ τὴν βουλὴν ἕπεσθαι κελεύσασ καὶ προελθών, οὐ μόνον ἐξέβαλε τὸν νόμον, ἀλλὰ καὶ τῶν ἄλλων ἀπογνῶναι τοὺσ δημάρχουσ ἐποίησε, παρὰ τοσοῦτον τῷ λόγῳ κρατηθέντασ ὑπ’ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 12

(플루타르코스, Cicero, chapter 12)

상위

목록

SEARCH

MENU NAVIGATION