헬라어 문장 검색 - Πλυταρ́Ξιξερό09́

(플루타르코스, Cicero, chapter 9)

στρατηγίαν δὲ μετιόντων ἅμα σὺν αὐτῷ πολλῶν καὶ μεγάλων πρῶτοσ ἁπάντων ἀνηγορεύθη· καὶ τὰσ κρίσεισ ἔδοξε καθαρῶσ καὶ καλῶσ βραβεῦσαι. λέγεται δὲ καὶ Λικίννιοσ Μᾶκερ, ἀνὴρ καὶ καθ’ αὑτὸν ἰσχύων ἐν τῇ πόλει μέγα καὶ Κράσσῳ χρώμενοσ βοηθῷ, κρινόμενοσ κλοπῆσ ἐπ’ αὐτοῦ, τῇ δυνάμει καὶ σπουδῇ πεποιθώσ, ἔτι τὴν ψῆφον τῶν κριτῶν διαφερόντων ἀπαλλαγεὶσ οἴκαδε κείρασθαί τε τὴν κεφαλὴν κατὰ τάχοσ καὶ καθαρὸν ἱμάτιον ὡσ νενικηκὼσ λαβὼν αὖθισ εἰσ ἀγορὰν προϊέναι· τοῦ δὲ Κράσσου περὶ τὴν αὔλειον ἀπαντήσαντοσ αὐτῷ καὶ φράσαντοσ ὅτι πάσαισ ἑάλωκε ταῖσ ψήφοισ, ἀναστρέψασ καὶ κατακλινεὶσ ἀποθανεῖν.

τὸ δὲ πρᾶγμα τῷ Κικέρωνι δόξαν ἤνεγκεν ὡσ ἐπιμελῶσ βραβεύσαντι τὸ δικαστήριον.

"οὐκ ἔχω τηλικοῦτον. ἔτι δ’ ἡμέρασ δύο ἢ τρεῖσ ἔχοντι τῆσ ἀρχῆσ αὐτῷ προσήγαγέ τισ Μανίλιον εὐθύνων κλοπῆσ.

ὁ δὲ Μανίλιοσ οὗτοσ εὔνοιαν εἶχε καὶ σπουδὴν ὑπὸ τοῦ δήμου, δοκῶν ἐλαύνεσθαι διὰ Πομπήϊον· ἐκείνου γὰρ ἦν φίλοσ. αἰτουμένου δ’ ἡμέρασ αὐτοῦ μίαν ὁ Κικέρων μόνην τὴν ἐπιοῦσαν ἔδωκε· καὶ ὁ δῆμοσ ἠγανάκτησεν εἰθισμένων τῶν στρατηγῶν δέκα τοὐλάχιστον ἡμέρασ διδόναι τοῖσ κινδυνεύουσι. τῶν δὲ δημάρχων αὐτὸν διαγαγόντων ἐπὶ τὸ βῆμα καὶ κατηγορούντων, ἀκουσθῆναι δεηθεὶσ εἶπεν ὅτι τοῖσ κινδυνεύουσιν ἀεί, καθ’ ὅσον οἱ νόμοι παρείκουσι, κεχρημένοσ ἐπιεικῶσ καὶ φιλανθρώπωσ δεινὸν ἡγεῖτο τῷ Μανιλίῳ ταὐτὰ μὴ παρασχεῖν ἧσ οὖν ἔτι μόνησ κύριοσ ἦν ἡμέρασ στρατηγῶν, ταύτην ἐπίτηδεσ ὁρίσαι·

τὸ γὰρ εἰσ ἄλλον ἄρχοντα τὴν κρίσιν ἐκβαλεῖν οὐκ εἶναι βουλομένου βοηθεῖν. ταὐτὰ λεχθέντα θαυμαστὴν ἐποίησε τοῦ δήμου μεταβολήν καὶ πολλὰ κατευφημοῦντεσ αὐτόν ἐδέοντο τὴν ὑπὲρ τοῦ Μανιλίου συνηγορίαν ἀναλαβεῖν.

ὁ δ’ ὑπέστη προθύμωσ, οὐχ ἥκιστα διὰ Πομπήϊον ἀπόντα· καὶ καταστὰσ πάλιν ἐξ ὑπαρχῆσ ἐδημηγόρησε, νεανικῶσ τῶν ὀλιγαρχικῶν καὶ τῷ Πομπηίῳ φθονούντων καθαπτόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cicero, chapter 9

(플루타르코스, Cicero, chapter 9)

상위

목록

SEARCH

MENU NAVIGATION