헬라어 문장 검색 - Πλυταρ́Αλεχανδ́72́

(플루타르코스, Alexander, chapter 72)

ὡσ δὲ ἧκεν εἰσ Ἐκβάτανα τῆσ Μηδίασ καὶ διῴκησε τὰ κατεπείγοντα, πάλιν ἦν ἐν θεάτροισ καὶ πανηγύρεσιν, ἅτε δὴ τρισχιλίων αὐτῷ τεχνιτῶν ἀπὸ τῆσ Ἑλλάδοσ ἀφιγμένων. ἔτυχε δὲ περὶ τὰσ ἡμέρασ ἐκείνασ Ἡφαιστίων πυρέσσων· τοῦτο οὐδενὶ λογισμῷ τὸ πάθοσ Ἀλέξανδροσ ἤνεγκεν, ἀλλ’ εὐθὺσ μὲν ἵππουσ τε κεῖραι πάντασ ἐπὶ πένθει καὶ ἡμιόνουσ ἐκέλευσε καὶ τῶν πέριξ πόλεων ἀφεῖλε τὰσ ἐπάλξεισ, τὸν δὲ ἄθλιον ἰατρὸν ἀνεσταύρωσεν, αὐλοὺσ δὲ κατέπαυσε καὶ μουσικὴν πᾶσαν ἐν τῷ στρατοπέδῳ πολὺν χρόνον, ἑώσ ἐξ Ἄμμωνοσ ἦλθε μαντεία τιμᾶν Ἡφαιστίωνα καὶ θύειν ὡσ ἡρ́ωϊ παρακελεύουσα.

τοῦ δὲ πένθουσ παρηγορίᾳ τῷ πολέμῳ χρώμενοσ, ὥσπερ ἐπὶ θήραν καὶ κυνηγέσιον ἀνθρώπων ἐξῆλθε καὶ τὸ Κοσσαίων ἔθνοσ κατεστρέφετο, πάντασ ἡβηδὸν ἀποσφάττων·

τοῦτο δὲ · Ἡφαιστίωνοσ ἐναγισμὸσ ἐκαλεῖτο. τύμβον δὲ καὶ ταφὴν αὐτοῦ καὶ τὸν περὶ ταῦτα κόσμον ἀπὸ μυρίων ταλάντων ἐπιτελέσαι διανοούμενοσ, ὑπερβαλέσθαι δὲ τῷ φιλοτέχνῳ καὶ περιττῷ τῆσ κατασκευῆσ τὴν δαπάνην, ἐπόθησε μάλιστα τῶν τεχνιτῶν Στασικράτην, μεγαλουργίαν τινὰ καὶ τόλμαν καὶ κόμπον ἐν ταῖσ καινοτομίαισ ἐπαγ γελλόμενον. οὗτοσ γὰρ αὐτῷ πρότερον ἐντυχὼν ἔφη τῶν ὀρῶν μάλιστα τὸν Θρᾴκιον Ἄθων διατύπωσιν ἀνδρείκελον δέχεσθαι καὶ διαμόρφωσιν ἂν οὖν κελεύῃ, μονιμώτατον ἀγαλμάτων αὐτῷ καὶ περιφανέστατον ἐξεργάσεσθαι τὸν Ἄθων, τῇ μὲν ἀριστερᾷ χειρὶ περιλαμβάνοντα μυρίανδρον πόλιν οἰκουμένην, τῇ δὲ δεξιᾷ σπένδοντα ποταμοῦ ῥεῦμα δαψιλὲσ εἰσ τὴν θάλασσαν ἀπορρέοντοσ, ταῦτα μὲν οὖν παρῃτήσατο, πολλῷ δὲ ἀτοπώτερα καὶ δαπανηρότερα τούτων σοφιζόμενοσ τότε καὶ συμμηχανώμενοσ τοῖσ τεχνίταισ διέτριβεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 72

(플루타르코스, Alexander, chapter 72)

상위

목록

SEARCH

MENU NAVIGATION