헬라어 문장 검색 - Πλυταρ́Αλεχανδ́63́

(플루타르코스, Alexander, chapter 63)

ἐντεῦθεν ὁρμήσασ Ἀλέξανδροσ τὴν ἔξω θάλασσαν ἐπιδεῖν, καὶ πολλὰ πορθμεῖα κωπήρη καὶ σχεδίασ πηξάμενοσ, ἐκομίζετο τοῖσ ποταμοῖσ ὑποφερόμενοσ σχολαίωσ. ὁ δὲ πλοῦσ οὐκ ἀργὸσ ἦν οὐδὲ ἀπόλεμοσ, προσβάλλων δὲ ταῖσ πόλεσι καὶ ἀποβαίνων ἐχειροῦτο πάντα, πρὸσ δὲ τοῖσ καλουμένοισ Μαλλοῖσ, οὕσ φασιν Ἰνδῶν μαχιμωτάτουσ γενέσθαι, μικρὸν ἐδέησε κατακοπῆναι. τοὺσ μὲν γὰρ ἀνθρώπουσ βέλεσιν ἀπὸ τῶν τειχῶν ἀπεσκέδασε, πρῶτοσ δὲ διὰ κλίμακοσ τεθείσησ ἀναβὰσ ἐπὶ τ ὁ τεῖχοσ, ὡσ ἥ τε κλίμαξ συνετρίβη καὶ τῶν βαρβάρων ὑφισταμένων παρὰ τὸ τεῖχοσ ἐλάμβανε πληγὰσ κάτωθεν, ὀλιγοστὸσ ὢν συστρέψασ ἑαυτὸν εἷσ μέσουσ ἀφῆκε τοὺσ πολεμίουσ καὶ κατὰ τύχην ὀρθὸσ ἔστη.

τιναξαμένου δὲ τοῖσ ὅπλοισ, ἔδοξαν οἱ βάρβαροι σέλασ τι καὶ φάσμα πρὸ τοῦ σώματοσ φέρεσθαι διὸ καὶ τὸ πρῶτον ἔφυγον καὶ διεσκεδάσθησαν·

ὡσ δὲ εἶδον αὐτὸν μετὰ δυεῖν ὑπασπιστῶν, ἐπιδραμόντεσ οἱ μὲν ἐκ χειρὸσ ξίφεσι καὶ δόρασι διὰ τῶν ὅπλων συνετίτρωσκον ἀμυνόμενον, εἷσ δὲ μικρὸν ἀπωτέρω στάσ ἐφῆκεν ἀπὸ τόξου βέλοσ οὕτωσ εὔτονον καὶ βίαιον ὥστε τὸν θώρακα διακόψαν ἐμπαγῆναι τοῖσ περὶ τὸν μασθὸν ὀστέοισ. πρὸσ δὲ τὴν πληγὴν ἐνδόντοσ αὐτοῦ καὶ τὸ σῶμα κάμψαντοσ, ὁ μὲν βαλὼν ἐπέδραμε βαρβαρικὴν μάχαιραν σπασάμενοσ, Πευκέστασ δὲ καὶ Λιμναῖοσ προέστησαν ὧν πληγέντων ἑκατέρων ὁ μὲν ἀπέθανε, Πευκέστασ δὲ ἀντεῖχε, τὸν δὲ βάρβαρον Ἀλέξανδροσ ἀπέκτεινεν.

αὐτὸσ δὲ τραύματα πολλὰ λαβών, τέλοσ δὲ πληγεὶσ ὑπέρῳ κατὰ τοῦ τραχήλου, προσήρεισε τῷ τείχει τὸ σῶμα, βλέπων πρὸσ τοὺσ πολεμίουσ, ἐν τούτῳ δὲ τῶν Μακεδόνων περιχυθέντων ἁρπασθεὶσ ἀναίσθητοσ ἤδη τῶν περὶ αὐτὸν ἐπὶ σκηνῆσ ἐκομίζετο. καὶ παραυτίκα μὲν ὡσ τεθνεῶτοσ ἦν λόγοσ ἐν τῷ στρατοπέδῳ χαλεπῶσ δὲ καὶ πολυπόνωσ τὸν ὀϊστὸν ἐκπρισάντων ξύλινον ὄντα, καὶ τοῦ θώρακοσ οὕτω μόλισ ἀπολυθέντοσ, περὶ τὴν ἐκκοπὴν ἐγίνοντο τῆσ ἀκίδοσ ἐνδεδυκυίασ ἑνὶ τῶν ὀστέων.

λέγεται δὲ τὸ μὲν πλάτοσ τριῶν δακτύλων εἶναι, τὸ δὲ μῆκοσ τεσσάρων. διὸ ταῖσ λιποθυμίαισ ἔγγιστα θανάτου συνελαυνόμενοσ ἐξαιρουμένησ αὐτῆσ, ὅμωσ ἀνέλαβε, καὶ διαφυγὼν τὸν κίνδυνον, ἔτι δὲ ἀσθενὴσ ὢν καὶ πολὺν χρόνον ἐν διαίτῃ καὶ θεραπείαισ ἔχων αὑτόν, ἔξω θορυβοῦντασ ὡσ ᾔσθετο ποθοῦντασ αὐτὸν ἰδεῖν τοὺσ Μακεδόνασ, λαβὼν ἱμάτιον προῆλθε, καὶ θύσασ τοῖσ θεοῖσ αὖθισ ἀνήχθη καὶ παρεκομίζετο χώραν τε πολλὴν καὶ πόλεισ μεγάλασ καταστρεφόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 63

(플루타르코스, Alexander, chapter 63)

상위

목록

SEARCH

MENU NAVIGATION