헬라어 문장 검색 - Πλυταρ́Αλεχανδ́50́

(플루타르코스, Alexander, chapter 50)

οὐ πολλῷ δὲ ὕστερον συνηνέχθη καὶ τὰ περὶ Κλεῖτον, οὕτω μὲν ἁπλῶσ πυθομένοισ τῶν κατὰ Φιλώταν ἀγριώτερα λόγῳ μέντοι συντιθέντεσ ἅμα καὶ τὴν αἰτίαν καὶ τόν καιρόν, οὐκ ἀπὸ γνώμησ, ἀλλὰ δυστυχίᾳ τινὶ ταῦτα εὑρίσκομεν πεπραγμένα τοῦ βασιλέωσ, ὀργὴν καὶ μέθην πρόφασιν τῷ Κλείτου δαίμονι παρασχόντοσ. ἐπράχθη δὲ οὕτωσ, ἧκόν τινεσ ὀπώραν Ἑλληνικὴν ἀπὸ θαλάσσησ τῷ βασιλεῖ κομίζοντεσ, ὁ δὲ θαυμάσασ τὴν ἀκμὴν καὶ τὸ κάλλοσ ἐκάλει τόν Κλεῖτον, ἐπιδεῖξαι καὶ μεταδοῦναι βουλόμενοσ.

ὁ δὲ θύων μὲν ἐτύγχανεν, ἀφεὶσ δὲ τὴν θυσίαν ἐβάδιζε καὶ τρία τῶν κατεσπεισμένων προβάτων ἐπηκολούθησεν αὑτῷ. πυθόμενοσ δὲ ὁ βασιλεὺσ ἀνεκοινοῦτο τοῖσ μάντεσιν Ἀριστάνδρῳ καὶ Κλεομάντει τῷ Λάκωνι.

φησάντων δὲ πονηρὸν εἶναι τὸ σημεῖον, ἐκέλευσεν ἐκθύσασθαι κατὰ τάχοσ ὑπὲρ τοῦ Κλείτου. καὶ γὰρ αὐτὸσ ἡμέρᾳ τρίτῃ κατὰ τοὺσ ὕπνουσ ἰδεῖν ὄψιν ἄτοπον δόξαι γὰρ αὑτῷ τόν Κλεῖτον μετὰ τῶν Παρμενίωνοσ υἱῶν ἐν μέλασιν ἱματίοισ καθέζεσθαι, τεθνηκότων ἁπάντων. οὐ μὴν ἔφθασεν ὁ Κλεῖτοσ ἐκθυσάμενοσ, ἀλλ’ εὐθὺσ ἐπὶ τὸ δεῖπνον ἧκε, τεθυκότοσ τοῦ βασιλέωσ Διοσκούροισ.

πότου δὲ νεανικοῦ συρραγέντοσ ᾔδετο ποιήματα Πρανίχου τινόσ, ὡσ δέ φασιν ἔνιοι, Πιερίωνοσ, εἰσ τοὺσ στρατηγοὺσ πεποιημένα τοὺσ ἔναγχοσ ἡττημένουσ ὑπὸ τῶν βαρβάρων ἐπ’ αἰσχύνῃ καὶ γέλωτι. τῶν δὲ πρεσβυτέρων δυσχεραινόντων καὶ λοιδορούντων τόν τε ποιητὴν καὶ τόν ᾄδοντα, τοῦ δὲ Ἀλεξάνδρου καὶ τῶν περὶ αὐτὸν ἡδέωσ ἀκροωμένων καὶ λέγειν κελευόντων, ὁ Κλεῖτοσ ἤδη μεθύων καὶ φύσει τραχὺσ ὢν ὀργὴν καὶ αὐθάδησ ἠγανάκτει μάλιστα, φάσκων οὐ καλῶσ ἐν βαρβάροισ καὶ πολεμίοισ ὑβρίζεσθαι Μακεδόνασ πολὺ βελτίονασ τῶν γελώντων, εἰ καὶ δυστυχίᾳ κέχρηνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 50

(플루타르코스, Alexander, chapter 50)

상위

목록

SEARCH

MENU NAVIGATION