헬라어 문장 검색 - Πλυταρ́Αλεχανδ́32́

(플루타르코스, Alexander, chapter 32)

ἀπελθόντων δὲ τούτων κατακλιθεὶσ ὑπὸ σκηνὴν λέγεται τὸ λοιπὸν μέροσ τῆσ νυκτὸσ ὕπνῳ βαθεῖ κρατηθῆναι παρὰ τὸ εἰωθόσ, ὥστε θαυμάζειν ἐπελθόντασ ὄρθρου τοὺσ ἡγεμόνασ καὶ παρ’ αὑτῶν ἐξενεγκεῖν παράγγελμα πρῶτον ἀριστοποιεῖσθαι τοὺσ στρατιώτασ ἔπειτα τοῦ καιροῦ κατεπείγοντοσ εἰσελθόντα Παρμενίωνα καὶ παραστάντα τῇ κλίνῃ δὶσ ἢ τρὶσ αὐτοῦ φθέγξασθαι τοὔνομα· "τί γάρ;

"οὐκ ἤδη σοι νενικηκέναι δοκοῦμεν ἀπηλλαγμένοι τοῦ πλανᾶσθαι καὶ διώκειν ἐν πολλῇ καὶ κατεφθαρμένῃ φυγομαχοῦντα χώρᾳ, Δαρεῖον; οὐ μόνον δὲ πρὸ τῆσ μάχησ, ἀλλὰ καὶ παρ’ αὐτὸν τὸν κίνδυνον ἐπεδείξατο μέγαν καὶ συνεστηκότα τῷ λογίζεσθαι καὶ θαρρεῖν ἑαυτόν. ἔσχε γὰρ ὁ ἀγὼν ὑποτροπὴν καὶ σάλον ἐν τῷ εὐωνύμῳ κέρατι κατὰ Παρμενίωνα, τῆσ Βακτριανῆσ ἵππου ῥόθῳ πολλῷ καὶ μετὰ βίασ παρεμπεσούσησ εἰσ τοὺσ Μακεδόνασ, Μαζαίου δὲ περιπέμψαντοσ ἔξω τῆσ φάλαγγοσ ἱππεῖσ τοῖσ σκευοφυλακοῦσι προσβαλοῦντασ.

διὸ καὶ θορυβούμενοσ ὑπ’ ἀμφοτέρων ὁ Παρμενίων ἀπέστειλε πρὸσ Ἀλέξανδρον ἀγγέλουσ φράζοντασ οἴχεσθαι τὸν χάρακα καὶ τὰσ ἀποσκευάσ, εἰ μὴ κατὰ τάχοσ βοήθειαν ὀχυρὰν ἀπὸ τοῦ στόματοσ πέμψειε τοῖ· ἔτυχε μὲν οὖν κατ’ ἐκεῖνο καιροῦ τοῖσ περὶ αὐτὸν ἐφόδου διδοὺσ σημεῖον ὡσ δὲ ἤκουσε τὰ παρὰ τοῦ Παρμενίωνοσ, οὐκ ἔφη σωφρονεῖν αὐτὸν οὐδὲ ἐντὸσ εἶναι τῶν λογισμῶν, ἀλλ’ ἐπιλελῆσθαι ταραττόμενον ὅτι νικῶντεσ μὲν προσκτήσονται καὶ τὰ τῶν πολεμίων, ἡττωμένοισ δὲ φροντιστέον οὐ χρημάτων οὐδὲ ἀνδραπόδων, ἀλλ’ ὅπωσ ἀποθανοῦνται καλῶσ καὶ λαμπρῶσ ἀγωνιζόμενοι.

ταῦτα ἐπιστείλασ Παρμενίωνι τὸ κράνοσ περιέθετο, τὸν δὲ ἄλλον ὁπλισμόν εὐθὺσ ἀπὸ σκηνῆσ εἶχεν, ὑπένδυμα τῶν Σικελικῶν ζωστόν, ἐπὶ δὲ τούτῳ θώρακα διπλοῦν λινοῦν ἐκ τῶν ληφθέντων ἐν Ἰσσῷ.

τὸ δὲ κράνοσ ἦν μὲν σιδηροῦν, ἔστιλβε δὲ ὥσπερ ἄργυροσ καθαρόσ, ἔργον Θεοφίλου, συνήρμοστο δὲ αὐτῷ περιτραχήλιον ὁμοίωσ σιδηροῦν, λιθοκόλλητον μάχαιραν δὲ θαυμαστὴν βαφῇ καὶ κουφότητι, δωρησαμένου τοῦ Κιτιέων βασιλέωσ, εἶχεν, ἠσκημένοσ τὰ πολλὰ χρῆσθαι μαχαίρᾳ παρὰ τὰσ μάχασ. ἐπιπόρπωμα δὲ ἐφόρει τῇ μὲν ἐργασίᾳ σοβαρώτερον ἢ κατὰ τὸν ἄλλον ὁπλισμόν ἦν γὰρ ἔργον Ἑλικῶνοσ τοῦ παλαιοῦ, τιμὴ δὲ τῆσ Ῥοδίων πόλεωσ, ὑφ’ ἧσ ἐδόθη δῶρον·

ἐχρῆτο δὲ καὶ τούτῳ πρὸσ τοὺσ ἀγῶνασ, ἄχρι μὲν οὖν συντάττων τι τῆσ φάλαγγοσ ἢ παρακελευόμενοσ ἢ διδάσκων ἢ ἐφορῶν παρεξήλαυνεν, ἄλλον ἵππον εἶχε, τοῦ Βουκεφάλα φειδόμενοσ ἤδη παρήλικοσ ὄντοσ χωροῦντι δὲ πρὸσ ἔργον ἐκεῖνοσ προσήγετο, καὶ μεταβὰσ εὐθὺσ ἦρχεν ἐφόδου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Alexander, chapter 32

(플루타르코스, Alexander, chapter 32)

상위

목록

SEARCH

MENU NAVIGATION