헬라어 문장 검색 - Πλυταρ́Αλεχανδ́30́

(플루타르코스, Alexander, chapter 30)

ταχὺ μέντοι μετεμελήθη τῆσ Δαρείου γυναικὸσ ἀποθανούσησ ἐν ὠδῖσι καὶ φανερὸσ ἦν ἀνιώμενοσ ὡσ ἐπίδειξιν οὐ μικρὰν ἀφῃρημένοσ χρηστότητοσ. ἔθαψεν οὖν τὴν ἄνθρωπον οὐδεμιᾶσ πολυτελείασ φειδόμενοσ, τῶν δὲ θαλαμηπόλων τισ εὐνούχων, οἳ συνεαλώκεισαν ταῖσ γυναιξίν, ἀποδρὰσ ἐκ τοῦ στρατοπέδου καὶ πρὸσ Δαρεῖον ἀφιππασάμενοσ, Τείρεωσ ὄνομα, φράζει τὸν θάνατον αὐτῷ τῆσ γυναικόσ. "ὦ βασιλεῦ, καὶ τιμῆσ ἁπάσησ καὶ τοῦ πρέποντοσ οὐδὲν ἔχεισ αἰτιάσασθαι τὸν πονηρὸν δαίμονα Περσῶν.

οὔτε γάρ ζώσῃ τῇ δεσποίνῃ Στατείρᾳ καὶ μητρὶ σῇ καὶ τέκνοισ ἐνέδει τῶν πρόσθεν ἀγαθῶν καὶ καλῶν ἢ τὸ σὸν ὁρᾶν φῶσ, ὃ πάλιν ἀναλάμψει λαμπρὸν ὁ κύριοσ Ὠρομάσδησ, οὔτε ἀποθανοῦσα κόσμου τινὸσ ἄμοιροσ γέγονεν, ἀλλὰ καὶ πολεμίων τετίμηται δάκρυσιν. "οὕτω γάρ ἐστι χρηστὸσ κρατήσασ Ἀλέξανδροσ, ὡσ δεινὸσ μαχόμενοσ. ταῦτα ἀκούσαντα Δαρεῖον ἡ ταραχὴ καὶ τὸ πάθοσ ἐξέφερε πρὸσ ὑποψίασ ἀτόπουσ·

"τύχησ μακεδονίζεισ, ἀλλ’ ἔτι σοι δεσπότησ ἐγὼ Δαρεῖοσ, εἰπέ μοι σεβόμενοσ Μίθρου τε φῶσ μέγα καὶ δεξιὰν βασίλειον, ἄρα μὴ τὰ μικρότατα τῶν Στατείρασ κλαίω κακῶν, οἰκτρότερα δὲ ζώσησ ἐπάσχομεν, καὶ μᾶλλον ἂν κατ’ ἀξίαν ἐδυστυχοῦμεν ὠμῷ καὶ σκυθρωπῷ περιπεσόντεσ ἐχθρῷ; "τί γὰρ εὐπρεπὲσ ἀνδρὶ νέῳ πρὸσ ἐχθροῦ γυναῖκα μέχρι τιμῆσ τοσαύτησ συμβόλαιον; ἔτι λέγοντοσ αὐτοῦ καταβαλὼν ἐπὶ τοὺσ πόδασ Τείρεωσ αὑτὸν ἱκέτευεν εὐφημεῖν καὶ μήτε Ἀλέξανδρον ἀδικεῖν μήτε τὴν τεθνεῶσαν ἀδελφὴν καὶ γυναῖκα καταισχῦναι, μήτε αὑτοῦ τὴν μεγίστην ὧν ἔπταικεν ἀφαιρεῖσθαι παραμυθίαν, τὸ δοκεῖν ὑπ’ ἀνδρὸσ ἡττῆσθαι κρείττονοσ ἢ κατὰ τὴν ἀνθρωπίνην φύσιν, ἀλλὰ καὶ θαυμάζειν Ἀλέξανδρον ὡσ πλείονα ταῖσ Περσῶν γυναιξὶ σωφροσύνην ἢ Πέρσαισ ἀνδρείαν ἐπιδεδειγμένον.

ἅμα δὲ ὁρ́κουσ τε φρικώδεισ τοῦ θαλαμηπόλου κινοῦντοσ ὑπὲρ τούτων, καὶ περὶ τῆσ ἄλλησ ἐγκρατείασ καὶ μεγαλοψυχίασ τῆσ Ἀλεξάνδρου λέγοντοσ, ἐξελθὼν πρὸσ τοὺσ ἑταίρουσ ὁ Δαρεῖοσ καὶ χεῖρασ ἀνατείνασ πρὸσ τὸν οὐρανόν ἐπεύξατο·

ταῦτα μὲν οὕτω γενέσθαι τε καὶ λεχθῆναί φασιν οἳ πλεῖστοι τῶν συγγραφέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Alexander, chapter 30

(플루타르코스, Alexander, chapter 30)

상위

목록

SEARCH

MENU NAVIGATION