헬라어 텍스트

Plutarch, Alexander, chapter 12

(플루타르코스, Alexander, chapter 12)

ἐν δὲ τοῖσ πολλοῖσ πάθεσι καὶ χαλεποῖσ ἐκείνοισ ἃ τὴν πόλιν κατεῖχε, Θρᾷκέσ τινεσ ἐκκόψαντεσ οἰκίαν Τιμοκλείασ, γυναικὸσ ἐνδόξου καὶ σώφρονοσ, αὐτοὶ μὲν τὰ χρήματα διήρπαζον, ὁ δὲ ἡγεμὼν τῇ γυναικὶ πρὸσ βίαν συγγενόμενοσ καὶ καταισχύνασ, ἀνέκρινεν εἴ που χρυσίον ἔχοι κεκρυμμένον ἢ ἀργύριον, ἡ δὲ ἔχειν ὡμολόγησε, καὶ μόνον εἰσ τὸν κῆπον ἀγαγοῦσα καὶ δείξασα φρέαρ, ἐνταῦθα ἔφη τῆσ πόλεωσ ἁλισκομένησ καταβαλεῖν αὐτὴ τὰ τιμιώτατα τῶν χρημάτων. ἐγκύπτοντοσ δὲ τοῦ Θρᾳκὸσ καὶ κατασκεπτομένου τὸν τόπον, ἐώσεν αὐτὸν ἐξόπισθεν γενομένη, καὶ τῶν λίθων ἐπεμβαλοῦσα πολλοὺσ ἀπέκτεινεν.

ὡσ δὲ ἀνήχθη πρὸσ Ἀλέξανδρον ὑπὸ τῶν Θρᾳκῶν δεδεμένη, πρῶτον μὲν ἀπὸ τῆσ ὄψεωσ καὶ τῆσ βαδίσεωσ ἐφάνη τισ ἀξιωματικὴ καὶ μεγαλόφρων, ἀνεκπλήκτωσ καὶ ἀδεῶσ ἑπομένη τοῖσ ἄγουσιν ἔπειτα τοῦ βασιλέωσ ἐρωτήσαντοσ ἥτισ εἰή γυναικῶν, ἀπεκρίνατο Θεαγένουσ ἀδελφὴ γεγονέναι, τοῦ παραταξαμένου πρὸσ Φίλιππον ὑπὲρ τῆσ τῶν Ἑλλήνων ἐλευθερίασ καὶ πεσόντοσ ἐν Χαιρωνείᾳ στρατηγοῦντοσ.

θαυμάσασ οὖν ὁ Ἀλέξανδροσ αὐτῆσ καὶ τὴν ἀπόκρισιν καὶ τὴν πρᾶξιν, ἐκέλευσεν ἐλευθέραν ἀπιέναι μετὰ τῶν τέκνων.