헬라어 문장 검색 - Πλυταρ́Αλξιβιά38́

(플루타르코스, Ἀλκιβιάδης, chapter 38)

Ἀθηναῖοι δὲ χαλεπῶσ μὲν ἔφερον καὶ τῆσ ἡγεμονίασ ἀποστερηθέντεσ· ἐπεὶ δὲ καὶ τὴν ἐλευθερίαν ἀφελόμενοσ αὐτῶν ὁ Λύσανδροσ ἀνδράσι τριάκοντα παρέδωκε τὴν πόλιν, οἷσ οὐκ ἐχρήσαντο σώζεσθαι δυνάμενοι λογισμοῖσ, ἀπολωλότων ἤδη τῶν πραγμάτων, συνίεσαν, ὀλοφυρόμενοι καὶ διεξιόντεσ τὰσ ἁμαρτίασ αὑτῶν καὶ ἀγνοίασ, ὧν μεγίστην ἐποιοῦντο τὴν δευτέραν πρὸσ Ἀλκιβιάδην ὀργήν. ἀπερρίφη γὰρ οὐδὲν ἀδικῶν αὐτόσ, ἀλλ’ ὑπηρέτῃ χαλεπήναντεσ ὀλίγασ ἀποβαλόντι ναῦσ αἰσχρῶσ, αἴσχιον αὐτοὶ τὸν κράτιστον καὶ πολεμικώτατον ἀφείλοντο τῆσ πόλεωσ στρατηγόν.

ἔτι δ’ οὖν ὅμωσ ἐκ τῶν παρόντων ἀνέφερέ τισ ἐλπὶσ ἀμυδρὰ μὴ παντάπασιν ἔρρειν τὰ πράγματα τῶν Ἀθηναίων Ἀλκιβιάδου περιόντοσ· οὔτε γὰρ πρότερον ἠγάπησε φεύγων ἀπραγμόνωσ ζῆν καὶ μεθ’ ἡσυχίασ, οὔτε νῦν, εἰ τὰ καθ’ ἑαυτὸν ἱκανῶσ ἔχει, περιόψεται Λακεδαιμονίουσ ὑβρίζοντασ καὶ τοὺσ τριάκοντα παροινοῦντασ. ταῦτα δ’ οὐκ ἦν ἄλογον οὕτωσ ὀνειροπολεῖν τοὺσ πολλούσ, ὁπότε καὶ τοῖσ τριάκοντα φροντίζειν ἐπῄει καὶ διαπυνθάνεσθαι καὶ λόγον ἔχειν πλεῖστον ὧν ἐκεῖνοσ ἔπραττε καὶ διενοεῖτο.

τέλοσ δὲ Κριτίασ ἐδίδασκε Λύσανδρον ὡσ Ἀθηναίων οὐκ ἔστι δημοκρατουμένων ἀσφαλῶσ ἄρχειν Λακεδαιμονίοισ τῆσ Ἑλλάδοσ· Ἀθηναίουσ δέ, κἂν πρᾴωσ πάνυ καὶ καλῶσ πρὸσ ὀλιγαρχίαν ἔχωσιν, οὐκ ἐάσει ζῶν Ἀλκιβιάδησ ἀτρεμεῖν ἐπὶ τῶν καθεστώτων. οὐ μὴν ἐπείσθη γε πρότερον τούτοισ ὁ Λύσανδροσ ἢ παρὰ τῶν οἴκοι τελῶν σκυτάλην ἐλθεῖν κελεύουσαν ἐκ ποδῶν ποιήσασθαι τὸν Ἀλκιβιάδην, εἴτε κἀκείνων φοβηθέντων τὴν ὀξύτητα καὶ μεγαλοπραγμοσύνην τοῦ ἀνδρόσ, εἴτε τῷ Ἄγιδι χαριζομένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 38

(플루타르코스, Ἀλκιβιάδης, chapter 38)

상위

목록

SEARCH

MENU NAVIGATION