헬라어 문장 검색 - Πλυταρ́Αλξιβιά36́

(플루타르코스, Ἀλκιβιάδης, chapter 36)

τῶν δὲ μισούντων τὸν Ἀλκιβιάδην ἐν τῷ στρατοπέδῳ Θρασύβουλοσ ὁ Θράσωνοσ ἐχθρὸσ ὢν ἀπῆρεν εἰσ Ἀθήνασ κατηγορήσων. καὶ τοὺσ ἐκεῖ παροξύνασ ἔλεγε πρὸσ τὸν δῆμον ὡσ Ἀλκιβιάδησ διέφθαρκε τὰ πράγματα καὶ τὰσ ναῦσ ἀπολώλεκεν, ἐντρυφῶν τῇ ἀρχῇ καὶ παραδιδοὺσ τὴν στρατηγίαν ἀνθρώποισ ἐκ πότων καὶ ναυτικῆσ σπερμολογίασ δυναμένοισ παρ’ αὐτῷ μέγιστον, ὅπωσ αὐτὸσ ἐπ’ ἀδείασ χρηματίζηται περιπλέων καὶ ἀκολασταίνῃ μεθυσκόμενοσ καὶ συνὼν ἑταίραισ Ἀβυδηναῖσ καὶ Ιὠνίσιν, ἐφορμούντων δι’ ὀλίγου τῶν πολεμίων. ἐνεκάλουν δ’ αὐτῷ καὶ τὴν τῶν τειχῶν κατασκευήν, ἃ κατεσκεύασεν ἐν Θρᾴκῃ περὶ Βισάνθην αὑτῷ καταφυγὴν ὡσ ἐν τῇ πατρίδι μὴ δυνάμενοσ βιοῦν ἢ μὴ βουλόμενοσ.

οἱ δ’ Ἀθηναῖοι πεισθέντεσ ἑτέρουσ εἵλοντο στρατηγούσ, ἐνδεικνύμενοι τὴν πρὸσ ἐκεῖνον ὀργὴν καὶ κακόνοιαν.

ἃ δὴ πυνθανόμενοσ ὁ Ἀλκιβιάδησ καὶ δεδοικὼσ ἀπῆλθεν ἐκ τοῦ στρατοπέδου παντάπασι, καὶ συναγαγὼν ξένουσ ἐπολέμει τοῖσ ἀβασιλεύτοισ Θρᾳξὶν ἰδίᾳ, καὶ πολλὰ χρήματα συνήγαγεν ἀπὸ τῶν ἁλισκομένων, καὶ τοῖσ Ἕλλησιν ἅμα τοῖσ προσοικοῦσιν ἄδειαν ἀπὸ τῶν βαρβάρων παρεῖχεν. ἐγγὺσ ὢν ὁ Ἀλκιβιάδησ οὐ περιεῖδεν οὐδ’ ἠμέλησεν, ἀλλ’ ἵππῳ προσελάσασ ἐδίδασκε τοὺσ στρατηγοὺσ ὅτι κακῶσ ὁρμοῦσιν ἐν χωρίοισ ἀλιμένοισ καὶ πόλιν οὐκ ἔχουσιν, ἀλλὰ πόρρωθεν ἐκ Σηστοῦ τὰ ἐπιτήδεια λαμβάνοντεσ, καὶ περιορῶντεσ τὸ ναυτικόν, ὅταν ἐπὶ τῆσ γῆσ γένηται, πλανώμενον ὅποι τισ θέλοι καὶ διασπειρόμενον, ἀντεφορμοῦντοσ αὐτοῖσ στόλου πρὸσ ἐπίταγμα μοναρχικὸν εἰθισμένου σιωπῇ πάντα ποιεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 36

(플루타르코스, Ἀλκιβιάδης, chapter 36)

상위

목록

SEARCH

MENU NAVIGATION