헬라어 문장 검색 - Πλυταρ́Αλξιβιά34́

(플루타르코스, Ἀλκιβιάδης, chapter 34)

οὕτω δὲ τοῦ Ἀλκιβιάδου λαμπρῶσ εὐημεροῦντοσ ὑπέθραττεν ἐνίουσ ὅμωσ ὁ τῆσ καθόδου καιρόσ. ᾗ γὰρ ἡμέρᾳ κατέπλευσεν, ἐδρᾶτο τὰ Πλυντήρια τῇ θεῷ. δρῶσι δὲ τὰ ὄργια Πραξιεργίδαι Θαργηλιῶνοσ ἕκτῃ φθίνοντοσ ἀπόρρητα, τόν τε κόσμον καθελόντεσ καὶ τὸ ἕδοσ κατακαλύψαντεσ. ὅθεν ἐν ταῖσ μάλιστα τῶν ἀποφράδων τὴν ἡμέραν ταύτην ἄπρακτον Ἀθηναῖοι νομίζουσιν. οὐ φιλοφρόνωσ οὖν οὐδ’ εὐμενῶσ ἐδόκει προσδεχομένη τὸν Ἀλκιβιάδην ἡ θεὸσ παρακαλύπτεσθαι καὶ ἀπελαύνειν ἑαυτῆσ.

οὐ μὴν ἀλλὰ πάντων γεγονότων τῷ Ἀλκιβιάδῃ κατὰ γνώμην, καὶ πληρουμένων ἑκατὸν τριήρων αἷσ αὖθισ ἐκπλεῖν ἔμελλε, φιλοτιμία τισ οὐκ ἀγεννὴσ προσπεσοῦσα κατέσχεν αὐτὸν ἄχρι μυστηρίων. ἀφ’ οὗ γὰρ ἐπετειχίσθη Δεκέλεια καὶ τῶν εἰσ Ἐλευσῖνα παρόδων ἐκράτουν οἱ πολέμιοι παρόντεσ, οὐδένα κόσμον εἶχεν ἡ τελετὴ πεμπομένη κατὰ θάλατταν, ἀλλὰ καὶ θυσίαι καὶ χορεῖαι καὶ πολλὰ τῶν δρωμένων καθ’ ὁδὸν ἱερῶν, ὅταν ἐξελαύνωσι τὸν Ιἄκχον, ὑπ’ ἀνάγκησ ἐξελείπετο.

καλὸν οὖν ἐφαίνετο τῷ Ἀλκιβιάδῃ καὶ πρὸσ θεῶν ὁσιότητα καὶ πρὸσ ἀνθρώπων δόξαν ἀποδοῦναι τὸ πάτριον σχῆμα τοῖσ ἱεροῖσ, παραπέμψαντα πεζῇ τὴν τελετὴν καὶ δορυφορήσαντα παρὰ τοὺσ πολεμίουσ·

ἢ γὰρ ἀτρεμήσαντα κομιδῇ κολούσειν καὶ ταπεινώσειν τὸν Ἆγιν, ἢ μάχην ἱερὰν καὶ θεοφιλῆ περὶ τῶν ἁγιωτάτων καὶ μεγίστων ἐν ὄψει τῆσ πατρίδοσ μαχεῖσθαι, καὶ πάντασ ἕξειν μάρτυρασ τοὺσ πολίτασ τῆσ ἀνδραγαθίασ. ὡσ δὲ ταῦτ’ ἔγνω καὶ προεῖπεν Εὐμολπίδαισ καὶ Κήρυξι, σκοποὺσ μὲν ἐπὶ τῶν ἄκρων ἐκάθισε καὶ προδρόμουσ τινὰσ ἅμ’ ἡμέρᾳ προεξέπεμψεν, ἱερεῖσ δὲ καὶ μύστασ καὶ μυσταγωγοὺσ ἀναλαβὼν καὶ τοῖσ ὅπλοισ περικαλύψασ ἦγεν ἐν κόσμῳ καὶ μετὰ σιωπῆσ, θέαμα σεμνὸν καὶ θεοπρεπὲσ τὴν στρατηγίαν ἐκείνην ἐπιδεικνύμενοσ, ὑπὸ τῶν μὴ φθονούντων ἱεροφαντίαν καὶ μυσταγωγίαν προσαγορευομένην.

μηδενὸσ δὲ τῶν πολεμίων ἐπιθέσθαι τολμήσαντοσ ἀσφαλῶσ ἐπαναγαγὼν εἰσ τὴν πόλιν, ἤρθη μὲν αὐτὸσ τῷ φρονήματι καὶ τὴν στρατιὰν ἐπῆρεν ὡσ ἄμαχον καὶ ἀήττητον οὖσαν ἐκείνου στρατηγοῦντοσ, τοὺσ δὲ φορτικοὺσ καὶ πένητασ οὕτωσ ἐδημαγώγησεν ὥστ’ ἐρᾶν ἔρωτα θαυμαστὸν ὑπ’ ἐκείνου τυραννεῖσθαι, καὶ λέγειν ἐνίουσ καὶ προσιέναι παρακελευομένουσ ὅπωσ τοῦ φθόνου κρείττων γενόμενοσ καὶ καταβαλὼν ψηφίσματα καὶ νόμουσ καὶ φλυάρουσ ἀπολλύντασ τὴν πόλιν ὡσ ἂν πράξῃ καὶ χρήσηται τοῖσ πράγμασι, μὴ δεδιὼσ τοὺσ συκοφάντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 34

(플루타르코스, Ἀλκιβιάδης, chapter 34)

상위

목록

SEARCH

MENU NAVIGATION