헬라어 문장 검색 - Πλυταρ́Αλξιβιά29́

(플루타르코스, Ἀλκιβιάδης, chapter 29)

οὕτω δ’ ἐπήρθησαν οἱ μετὰ τοῦ Ἀλκιβιάδου στρατευσάμενοι καὶ τοσοῦτον ἐφρόνησαν ὥστ’ ἀπαξιοῦν ἔτι τοῖσ ἄλλοισ καταμιγνύναι στρατιώταισ ἑαυτοὺσ πολλάκισ ἡττημένοισ ἀηττήτουσ ὄντασ. καὶ γὰρ οὐ πολλῷ πρότερον συνεβεβήκει πταίσαντοσ περὶ Ἔφεσον τοῦ Θρασύλλου τὸ χαλκοῦν ἀνεστάναι τρόπαιον ὑπὸ τῶν Ἐφεσίων ἐπ’ αἰσχύνῃ τῶν Ἀθηναίων. ταῦτ’ οὖν ὠνείδιζον οἱ μετὰ τοῦ Ἀλκιβιάδου τοῖσ μετὰ τοῦ Θρασύλλου, μεγαλύνοντεσ αὑτοὺσ καὶ τὸν στρατηγόν, ἐκείνοισ δὲ μήτε γυμνασίων μήτε χώρασ ἐν στρατοπέδῳ κοινωνεῖν ἐθέλοντεσ.

ἐπεὶ δὲ Φαρνάβαζοσ ἱππέασ τε πολλοὺσ ἔχων καὶ πεζοὺσ ἐπῆλθεν αὐτοῖσ ἐμβεβληκόσιν εἰσ τὴν Ἀβυδηνῶν, ὁ δ’ Ἀλκιβιάδησ ἐκβοηθήσασ ἐπ’ αὐτὸν ἐτρέψατο καὶ κατεδίωξεν ἄχρι σκότουσ μετὰ τοῦ Θρασύλλου, καὶ ἀνεμίγνυντο καὶ κοινῇ φιλοφρονούμενοι καὶ χαίροντεσ ἐπανῄεσαν εἰσ τὸ στρατόπεδον. τῇ δ’ ὑστεραίᾳ στήσασ τρόπαιον ἐλεηλάτει τὴν Φαρναβάζου χώραν οὐδενὸσ ἀμύνεσθαι τολμῶντοσ.

ἱερεῖσ μέντοι καὶ ἱερείασ ἔλαβε μέν, ἀλλ’ ἀφῆκεν ἄνευ λύτρων. Χαλκηδονίοισ δ’ ἀφεστῶσι καὶ δεδεγμένοισ φρουρὰν καὶ ἁρμοστὴν Λακεδαιμονίων ὡρμημένοσ πολεμεῖν, ἀκούσασ δ’ ὅτι τὴν λείαν πᾶσαν ἐκ τῆσ χώρασ συναγαγόντεσ εἰσ Βιθυνοὺσ ὑπεκτίθενται φίλουσ ὄντασ, ἧκεν ἐπὶ τοὺσ ὁρ́ουσ ἄγων τὸ στράτευμα, καὶ κήρυκα προπέμψασ ἐνεκάλει τοῖσ Βιθυνοῖσ. οἱ δὲ δείσαντεσ τήν τε λείαν ἀπέδοσαν αὐτῷ καὶ φιλίαν ὡμολόγησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 29

(플루타르코스, Ἀλκιβιάδης, chapter 29)

상위

목록

SEARCH

MENU NAVIGATION