헬라어 문장 검색 - Πλυταρ́Αλξιβιά24́

(플루타르코스, Ἀλκιβιάδης, chapter 24)

μετὰ δὲ τὴν ἐν Σικελίᾳ τῶν Ἀθηναίων δυστυχίαν ἐπρέσβευσαν εἰσ Σπάρτην ἅμα Χῖοι καὶ Λέσβιοι καὶ Κυζικηνοὶ περὶ ἀποστάσεωσ. πραττόντων δὲ Βοιωτῶν μὲν Λεσβίοισ, Φαρναβάζου δὲ Κυζικηνοῖσ, Ἀλκιβιάδῃ πεισθέντεσ εἵλοντο Χίοισ πρὸ πάντων βοηθεῖν. ἐκπλεύσασ δὲ καὶ αὐτὸσ ἀπέστησεν ὀλίγου δεῖν ἅπασαν Ιὠνίαν, καὶ πολλὰ συνὼν τοῖσ τῶν Λακεδαιμονίων στρατηγοῖσ ἔβλαπτε τοὺσ Ἀθηναίουσ. ὁ δ’ Ἆγισ ἐχθρὸσ μὲν ὑπῆρχεν αὐτῷ διὰ τὴν γυναῖκα κακῶσ πεπονθώσ, ἤχθετο δὲ καὶ τῇ δόξῃ·

τὰ γὰρ πλεῖστα γίνεσθαι καὶ προχωρεῖν δι’ Ἀλκιβιάδην λόγοσ ἦν· τῶν δ’ ἄλλων Σπαρτιατῶν οἱ δυνατώτατοι καὶ φιλοτιμότατοι τὸν Ἀλκιβιάδην ἤδη ἐβαρύνοντο διὰ φθόνον. ἴσχυσαν οὖν καὶ διεπράξαντο τοὺσ οἴκοθεν ἄρχοντασ ἐπιστεῖλαι πρὸσ Ιὠνίαν ὅπωσ ἀποκτείνωσιν αὐτόν. ὁ δ’ ἡσυχῆ προγνοὺσ καὶ φοβηθεὶσ τῶν μὲν πράξεων πασῶν ἐκοινώνει τοῖσ Λακεδαιμονίοισ, τὸ δ’ εἰσ χεῖρασ ἰέναι παντάπασιν ἔφευγε, Τισαφέρνῃ δέ, τῷ βασιλέωσ σατράπῃ, δοὺσ ἑαυτὸν ὑπὲρ ἀσφαλείασ εὐθὺσ ἦν παρ’ αὐτῷ πρῶτοσ καὶ μέγιστοσ.

τὸ μὲν γὰρ πολύτροπον καὶ περιττὸν αὐτοῦ τῆσ δεινότητοσ οὐκ ὢν ἁπλοῦσ, ἀλλὰ κακοήθησ καὶ φιλοπόνηροσ, ἐθαύμαζεν ὁ βάρβαροσ·

ταῖσ δὲ καθ’ ἡμέραν ἐν τῷ συσχολάζειν καὶ συνδιαιτᾶσθαι χάρισιν οὐδὲν ἦν ἄτεγκτον ἦθοσ οὐδὲ φύσισ ἀνάλωτοσ, ἀλλὰ καὶ δεδιόσι καὶ φθονοῦσιν ὅμωσ τὸ συγγενέσθαι καὶ προσιδεῖν ἐκεῖνον ἡδονήν τινα καὶ φιλοφροσύνην παρεῖχε. τἆλλ’ οὖν ὢν καὶ μισέλλην ἐν τοῖσ μάλιστα Περσῶν ὁ Τισαφέρνησ, οὕτωσ ἐνεδίδου τῷ Ἀλκιβιάδῃ κολακευόμενοσ ὥσθ’ ὑπερβάλλειν αὐτὸν ἀντικολακεύων ἐκεῖνοσ.

ὧν γὰρ ἐκέκτητο παραδείσων τὸν κάλλιστον καὶ ὑδάτων καὶ λειμώνων ὑγιεινῶν ἕνεκεν, διατριβὰσ ἔχοντα καὶ καταφυγὰσ ἠσκημένασ βασιλικῶσ καὶ περιττῶσ, Ἀλκιβιάδην καλεῖν ἔθετο· καὶ πάντεσ οὕτω καλοῦντεσ καὶ προσαγορεύοντεσ διετέλουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Ἀλκιβιάδης, chapter 24

(플루타르코스, Ἀλκιβιάδης, chapter 24)

상위

목록

SEARCH

MENU NAVIGATION