헬라어 문장 검색 - Πλυταρ́Αλξιβιά21́

(플루타르코스, Ἀλκιβιάδης, chapter 21)

τῶν οὖν δεθέντων καὶ φυλαττομένων ἐπὶ κρίσει τότε καὶ Ἀνδοκίδησ ἦν ὁ ῥήτωρ, ὃν Ἑλλάνικοσ ὁ συγγραφεὺσ εἰσ τοὺσ Ὀδυσσέωσ ἀπογόνουσ ἀνήγαγεν. ἐδόκει δὲ μισόδημοσ καὶ ὀλιγαρχικὸσ ὁ Ἀνδοκίδησ, ὕποπτον δὲ οὐχ ἥκιστα τῆσ τῶν Ἑρμῶν περικοπῆσ ἐποίησεν ὁ μέγασ Ἑρμῆσ, ὁ πλησίον αὐτοῦ τῆσ οἰκίασ ἀνάθημα τῆσ Αἰγηί̈δοσ φυλῆσ ἱδρυμένοσ· ἐν γὰρ ὀλίγοισ πάνυ τῶν ἐπιφανῶν μόνοσ σχεδὸν ἀκέραιοσ ἔμεινε·

διὸ καὶ νῦν Ἀνδοκίδου καλεῖται, καὶ πάντεσ οὕτωσ ὀνομάζουσι τῆσ ἐπιγραφῆσ ἀντιμαρτυρούσησ. συνέβη δὲ τῷ Ἀνδοκίδῃ μάλιστα τῶν τὴν αὐτὴν αἰτίαν ἐχόντων ἐν τῷ δεσμωτηρίῳ γενέσθαι συνήθη καὶ φίλον ἔνδοξον μὲν οὐχ ὁμοίωσ ἐκείνῳ, συνέσει δὲ καὶ τόλμῃ περιττόν, ὄνομα Τίμαιον. οὗτοσ ἀναπείθει τὸν Ἀνδοκίδην ἑαυτοῦ κατήγορον καί τινων ἄλλων γενέσθαι μὴ πολλῶν·

ὁμολογήσαντι γὰρ ἄδειαν εἶναι κατὰ ψήφισμα τοῦ δήμου, τὰ δὲ τῆσ κρίσεωσ ἄδηλα πᾶσι, τοῖσ δὲ δυνατοῖσ φοβερώτατα· βέλτιον δὲ σωθῆναι ψευδόμενον ἢ μετὰ τῆσ αὐτῆσ αἰτίασ ἀποθανεῖν ἀδόξωσ, καὶ τὸ κοινῇ σκοποῦντι συμφέρον ὑπάρχειν, ὀλίγουσ καὶ ἀμφιβόλουσ προέμενον, πολλοὺσ καὶ ἀγαθοὺσ ἐξελέσθαι τῆσ ὀργῆσ. ταῦτα τοῦ Τιμαίου λέγοντοσ καὶ διδάσκοντοσ ὁ Ἀνδοκίδησ ἐπείσθη, καὶ γενόμενοσ μηνυτὴσ καθ’ αὑτοῦ καὶ καθ’ ἑτέρων ἔσχε τὴν ἐκ τοῦ ψηφίσματοσ ἄδειαν αὐτόσ·

οὓσ δ’ ὠνόμασε πάντεσ πλὴν τῶν φυγόντων ἀπώλοντο. καὶ πίστεωσ ἕνεκα προσέθηκεν αὐτοῖσ οἰκέτασ ἰδίουσ ὁ Ἀνδοκίδησ. οὐ μὴν ὅ γε δῆμοσ τὴν ὀργὴν ἅπασαν ἀφῆκεν ἐνταῦθα, ἀλλὰ μᾶλλον ἀπαλλαγεὶσ τῶν Ἑρμοκοπιδῶν ὥσπερ σχολάζοντι τῷ θυμῷ πρὸσ τὸν Ἀλκιβιάδην ὅλοσ ἐρρύη, καὶ τέλοσ ἀπέστειλε τὴν Σαλαμινίαν ἐπ’ αὐτόν, οὐ φαύλωσ αὐτό γε τοῦτο προστάξασ, μὴ βιάζεσθαι μηδ’ ἅπτεσθαι τοῦ σώματοσ, ἀλλὰ τῷ μετρίῳ λόγῳ χρῆσθαι κελεύοντασ ἀκολουθεῖν ἐπὶ κρίσιν καὶ πείθειν τὸν δῆμον.

ἐφοβοῦντο γὰρ ταραχὰσ τοῦ στρατεύματοσ ἐν πολεμίᾳ γῇ καὶ στάσιν, ὃ ῥᾳδίωσ ἂν ἐξειργάσατο βουληθεὶσ ὁ Ἀλκιβιάδησ.

καὶ γὰρ ἠθύμουν ἀπιόντοσ αὐτοῦ, καὶ πολλὴν τριβὴν προσεδόκων καὶ μῆκοσ ἀργὸν ἐν τῷ Νικίᾳ τὸν πόλεμον ἕξειν, καθάπερ μύωποσ ἀφῃρημένου τῶν πράξεων. ὁ γὰρ Λάμαχοσ ἦν μὲν πολεμικὸσ καὶ ἀνδρώδησ, ἀξίωμα δ’ οὐ προσῆν οὐδ’ ὄγκοσ αὐτῷ διὰ πενίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 21

(플루타르코스, Ἀλκιβιάδης, chapter 21)

상위

목록

SEARCH

MENU NAVIGATION