헬라어 문장 검색 - Πλυταρ́Αλξιβιά15́

(플루타르코스, Ἀλκιβιάδης, chapter 15)

οὕτω δὲ τῶν Λακεδαιμονίων ἐκπεσόντων, στρατηγὸσ ἀποδειχθεὶσ ὁ Ἀλκιβιάδησ εὐθὺσ Ἀργείουσ καὶ Μαντινεῖσ καὶ Ἠλείουσ συμμάχουσ ἐποίησε τοῖσ Ἀθηναίοισ. καὶ τὸν μὲν τρόπον οὐδεὶσ τῆσ πράξεωσ ἐπῄνει, μέγα δ’ ἦν τὸ πεπραγμένον ὑπ’ αὐτοῦ, διαστῆσαι καὶ κραδᾶναι Πελοπόννησον ὀλίγου δεῖν ἅπασαν, καὶ τοσαύτασ ἀσπίδασ ἐν ἡμέρᾳ μιᾷ περὶ Μαντίνειαν ἀντιτάξαι Λακεδαιμονίοισ, καὶ πορρωτάτω τῶν Ἀθηνῶν ἀγῶνα κατασκευάσαι καὶ κίνδυνον αὐτοῖσ, ἐν ᾧ μέγα μὲν οὐδὲν ἡ νίκη προσέθηκε κρατήσασιν, εἰ δ’ ἐσφάλησαν, ἔργον ἦν τὴν Λακεδαίμονα περιγενέσθαι. μετὰ δὲ τὴν μάχην εὐθὺσ ἐπέθεντο καταλύειν ἐν Ἄργει τὸν δῆμον οἱ χίλιοι καὶ τὴν πόλιν ὑπήκοον ποιεῖν·

Λακεδαιμόνιοι δὲ παραγενόμενοι κατέλυσαν τὴν δημοκρατίαν. αὖθισ δὲ τῶν πολλῶν ἐξενεγκαμένων τὰ ὅπλα καὶ κρατησάντων, ἐπελθὼν ὁ Ἀλκιβιάδησ τήν τε νίκην ἐβεβαίωσε τῷ δήμῳ, καὶ τὰ μακρὰ τείχη συνέπεισε καθεῖναι καὶ προσμίξαντασ τῇ θαλάσσῃ τὴν πόλιν ἐξάψαι παντάπασι τῆσ Ἀθηναίων δυνάμεωσ. καὶ τέκτονασ καὶ λιθουργοὺσ ἐκ τῶν Ἀθηνῶν ἐκόμισε καὶ πᾶσαν ἐνεδείκνυτο προθυμίαν, οὐχ ἧττον ἑαυτῷ κτώμενοσ ἢ τῇ πόλει χάριν καὶ ἰσχύν.

ἔπεισε δὲ καὶ Πατρεῖσ ὁμοίωσ τείχεσι μακροῖσ συνάψαι τῇ θαλάσσῃ τὴν πόλιν. "καταπιοῦνται ὑμᾶσ Ἀθηναῖοι· "κατὰ μικρὸν καὶ κατὰ τοὺσ πόδασ, Λακεδαιμόνιοι δὲ κατὰ τὴν κεφαλὴν καὶ ἀθρόωσ. οὐ μὴν ἀλλὰ καὶ τῆσ γῆσ συνεβούλευεν ἀντέχεσθαι τοῖσ Ἀθηναίοισ, καὶ τὸν ἐν Ἀγραύλου προβαλλόμενον ἀεὶ τοῖσ ἐφήβοισ ὁρ́κον ἔργῳ βεβαιοῦν.

ὀμνύουσι γὰρ ὁρ́οισ χρήσασθαι τῆσ Ἀττικῆσ πυροῖσ, κριθαῖσ, ἀμπέλοισ, ἐλαίαισ, οἰκείαν ποιεῖσθαι διδασκόμενοι τὴν ἥμερον καὶ καρποφόρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Ἀλκιβιάδης, chapter 15

(플루타르코스, Ἀλκιβιάδης, chapter 15)

상위

목록

SEARCH

MENU NAVIGATION