헬라어 문장 검색 - Πλυταρ́Αλξιβιά10́

(플루타르코스, Ἀλκιβιάδης, chapter 10)

πρώτην δ’ αὐτῷ πάροδον εἰσ τὸ δημόσιον γενέσθαι λέγουσι μετὰ χρημάτων ἐπιδόσεωσ, οὐκ ἐκ παρασκευῆσ, ἀλλὰ παριόντα θορυβούντων Ἀθηναίων ἐρέσθαι τὴν αἰτίαν τοῦ θορύβου, πυθόμενον δὲ χρημάτων ἐπίδοσιν γίνεσθαι παρελθεῖν καὶ ἐπιδοῦναι· τοῦ δὲ δήμου κροτοῦντοσ καὶ βοῶντοσ ὑφ’ ἡδονῆσ, ἐπιλαθέσθαι τοῦ ὄρτυγοσ ὃν ἐτύγχανεν ἔχων ἐν τῷ ἱματίῳ· πτοηθέντοσ οὖν καὶ διαφυγόντοσ ἔτι μᾶλλον ἐκβοῆσαι τοὺσ Ἀθηναίουσ, πολλοὺσ δὲ συνθηρᾶν ἀναστάντασ, λαβεῖν δ’ αὐτὸν Ἀντίοχον τὸν κυβερνήτην καὶ ἀποδοῦναι· διὸ προσφιλέστατον τῷ Ἀλκιβιάδῃ γενέσθαι. μεγάλασ δ’ αὐτῷ κλεισιάδασ ἐπὶ τὴν πολιτείαν ἀνοίγοντοσ τοῦ τε γένουσ καὶ τοῦ πλούτου τῆσ τε περὶ τὰσ μάχασ ἀνδραγαθίασ, φίλων τε πολλῶν καὶ οἰκείων ὑπαρχόντων, ἀπ’ οὐδενὸσ ἠξίου μᾶλλον ἢ τῆσ τοῦ λόγου χάριτοσ ἰσχύειν ἐν τοῖσ πολλοῖσ.

καὶ ὅτι μὲν δυνατὸσ ἦν εἰπεῖν, οἵ τε κωμικοὶ μαρτυροῦσι καὶ τῶν ῥητόρων ὁ δυνατώτατοσ ἐν τῷ κατὰ Μειδίου, λέγων τὸν Ἀλκιβιάδην καὶ δεινότατον εἰπεῖν γενέσθαι πρὸσ τοῖσ ἄλλοισ. ἀνδρὶ φιληκόῳ καὶ ἱστορικῷ παρ’ ὁντινοῦν τῶν φιλοσόφων, εὑρεῖν μὲν ἦν τὰ δέοντα καὶ νοῆσαι πάντων ἱκανώτατοσ ὁ Ἀλκιβιάδησ, ζητῶν δὲ μὴ μόνον ἃ δεῖ λέγειν, ἀλλὰ καὶ ὡσ δεῖ τοῖσ ὀνόμασι καὶ τοῖσ ῥήμασιν, οὐκ εὐπορῶν δέ, πολλάκισ ἐσφάλλετο καὶ μεταξὺ λέγων ἀπεσιώπα καὶ διέλειπε, λέξεωσ διαφυγούσησ αὐτόν, ἀναλαμβάνων καὶ διασκοπούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Ἀλκιβιάδης, chapter 10

(플루타르코스, Ἀλκιβιάδης, chapter 10)

상위

목록

SEARCH

MENU NAVIGATION