헬라어 문장 검색 - Παυσαν́Δεσξριπ́7́12́

(파우사니아스, Description of Greece, Ἀχαικά, chapter 12)

Ὠρώπιοι δὲ καὶ ὠφελείασ σφίσιν οὐ γενομένησ τῆσ παρὰ Ἀχαιῶν, ὅμωσ ὑπὸ Μεναλκίδα τὰ χρήματα ἐξεπράχθησαν· ὁ δὲ ὡσ τὸ δωροδόκημα εἶχεν ἐν χειρί, ἐποιεῖτο συμφορὰν εἰ καὶ Καλλικράτει μεταδώσει τῶν λημμάτων. τὰ μὲν δὴ πρῶτα ἀναβολαῖσ καὶ ἀπάταισ ἐχρῆτο ἐσ τὴν δόσιν, μετὰ δὲ οὐ πολὺ ἐτόλμησεν ἀποστερεῖν ἐκ τοῦ εὐθέοσ. βεβαιοῖ δὴ τὸ λεγόμενον ὡσ ἄρ’ ἦν καὶ πῦρ ἐσ πλέον ἄλλου πυρὸσ καῖον καὶ λύκοσ ἀγριώτεροσ λύκων ἄλλων καὶ ὠκύτεροσ ἱέραξ ἱέρακοσ πέτεσθαι, εἴγε καὶ Καλλικράτην ἀνοσιώτατον τῶν τότε Μεναλκίδασ μὲν ὑπερῆρεν ἀπιστίᾳ, Καλλικράτην, ὃσ ἐλάσσων παντοίου λήμματοσ καὶ ἐπὶ οὐδενὶ οἰκείῳ κέρδει πόλει τῇ Ἀθηναίων ἀπηχθημένοσ παυσάμενον μὲν τῆσ ἀρχῆσ Μεναλκίδαν ἐδίωκεν ἐν τοῖσ Ἀχαιοῖσ θανάτου δίκην·

πρεσβεῦσαί τε γὰρ Ἀχαιῶν ἐναντία ἔφασκεν αὐτὸν ἐσ Ῥώμην καὶ ἐσ τὰ μάλιστα γενέσθαι πρόθυμον ἐξελέσθαι τὴν Σπάρτην συνεδρίου τοῦ Ἀχαιῶν.

ἐνταῦθα ὡσ ἀφικνεῖτο ἐσ πᾶν ὁ Μεναλκίδασ κινδύνου, μεταδίδωσι τάλαντα τρία τῶν ἐξ Ὠρωποῦ Μεγαλοπολίτῃ Διαίῳ.

ἐγεγόνει δὲ αὐτῷ καὶ ἀρχῆσ διάδοχοσ τῆσ Ἀχαιῶν ὁ Δίαιοσ· τότε δὲ ὑπὲρ τοῦ λήμματοσ προθυμούμενοσ ἔμελλε Μεναλκίδᾳ καὶ ἀκόντων Ἀχαιῶν σωτηρίαν παρέξειν. Ἀχαιοὶ δὲ ἐπὶ μὲν τῇ ἀφέσει τοῦ Μεναλκίδα ἰδίᾳ τε ἕκαστοσ καὶ ἐν κοινῷ Δίαιον ἐποιοῦντο ἐν αἰτίᾳ· Δίαιοσ δὲ σφᾶσ ἀπὸ τῶν ἐσ αὐτὸν ἐγκλημάτων μετῆγεν ἐσ πραγμάτων ἐλπίδα μειζόνων, προφάσει χρώμενοσ τοιᾷδε ἐσ τὴν ἀπάτην. Λακεδαιμόνιοι περὶ ἀμφισβητησίμου χώρασ καταφεύγουσιν ἐπὶ τὴν Ῥωμαίων βουλήν·

καταφεύγουσι δὲ αὐτοῖσ προεῖπεν ἡ βουλὴ δικάζεσθαι τὰ ἄλλα πλὴν ψυχῆσ ἐν συνεδρίῳ τῷ Ἀχαιῶν. ἡ μὲν δὴ ταῦτα ἀπεκρίνατο· Δίαιοσ δὲ οὐ τὸν ὄντα ἔλεγεν Ἀχαιοῖσ λόγον, ψυχαγωγῶν δὲ αὐτοὺσ ἔφασκε παρὰ τῆσ Ῥωμαίων σφίσιν ἐφεῖσθαι βουλῆσ καὶ θάνατον ἀνδρὸσ καταγνῶναι τῶν ἐκ Σπάρτησ. ἠξίουν καὶ ὑπὲρ τῆσ ἑκάστου ψυχῆσ, Λακεδαιμόνιοι δὲ οὔτε ἀληθῆ συνεχώρουν Δίαιον λέγειν καὶ ἀνάγειν ἤθελον ἐπὶ τὴν Ῥωμαίων βουλήν.

Ἀχαιοὶ δὲ ἀντελαμβάνοντο αὖθισ ἄλλου λόγου, πόλεισ ὅσαι τελοῦσιν ἐσ Ἀχαιοὺσ μηδεμίαν ἐφ’ ἑαυτῆσ καθεστηκέναι κυρίαν ἄνευ τοῦ κοινοῦ τοῦ Ἀχαιῶν παρὰ Ῥωμαίουσ ἰδίᾳ πρεσβείαν ἀποστέλλειν. πόλεμόσ τε δὴ ἀπὸ τῶν ἀμφισβητημάτων τούτων Ἀχαιοῖσ καὶ Λακεδαιμονίοισ ἤρχετο καὶ Λακεδαιμόνιοι συνιέντεσ οὐκ ἀξιόμαχοι πρὸσ Ἀχαιοὺσ εἶναι πρεσβείαισ ἐχρῶντο πρὸσ τὰσ πόλεισ αὐτῶν καὶ ἰδίᾳ πρὸσ τὸν Δίαιον λόγοισ.

αἱ μὲν δὴ κατὰ τὰ αὐτὰ αἱ πόλεισ ἐποιοῦντο τὰσ ἀποκρίσεισ, οὔ σφισιν ἔξοδον ἐπαγγέλλοντοσ στρατηγοῦ παρακούειν εἶναι νόμον· Δίαιοσ γὰρ ἦρχε τῶν Ἀχαιῶν καὶ ἔφασκεν οὐ τῇ Σπάρτῃ, τοῖσ δὲ ταράσσουσιν αὐτὴν πολεμήσων ἀφίξεσθαι. ἐρομένων δὲ τῶν γερόντων ὁπόσουσ ἡγοῖτο ἀδικεῖν, ἐσπέμπει σφίσι τεσσάρων ὀνόματα ἀνδρῶν καὶ εἴκοσι πρωτευόντων τὰ πάντα ἐν Σπάρτῃ.

ἐνταῦθα Ἀγασισθένουσ ἐνίκησε γνώμη δοκίμου καὶ τὰ πρότερα ὄντοσ, ἀπὸ δὲ τῆσ παραινέσεωσ ταύτησ προελθόντοσ καὶ ἐσ πλέον δόξησ· ὃσ τοὺσ ἄνδρασ τούτουσ ἐκέλευσεν ἐκ Λακεδαίμονοσ ἐθελοντὰσ φεύγειν μηδὲ αὐτοῦ μένοντασ ἐργάσασθαι τῇ Σπάρτῃ πόλεμον, φυγόντασ δὲ ἐσ Ῥώμην καταχθήσεσθαι σφᾶσ οὐ μετὰ πολὺ ἔφασκεν ὑπὸ Ῥωμαίων. καὶ οἱ μὲν ἀπελθόντεσ ὑπήγοντο ὑπὸ Σπαρτιατῶν ἐσ δικαστήριον τῷ λόγῳ καὶ ἀποθανεῖν ἦσαν κατεγνωσμένοι·

ἀπεστάλησαν δὲ καὶ ὑπὸ Ἀχαιῶν Καλλικράτησ ἐσ Ῥώμην καὶ Δίαιοσ τοῖσ φεύγουσιν ἐκ Σπάρτησ ἀντιδικήσοντεσ ἐπὶ τῆσ βουλῆσ. καὶ αὐτῶν ὁ μὲν κατὰ τὴν ὁδὸν Καλλικράτησ τελευτᾷ νόσῳ, οὐδὲ οἶδα εἰ ἀφικόμενοσ ἐσ Ῥώμην ὠφέλησεν ἄν τι Ἀχαιοὺσ ἢ κακῶν σφισιν ἐγένετο μειζόνων ἀρχή· Δίαιοσ δὲ ἐσ ἀντιλογίαν Μεναλκίδᾳ καταστὰσ ἐπὶ τῆσ βουλῆσ πολλὰ μὲν εἶπε, τὰ δὲ ἤκουσεν οὐ σὺν κόσμῳ.

καί σφισιν ἀπεκρίνατο ἡ βουλὴ ἀποστέλλειν πρέσβεισ, οἳ κρινοῦσιν ὅσα Λακεδαιμονίοισ καὶ Ἀχαιοῖσ διάφορα ἦν ἐσ ἀλλήλουσ.

καὶ τοῖσ ἐκ Ῥώμησ πρέσβεσι σχολαιτέρα πωσ ἐγίνετο ἡ ὁδόσ, ὥστε ἐξαπατᾶν ὑπῆρχεν ἐξ ἀρχῆσ Διαίῳ τε Ἀχαιοὺσ καὶ Μεναλκίδᾳ Λακεδαιμονίουσ· τοὺσ μὲν δὴ παρῆγεν ὁ Δίαιοσ ὡσ τὰ πάντα ἕπεσθαι Λακεδαιμόνιοί σφισιν ὑπὸ τῆσ Ῥωμαίων βουλῆσ εἰσιν ἐγνωσμένοι, Λακεδαιμονίουσ δὲ ὁ Μεναλκίδασ ἠπάτα παντελῶσ τοῦ συνεδρεύειν ἐσ τὸ Ἀχαϊκὸν ὑπὸ Ῥωμαίων αὐτοὺσ ἀπηλλάχθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 12

(파우사니아스, Description of Greece, Ἀχαικά, chapter 12)

상위

목록

SEARCH

MENU NAVIGATION