헬라어 문장 검색 - Παυσαν́Δεσξριπ́7́04́

(파우사니아스, Description of Greece, Ἀχαικά, chapter 4)

αἱ δὲ ἐν ταῖσ νήσοισ εἰσὶν Ιὤνων πόλεισ Σάμοσ ἡ ὑπὲρ Μυκάλησ καὶ Χίοσ ἡ ἀπαντικρὺ τοῦ Μίμαντοσ. Ἄσιοσ δὲ ὁ Ἀμφιπτολέμου Σάμιοσ ἐποίησεν ἐν τοῖσ ἔπεσιν ὡσ Φοίνικι ἐκ Περιμήδησ τῆσ Οἰνέωσ γένοιτο Ἀστυπάλαια καὶ Εὐρώπη, Ποσειδῶνοσ δὲ καὶ Ἀστυπαλαίασ εἶναι παῖδα Ἀγκαῖον, βασιλεύειν δὲ αὐτὸν τῶν καλουμένων Λελέγων· Ἀγκαίῳ δὲ τὴν θυγατέρα τοῦ ποταμοῦ λαβόντι τοῦ Μαιάνδρου Σαμίαν γενέσθαι Περίλαον καὶ Ἔνουδον καὶ Σάμον καὶ Ἀλιθέρσην καὶ θυγατέρα ἐπ’ αὐτῷ Παρθενόπην, Παρθενόπησ δὲ τῆσ Ἀγκαίου καὶ Ἀπόλλωνοσ Λυκομήδην γενέσθαι. Ἄσιοσ μὲν ἐσ τοσοῦτο ἐν τοῖσ ἔπεσιν ἐδήλωσε·

τότε δὲ οἱ τὴν νῆσον οἰκοῦντεσ ἀνάγκῃ πλέον ἐδέξαντο ἢ εὐνοίᾳ συνοίκουσ Ιὤνασ. ἡγεμὼν δὲ ἦν τοῖσ Ιὤσι Προκλῆσ ὁ Πιτυρέωσ, αὐτόσ τε Ἐπιδαύριοσ καὶ Ἐπιδαυρίουσ ἦν τὸ πολὺ ἄγων, οἳ ὑπὸ Δηιφόντου καὶ Ἀργείων ἐκ τῆσ Ἐπιδαυρίασ ἐξεπεπτώκεσαν· τούτῳ τῷ Προκλεῖ γένοσ ἦν ἀπὸ Ιὤνοσ τοῦ Ξούθου. Ἄνδροκλοσ δὲ καὶ Ἐφέσιοι στρατεύουσιν ἐπὶ Λεώγορον τὸν Προκλέουσ, βασιλεύοντα μετὰ τὸν πατέρα ἐν Σάμῳ, καὶ μάχῃ νικήσαντεσ ἐξελαύνουσιν ἐκ τῆσ νήσου Σαμίουσ· αἰτίαν δὲ ἐπέφερον μετὰ Καρῶν σφᾶσ ἐπιβουλεύειν Ιὤσι.

Σαμίων δὲ τῶν φευγόντων οἱ μὲν ἐπὶ τῇ Θρᾴκῃ νῆσον ᾤκησαν, καὶ ἀπὸ τούτων τῆσ ἐνοικήσεωσ Σαμοθρᾴκην τὴν νῆσον καλοῦσιν ἀντὶ Δαρδανίασ·

οἱ δὲ ὁμοῦ Λεωγόρῳ περὶ Ἀναίαν τὴν ἐν τῇ ἠπείρῳ τῇ πέραν βαλόμενοι τεῖχοσ, δέκα ἔτεσιν ὕστερον διαβάντεσ ἐν τῇ Σάμῳ τούσ τε Ἐφεσίουσ ἐκβάλλουσι καὶ ἀνεσώσαντο τὴν νῆσον. τὸ δὲ ἱερὸν τὸ ἐν Σάμῳ τῆσ Ἥρασ εἰσὶν οἳ ἱδρύσασθαί φασι τοὺσ ἐν τῇ Ἀργοῖ πλέοντασ, ἐπάγεσθαι δὲ αὐτοὺσ τὸ ἄγαλμα ἐξ Ἄργουσ·

Σάμιοι δὲ αὐτοὶ τεχθῆναι νομίζουσιν ἐν τῇ νήσῳ τὴν θεὸν παρὰ τῷ Ἰμβράσῳ ποταμῷ καὶ ὑπὸ τῇ λύγῳ τῇ ἐν τῷ Ἡραίῳ κατ’ ἐμὲ ἔτι πεφυκυίᾳ. εἶναι δ’ οὖν τὸ ἱερὸν τοῦτο ἐν τοῖσ μάλιστα ἀρχαῖον ὃ οὐχ ἥκιστα ἄν τισ καὶ ἐπὶ <τῷ> ἀγάλματι τεκμαίροιτο· ἔστι γὰρ δὴ ἀνδρὸσ ἔργον Αἰγινήτου Σμίλιδοσ τοῦ Εὐκλείδου. οὗτοσ ὁ Σμῖλίσ ἐστιν ἡλικίαν κατὰ Δαίδαλον, δόξησ δὲ οὐκ ἐσ τὸ ἴσον ἀφίκετο· Δαιδάλῳ μὲν γὰρ γένουσ τε Ἀθήνῃσιν ὑπῆρχεν εἶναι τοῦ βασιλικοῦ τῶν καλουμένων Μητιονιδῶν καὶ ὁμοῦ τῇ τέχνῃ τῆσ πλάνησ τε ἕνεκα καὶ ἐπὶ ταῖσ συμφοραῖσ ἐπιφανέστεροσ ἐγένετο ἐσ ἅπαντασ ἀνθρώπουσ.

Κρήτην, καὶ αὐτῷ τε ἀγάλματα Μίνῳ καὶ τοῦ Μίνω ταῖσ θυγατράσιν ἐποίησε, καθότι καὶ Ὅμηροσ ἐν Ἰλιάδι ἐδήλωσε·

καταγνωσθεὶσ δὲ ἀδικεῖν ὑπὸ τοῦ Μίνω καὶ ἐσ δεσμωτήριον ὁμοῦ τῷ παιδὶ ἐμβληθεὶσ ἐκδιδράσκει τε ἐκ Κρήτησ καὶ ἐσ Ἴνυκον Σικελῶν πόλιν ἀφικνεῖται παρὰ Κώκαλον, καὶ πολέμου παρέσχε τοῖσ Σικελοῖσ αἰτίαν πρὸσ τοὺσ Κρῆτασ, ὅτι ἐξαιτοῦντοσ Μίνω μὴ πρόοιτο αὐτὸν ὁ Κώκαλοσ·

καὶ ἐσ τοσοῦτο ὑπὸ τοῦ Κωκάλου τῶν θυγατέρων ἐσπουδάσθη κατὰ τὴν τέχνην, ὡσ καὶ θάνατον τῷ Μίνῳ βουλεῦσαι τὰσ γυναῖκασ ἐσ χάριν Δαιδάλου. δῆλά τε ὡσ ἀνὰ πᾶσαν μὲν τὴν Σικελίαν, ἐπὶ πλεῖστον δὲ καὶ Ἰταλίασ ἀφίκετο τοῦ Δαιδάλου τὸ ὄνομα.

ὁ δὲ Σμῖλισ, ὅτι μὴ παρὰ Σαμίουσ καὶ ἐσ τὴν Ἠλείαν, παρ’ ἄλλουσ γε οὐδένασ φανερόσ ἐστιν ἀποδημήσασ· ἐσ τούτουσ δὲ ἀφίκετο, καὶ τὸ ἄγαλμα ἐν Σάμῳ τῆσ Ἥρασ ὁ ποιήσασ ἐστὶν οὗτοσ. Ιὤνι δὲ τῷ ποιήσαντι τραγῳδίαν ἐστὶν ἐν τῇ συγγραφῇ τοιάδε εἰρημένα, Ποσειδῶνα ἐσ τὴν νῆσον ἔρημον οὖσαν ἀφικέσθαι καὶ νύμφῃ τε ἐνταῦθα συγγενέσθαι καὶ ὑπὸ τὰσ ὠδῖνασ τῆσ νύμφησ χιόνα ἐξ οὐρανοῦ πεσεῖν ἐσ τὴν γῆν, καὶ ἀπὸ τούτου Ποσειδῶνα τῷ παιδὶ ὄνομα θέσθαι Χίον·

συγγενέσθαι δὲ αὐτὸν καὶ ἑτέρᾳ νύμφῃ, καὶ γενέσθαι οἱ παῖδασ Ἄγελόν τε καὶ Μέλανα· Σάλαγόν τε καὶ Ἀθάμαντα.

ἀφίκοντο δὲ καὶ Κᾶρεσ ἐσ τὴν νῆσον ἐπὶ τῆσ Οἰνοπίωνοσ βασιλείασ καὶ Ἄβαντεσ ἐξ Εὐβοίασ.

Οἰνοπίωνοσ δὲ καὶ τῶν παίδων ἔλαβεν ὕστερον Ἄμφικλοσ τὴν ἀρχήν· ἀφίκετο δὲ ἐξ Ἱστιαίασ ὁ Ἄμφικλοσ τῆσ ἐν Εὐβοίᾳ κατὰ μάντευμα ἐκ Δελφῶν. Ἕκτωρ δὲ ἀπὸ Ἀμφίκλου τετάρτῃ γενεᾷ ‐ βασιλείαν γὰρ ἔσχε καὶ οὗτοσ ‐ ἐπολέμησεν Ἀβάντων καὶ Καρῶν τοῖσ οἰκοῦσιν ἐν τῇ νήσῳ, καὶ τοὺσ μὲν ἀπέκτεινεν ἐν ταῖσ μάχαισ, τοὺσ δὲ ἀπελθεῖν ἠνάγκασεν ὑποσπόνδουσ. γενομένησ δὲ ἀπαλλαγῆσ πολέμου Χίοισ, ἀφικέσθαι τηνικαῦτα ἐσ μνήμην Ἕκτορι ὡσ σφᾶσ καὶ Ιὤσι δέοι συνθύειν ἐσ Πανιώνιον·

τρίποδα δὲ ἆθλον λαβεῖν αὐτὸν ἐπὶ ἀνδραγαθίᾳ παρὰ τοῦ κοινοῦ φησι τοῦ Ιὤνων. τοσαῦτα εἰρηκότα ἐσ Χίουσ Ιὤνα εὑρ́ισκον· οὐ μέντοι ἐκεῖνό γε εἴρηκε, καθ’ ἥντινα αἰτίαν Χῖοι τελοῦσιν ἐσ Ιὤνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 4

(파우사니아스, Description of Greece, Ἀχαικά, chapter 4)

상위

목록

SEARCH

MENU NAVIGATION