헬라어 문장 검색 - Παυσαν́Δεσξριπ́7́01́

(파우사니아스, Description of Greece, Ἀχαικά, chapter 1)

ἡ δὲ τῆσ Ἠλείασ μέση καὶ Σικυωνίασ, καθήκουσα μὲν ἐπὶ τὴν πρὸσ ἑώ θάλασσαν, Ἀχαί̈αν δὲ ὄνομα τὸ ἐφ’ ἡμῶν ἔχουσα ἀπὸ τῶν ἐνοικούντων, αὐτή τε Αἰγιαλὸσ τὸ ἀρχαῖον καὶ οἱ νεμόμενοι τὴν γῆν ἐκαλοῦντο Αἰγιαλεῖσ, λόγῳ μὲν τῷ Σικυωνίων ἀπὸ Αἰγιαλέωσ βασιλεύσαντοσ ἐν τῇ νῦν Σικυωνίᾳ, εἰσὶ δὲ οἵ φασιν ἀπὸ τῆσ χώρασ, εἶναι γὰρ τὰ πολλὰ αὐτῆσ αἰγιαλόν. χρόνῳ δὲ ὕστερον ἀποθανόντοσ Ἕλληνοσ Ξοῦθον οἱ λοιποὶ τοῦ Ἕλληνοσ παῖδεσ διώκουσιν ἐκ Θεσσαλίασ, ἐπενεγκόντεσ αἰτίαν ὡσ ἰδίᾳ χρήματα ὑφελόμενοσ ἔχοι τῶν πατρῴων·

ὁ δὲ ἐσ Ἀθήνασ φυγὼν θυγατέρα Ἐρεχθέωσ ἠξιώθη λαβεῖν καὶ παῖδασ Ἀχαιὸν καὶ Ιὤνα ἔσχεν ἐξ αὐτῆσ. ἐξελαύνουσιν ἐκ τῆσ χώρασ αὐτόν·

ἀφικομένῳ δὲ ἐσ τὸν Αἰγιαλὸν καὶ οἰκήσαντι αὐτῷ μὲν ἐγένετο ἐνταῦθα ἡ τελευτή, τῶν δέ οἱ παίδων Ἀχαιὸσ μὲν ἐκ τοῦ Αἰγιαλοῦ παραλαβὼν καὶ ἐξ Ἀθηνῶν ἐπικούρουσ κατῆλθεν ἐσ Θεσσαλίαν καὶ ἔσχε τὴν πατρῴαν ἀρχήν, Ιὤνι δὲ ἐπὶ τοὺσ Αἰγιαλεῖσ στρατιὰν καὶ ἐπὶ Σελινοῦντα τὸν βασιλέα αὐτῶν ἀθροίζοντι ἀγγέλουσ ἔπεμπεν ὁ Σελινοῦσ, τὴν θυγατέρα Ἑλίκην, ἣ μόνη οἱ παῖσ ἦν, γυναῖκα αὐτῷ διδοὺσ καὶ αὐτὸν Ιὤνα ἐπὶ τῇ ἀρχῇ παῖδα ποιούμενοσ.

καί πωσ ταῦτα τῷ Ιὤνι ἐγένετο οὐκ ἄπο γνώμησ, καὶ τῶν Αἰγιαλέων τὴν ἀρχὴν Ιὤν ἔσχεν ἀποθανόντοσ Σελινοῦντοσ, καὶ Ἑλίκην τε ἀπὸ τῆσ γυναικὸσ ᾤκισεν ἐν τῷ Αἰγιαλῷ πόλιν καὶ τοὺσ ἀνθρώπουσ ἐκάλεσεν Ιὤνασ ἀφ’ αὑτοῦ.

τοῦτο οὐ μεταβολὴ τοῦ ὀνόματοσ, προσθήκη δέ σφισιν ἐγένετο· Αἰγιαλεῖσ γὰρ ἐκαλοῦντο Ιὤνεσ. τῇ χώρᾳ δὲ ἔτι καὶ μᾶλλον διέμεινεν ὄνομα τὸ ἐξ ἀρχῆσ· Ὁμήρῳ γοῦν ἐν καταλόγῳ τῶν μετὰ Ἀγαμέμνονοσ ἐξήρκεσε τὸ ἀρχαῖον δηλῶσαι τῆσ γῆσ ὄνομα· Αἰγιαλόν τ’ ἀνὰ πάντα καὶ ἀμφ’ Ἑλίκην εὐρεῖαν. τότε δὲ ἐπὶ τῆσ Ιὤνοσ βασιλείασ πολεμησάντων Ἀθηναίοισ Ἐλευσινίων καὶ Ἀθηναίων Ιὤνα ἐπαγαγομένων ἐπὶ ἡγεμονίᾳ τοῦ πολέμου, τὸν μὲν ἐν τῇ Ἀττικῇ τὸ χρεὼν ἐπιλαμβάνει, καὶ Ιὤνοσ ἐν τῷ δήμῳ μνῆμα τῷ Ποταμίων ἐστίν·

οἱ δὲ ἀπόγονοι τοῦ Ιὤνοσ τὸ Ιὤνων ἔσχον κράτοσ, ἐσ ὃ ὑπ’ Ἀχαιῶν ἐξέπεσον καὶ αὐτοὶ καὶ ὁ δῆμοσ. ἐξεληλάσθαι·

τὰ δὲ ἐσ Ιὤνασ καὶ Ἀχαιούσ, ὁπόσα ἐπράχθη σφίσιν ἐπ’ ἀλλήλουσ, ἐπέξεισιν αὐτίκα ὁ λόγοσ μοι προδιηγησαμένῳ καθ’ ἥντινα αἰτίαν τοῖσ Λακεδαίμονα οἰκοῦσι καὶ Ἄργοσ πρὸ τῆσ τῶν Δωριέων καθόδου μόνοισ Πελοποννησίων ὑπῆρξεν Ἀχαιοῖσ καλεῖσθαι.

Ἄρχανδροσ Ἀχαιοῦ καὶ Ἀρχιτέλησ ἐσ Ἄργοσ ἀφίκοντο ἐκ τῆσ Φθιώτιδοσ, ἐλθόντεσ δὲ ἐγένοντο Δαναοῦ γαμβροί, καὶ Αὐτομάτην μὲν Ἀρχιτέλησ, Σκαιὰν δὲ ἔλαβεν Ἄρχανδροσ. δηλοῦσι δὲ ἐν Ἄργει καταμείναντεσ οὐχ ἥκιστα ἐν τῷδε· Μετανάστην γὰρ τῷ παιδὶ ὄνομα ἔθετο Ἄρχανδροσ. δυνηθέντων δὲ ἔν τε Ἄργει καὶ Λακεδαίμονι τῶν Ἀχαιοῦ παίδων, τοὺσ ἀνθρώπουσ τοὺσ ἐνταῦθα ἐξενίκησεν Ἀχαιοὺσ κληθῆναι·

τοῦτο μέν σφισιν ὄνομα ἦν ἐν κοινῷ, Δαναοὶ δὲ Ἀργείοισ ἰδίᾳ. τότε δὲ ὑπὸ Δωριέων ἐκπεπτωκότεσ ἔκ τε Ἄργουσ καὶ ἐκ Λακεδαίμονοσ ἐπεκηρυκεύοντο Ιὤσιν αὐτοί τε καὶ ὁ βασιλεὺσ Τισαμενὸσ ὁ Ὀρέστου γενέσθαι σύνοικοί σφισιν ἄνευ πολέμου· τῶν δὲ Ιὤνων τοὺσ βασιλέασ ὑπῄει δέοσ, μὴ Ἀχαιῶν ἀναμιχθέντων αὐτοῖσ Τισαμενὸν ἐν κοινῷ βασιλέα ἕλωνται κατά τε ἀνδραγαθίαν καὶ γένουσ δόξαν. Ιὤνων δὲ οὐ προσεμένων τοὺσ Ἀχαιῶν λόγουσ ἀλλὰ ἐπεξελθόντων σὺν ὅπλοισ, Τισαμενὸσ μὲν ἔπεσεν ἐν τῇ μάχῃ, Ιὤνασ δὲ Ἀχαιοὶ κρατήσαντεσ ἐπολιόρκουν καταπεφευγότασ ἐσ Ἑλίκην καὶ ὕστερον ἀφιᾶσιν ἀπελθεῖν ὑποσπόνδουσ.

Φειδίτια καλούμενα.

Ιὤνασ δὲ ἀφικομένουσ ἐσ τὴν Ἀττικὴν Ἀθηναῖοι καὶ ὁ βασιλεὺσ αὐτῶν Μέλανθοσ Ἀνδροπόμπου συνοίκουσ ἐξεδέξαντο Ιὤνόσ τε δὴ ἕνεκα καὶ ἔργων ἃ ἔπραξε πολεμαρχῶν Ἀθηναίοισ·

λέγεται δὲ ὡσ ἐν ὑπονοίᾳ ποιούμενοι τοὺσ Δωριέασ οἱ Ἀθηναῖοι, μὴ οὐδὲ αὐτῶν ἐθέλωσιν ἀπέχεσθαι, ἰσχύοσ μᾶλλον οἰκείασ ἕνεκα ἢ εὐνοίᾳ τῇ ἐσ τοὺσ Ιὤνασ συνοίκουσ σφᾶσ ἐδέξαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 1

(파우사니아스, Description of Greece, Ἀχαικά, chapter 1)

상위

목록

SEARCH

MENU NAVIGATION