헬라어 문장 검색 - Παυσαν́Δεσξριπ́6́16́

(파우사니아스, Description of Greece, Ἠλιακῶν Β, chapter 16)

Κάπρῳ μὲν δὴ οὐκ ἄνευ μεγάλων πόνων καὶ ἰσχυρᾶσ ταλαιπωρίασ ἐγένοντο αἱ νῖκαι· εἰσὶ δὲ εἰκόνεσ ἐν Ὀλυμπίᾳ καὶ Ἀναυχίδᾳ καὶ Φερενίκῳ, γένοσ μὲν Ἠλείοισ, πάλησ δὲ ἐν παισὶν ἀνελομένοισ στεφάνουσ. Πλείσταινον δὲ τὸν Εὐρυδάμου τοῦ ἐναντία Γαλατῶν στρατηγήσαντοσ Αἰτωλοῖσ Θεσπιεῖσ εἰσιν οἱ ἀναθέντεσ. Τυδεὺσ δὲ Ἠλεῖοσ Ἀντίγονόν τε τὸν Δημητρίου πατέρα καὶ Σέλευκον ἀνέθηκε·

Σελεύκου δὲ ἐσ ἅπαντασ ἤρθη τὸ ὄνομα ἀνθρώπουσ ἄλλων τε ἕνεκα καὶ διὰ τὴν Δημητρίου μάλιστα ἅλωσιν. Τίμωνι δὲ ἀγώνων τε νῖκαι τῶν ἐν Ἕλλησιν ὑπάρχουσιν ἐπὶ πεντάθλῳ πλὴν τοῦ Ἰσθμικοῦ ‐ τούτου δὲ τῷ μὴ ἀγωνιστὴσ γενέσθαι κατὰ τὰ αὐτὰ Ἠλείοισ τοῖσ ἄλλοισ εἴργετο ‐ καὶ τάδε ἄλλα φησὶ τὸ ἐσ αὐτὸν ἐπίγραμμα, Αἰτωλοῖσ αὐτὸν ἐπιστρατείασ μετασχεῖν ἐπὶ Θεσσαλοὺσ καὶ φρουρᾶσ ἡγεμόνα ἐν Ναυπάκτῳ φιλίᾳ γενέσθαι τῇ ἐσ Αἰτωλούσ. Τίμωνοσ δὲ οὐ πόρρω τῆσ εἰκόνοσ Ἑλλάσ τε δὴ καὶ Ἦλισ παρὰ τὴν Ἑλλάδα, ἡ μὲν Ἀντίγονον τὸν ἐπιτροπεύσαντα Φιλίππου τοῦ Δημητρίου, τῇ δὲ ἑτέρᾳ τῶν χειρῶν τὸν Φίλιππον στεφανοῦσα αὐτόν, ἡ δὲ Ἦλισ Δημήτριον τὸν στρατεύσαντα ἐπὶ Σέλευκον καὶ Πτολεμαῖον τὸν Λάγου στεφανοῦσά ἐστιν.

τῷ ἱππίῳ <δρόμῳ>.

δρόμου δέ εἰσι τοῦ ἱππίου μῆκοσ μὲν δίαυλοι δύο, ἐκλειφθέντα δὲ ἐκ Νεμείων τε καὶ Ἰσθμίων αὐτὸν βασιλεὺσ Ἀδριανὸσ ἐσ Νεμείων ἀγῶνα τῶν χειμερινῶν ἀπέδωκεν Ἀργείοισ. τοῦ δὲ Ἀριστείδου ἐγγύτατα Μενάλκησ ἕστηκεν Ἠλεῖοσ, ἀναγορευθεὶσ Ὀλυμπίασιν ἐπὶ πεντάθλῳ, καὶ Φιλωνίδησ Ζώτου, γένοσ μὲν ἐκ Χερρονήσου τῆσ Κρητῶν, Ἀλεξάνδρου δὲ ἡμεροδρόμοσ τοῦ Φιλίππου.

μετὰ δὲ τοῦτον Βριμίασ ἐστὶν Ἠλεῖοσ, κρατήσασ ἄνδρασ πυγμῇ, Λεωνίδασ τε ἐκ Νάξου τῆσ ἐν τῷ Αἰγαίῳ, Ψωφιδίων ἀνάθημα Ἀρκάδων, Ἀσάμωνόσ τε εἰκὼν ἐν ἀνδράσι πυγμῇ νενικηκότοσ, ἡ δὲ Νικάνδρου, διαύλου μὲν δύο ἐν Ὀλυμπίᾳ, Νεμείων δὲ <καὶ Ἰσθμίων> ἀναμὶξ ἐπὶ δρόμῳ νίκασ ἓξ ἀνῃρημένου. ὁ δὲ Ἀσάμων καὶ ὁ Νίκανδροσ Ἠλεῖοι μὲν ἦσαν, πεποίηκε δὲ τῷ μὲν Δάιπποσ τὴν εἰκόνα, Ἀσάμωνι δὲ Πυριλάμπησ Μεσσήνιοσ. Εὐαλκίδᾳ δὲ Ἠλείῳ καὶ Σελεάδᾳ Λακεδαιμονίῳ, τῷ μὲν ἐν παισὶν ἐγένοντο πυγμῆσ νῖκαι, Σελεάδᾳ δὲ ἀνδρῶν πάλησ.

ἐνταῦθα καὶ ἁρ́μα οὐ μέγα ἀνάκειται Πολυπείθουσ Λάκωνοσ καὶ ἐπὶ στήλησ τῆσ αὐτῆσ Καλλιτέλησ ὁ τοῦ Πολυπείθουσ πατήρ, παλαιστὴσ ἀνήρ· νῖκαι δέ σφισι τῷ μὲν ἵπποισ, Καλλιτέλει δὲ παλαίσαντί εἰσιν. ἰδιώτασ δὲ ἄνδρασ Ἠλείουσ Λάμπον Ἀρνίσκου καὶ Ἀριστάρχου Ψωφίδιοι προξένουσ ὄντασ σφίσιν ἀνέθεσαν ἢ καὶ ἄλλην τινὰ ἐσ αὐτοὺσ ἔχοντασ εὔνοιαν·

Λύσιπποσ Ἠλεῖοσ καταπαλαίσασ τοὺσ ἐσελθόντασ τῶν παίδων, Ἀνδρέασ δὲ Ἀργεῖοσ ἐποίησε τοῦ Λυσίππου τὴν εἰκόνα.

Λακεδαιμονίῳ δὲ Δεινοσθένει σταδίου τε ἐγένετο ἐν ἀνδράσιν Ὀλυμπικὴ νίκη καὶ στήλην ἐν τῇ Ἄλτει παρὰ τὸν ἀνδριάντα ἀνέθηκεν ὁ Δεινοσθένησ·

ὁδοῦ δὲ τῆσ ἐσ Λακεδαίμονα ἐξ Ὀλυμπίασ ἐπὶ ἑτέραν στήλην τὴν ἐν Λακεδαίμονι μέτρα <φησὶν> εἶναι σταδίουσ ἑξήκοντα καὶ ἑξακοσίουσ. Θεόδωρον δὲ λαβόντα ἐπὶ πεντάθλῳ νίκην καὶ Πύτταλον Λάμπιδοσ πυγμῇ παῖδασ κρατήσαντα καὶ Νε<ο>λαί̈δαν σταδίου τε ἀνελόμενον καὶ ὅπλου στέφανον, Ἠλείουσ σφᾶσ ὄντασ ἴστω τισ· ἐπὶ δὲ τῷ Πυττάλῳ καὶ τάδε ἔτι λέγουσιν, ὡσ γενομένησ πρὸσ Ἀρκάδασ Ἠλείοισ ἀμφισβητήσεωσ περὶ γῆσ ὁρ́ων εἶπεν οὗτοσ ὁ Πύτταλοσ τὴν δίκην· ὁ δέ οἱ ἀνδριὰσ ἔργον ἐστὶν Ὀλυνθίου Σθέν<ν>ιδοσ. ἐφεξῆσ δὲ Πτολεμαῖόσ τέ ἐστιν ἀναβεβηκὼσ ἵππον καὶ παρ’ αὐτὸν Ἠλεῖοσ ἀθλητὴσ Παιάνιοσ ὁ Δαματρίου πάλησ τε ἐν Ὀλυμπίᾳ καὶ τὰσ δύο Πυθικὰσ ἀνῃρημένοσ νίκασ.

Κλεάρετόσ τέ ἐστιν Ἠλεῖοσ πεντάθλου λαβὼν στέφανον καὶ ἁρ́μα ἀνδρὸσ Ἀθηναίου Γλαύκωνοσ τοῦ Ἐτεοκλέουσ· ἀνηγορεύθη δὲ ὁ Γλαύκων οὗτοσ ἐπὶ ἁρ́ματοσ τελείου δρόμῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 16

(파우사니아스, Description of Greece, Ἠλιακῶν Β, chapter 16)

상위

목록

SEARCH

MENU NAVIGATION