Pausanias, Description of Greece, Ἠλιακῶν Β, chapter 17

(파우사니아스, Description of Greece, Ἠλιακῶν Β, chapter 17)

ταῦτα μὲν δὴ τὰ ἀξιολογώτατα ἀνδρὶ ποιουμένῳ τὴν ἔφοδον ἐν τῇ Ἄλτει κατὰ τὰ ἡμῖν εἰρημένα· εἰ δὲ ἀπὸ τοῦ Λεωνιδαίου πρὸσ τὸν βωμὸν τὸν μέγαν ἀφικέσθαι τῇ δεξιᾷ θελήσειασ, τοσάδε ἔστι σοι τῶν ἀνηκόντων ἐσ μνήμην. Δημοκράτησ Τενέδιοσ καὶ Ἠλεῖοσ Κριάννιοσ, οὗτοσ μὲν ὅπλου λαβὼν νίκην, Δημοκράτησ δὲ ἀνδρῶν πάλησ· ἀνδριάντασ δὲ τοῦ μὲν Μιλήσιοσ Διονυσικλῆσ, τοῦ δὲ Κριαννίου Μακεδὼν Λῦσόσ ἐστιν ὁ ἐργασάμενοσ.

Κλαζομενίου δὲ Ἡροδότου καὶ Φιλίνου τοῦ Ἡγεπόλιδοσ Κῴου ἀνέθεσαν τὰσ εἰκόνασ αἱ πόλεισ, Κλαζομένιοι μὲν ὅτι ἐν Ὀλυμπίᾳ Κλαζομενίων πρῶτοσ ἀνηγορεύθη νικῶν Ἡρόδοτοσ, ἡ δέ οἱ νίκη σταδίου γέγονεν ἐν παισί, Φιλῖνον δὲ οἱ Κῷοι δόξησ ἕνεκα ἀνέθεσαν·

ἐν μέν γε Ὀλυμπίᾳ δρόμου γεγόνασιν αὐτῷ νῖκαι πέντε, τέσσαρεσ δὲ Πυθοῖ καὶ ἴσαι Νεμείων, ἐν δὲ Ἰσθμῷ μία ἐπὶ ταῖσ δέκα. Πτολεμαῖον δὲ τὸν Πτολεμαίου τοῦ Λάγου Ἀριστόλαοσ ἀνέθηκε Μακεδὼν ἀνήρ.

ἀνάκειται δὲ καὶ πύκτησ κρατήσασ ἐν παισὶ Βούτασ Πολυνείκουσ Μιλήσιοσ, καὶ Καλλικράτησ ἀπὸ τῆσ ἐπὶ Ληθαίῳ Μαγνησίασ ἐπὶ τῷ ὁπλίτῃ δρόμῳ στεφάνουσ δύο ἀνῃρημένοσ· Λυσίππου δὲ ἔργον ἡ τοῦ Καλλικράτουσ ἐστὶν εἰκών. Ἐνατίωνι δὲ καὶ Ἀλεξιβίῳ, τῷ μὲν ἐν παισὶ σταδίου, Ἀλεξιβίῳ δὲ πεντάθλου γέγονε νίκη, καὶ Ἡραία τε Ἀρκάδων ἐστὶν αὐτῷ πατρὶσ καὶ Ἀκέστωρ ὁ τὴν εἰκόνα εἰργασμένοσ·

Ἐνατίωνα δὲ ἧστινοσ ἦν οὐ δηλοῖ τὸ ἐπίγραμμα, ὅτι δὲ τοῦ Ἀρκάδων ἦν ἔθνουσ δηλοῖ. Κολοφώνιοι δὲ Ἑρμησιάναξ Ἀγονέου καὶ Εἰκάσιοσ Λυκίνου τε ὢν καὶ τῆσ Ἑρμησιάνακτοσ θυγατρὸσ κατεπάλαισαν μὲν παῖδασ ἀμφότεροι, Ἑρμησιάνακτι δὲ καὶ ἀπὸ τοῦ κοινοῦ τοῦ Κολοφωνίων ὑπῆρξεν ἀνατεθῆναι τὴν εἰκόνα. τούτων δέ εἰσιν Ἠλεῖοι πλησίον πυγμῇ παῖδασ κρατήσαντεσ, ὁ μὲν Σθέννιδοσ ἔργον τοῦ Ὀλυνθίου Χοιρίλοσ, Θεότιμοσ δὲ Δαιτώνδα Σικυωνίου·

παῖσ δὲ ὁ Θεότιμοσ ἦν Μοσχίωνοσ, Ἀλεξάνδρῳ τῷ Φιλίππου τῆσ ἐπὶ Δαρεῖον καὶ Πέρσασ στρατείασ μετασχόντοσ.

δύο δὲ αὖθισ ἐξ Ἤλιδοσ, Ἀρχίδαμοσ τεθρίππῳ νενικηκὼσ καὶ Ἐπέραστόσ ἐστιν ὁ Θεογόνου ὅπλου νίκην ἀνῃρημένοσ· εἶναι δὲ καὶ μάντισ ὁ Ἐπέραστοσ τοῦ Κλυτιδῶν γένουσ φησὶν ἐπὶ τοῦ ἐπιγράμματοσ τῇ τελευτῇ,τῶν δ’ ἱερογλώσσων Κλυτιδᾶν γένοσ εὔχομαι εἶναιμάντισ, ἀπ’ ἰσοθέων αἷμα Μελαμποδιδᾶν.

Μελάμποδοσ γὰρ ἦν τοῦ Ἀμυθάονοσ Μάντιοσ, τοῦ δὲ Οἰκλῆσ, Κλυτίοσ δὲ Ἀλκμαίωνοσ τοῦ Ἀμφιαράου τοῦ Οἰ̈κλέουσ· ἐγεγόνει δὲ τῷ Ἀλκμαίωνι ὁ Κλυτίοσ ἐκ τῆσ Φηγέωσ θυγατρὸσ καὶ ἐσ τὴν Ἦλιν μετῴκησε, τοῖσ ἀδελφοῖσ εἶναι τῆσ μητρὸσ σύνοικοσ φεύγων, ἅτε τοῦ Ἀλκμαίωνοσ ἐπιστάμενοσ σφᾶσ εἰργασμένουσ τὸν φόνον. ἀνδριάντασ δὲ ἀναμεμιγμένουσ οὐκ ἐπιφα<νέ>σιν ἄγαν ἀναθήμασιν Ἀλεξίνικόν τε Ἠλεῖον, τέχνην τοῦ Σικυωνίου Κανθάρου, πάλησ ἐν παισὶν ἀνῃρημένον νίκην, καὶ τὸν Λεοντῖνον Γοργίαν ἰδεῖν ἔστιν·

ἀναθεῖναι δὲ τὴν εἰκόνα ἐσ Ὀλυμπίαν φησὶν Εὔμολποσ ἀπόγονοσ τρίτοσ Δηικράτουσ συνοικήσαντοσ ἀδελφῇ τῇ Γοργίου. οὗτοσ ὁ Γοργίασ πατρὸσ μὲν ἦν Χαρμαντίδου, λέγεται δὲ ἀνασώσασθαι μελέτην λόγων πρῶτοσ ἠμελημένην τε ἐσ ἅπαν καὶ ἐσ λήθην ὀλίγου δεῖν ἥκουσαν ἀνθρώποισ·

εὐδοκιμῆσαι δὲ Γοργίαν λόγων ἕνεκα ἔν τε πανηγύρει τῇ Ὀλυμπικῇ φασι καὶ ἀφικόμενον κατὰ πρεσβείαν ὁμοῦ Τισίᾳ παρ’ Ἀθηναίουσ. καίτοι ἄλλα τε Τισίασ ἐσ λόγουσ ἐσηνέγκατο καὶ πιθανώτατα τῶν καθ’ αὑτὸν γυναικὶ Συρακουσίᾳ χρημάτων ἔγραψεν ἀμφισβήτησιν·

ἀλλά γε ἐκείνου τε ἐσ πλέον τιμῆσ ἀφίκετο ὁ Γοργίασ παρὰ Ἀθηναίοισ, καὶ Ιἄσων ἐν Θεσσαλίᾳ τυραννήσασ Πολυκράτουσ, οὐ τὰ ἔσχατα ἐνεγκαμένου διδασκαλείου τοῦ Ἀθήνῃσι, τούτου τοῦ ἀνδρὸσ ἐπίπροσθεν αὐτὸν ὁ Ιἄσων ἐποιήσατο.

βιῶναι δὲ ἔτη Γοργίαν πέντε φασὶν ἐπὶ τοῖσ ἑκατόν· Λεοντίνων <δὲ> ἐρημωθεῖσάν ποτε ὑπὸ Συρακουσίων τὴν πόλιν κατ’ ἐμὲ αὖθισ συνέβαινεν οἰκεῖσθαι.

일치하는 문장이 없습니다.

SEARCH

MENU NAVIGATION