Pausanias, Description of Greece, Ἠλιακῶν Β, chapter 24

(파우사니아스, Description of Greece, Ἠλιακῶν Β, chapter 24)

ἑτέρα δὲ ἔξοδοσ ἐκ τοῦ γυμνασίου φέρει μὲν ἔσ τε τὴν ἀγορὰν καὶ ἐπὶ τὸν Ἑλλανοδικαιῶνα καλούμενον, ἔστι δὲ ὑπὲρ τοῦ Ἀχιλλέωσ τὸν τάφον· καὶ ταύτῃ τοὺσ Ἑλλανοδίκασ ἰέναι καθέστηκεν ἐσ τὸ γυμνάσιον. ἐσίασι δὲ πρὶν μὲν ἥλιον ἀνίσχειν συμβαλοῦντεσ δρομέασ, μεσούσησ δὲ τῆσ ἡμέρασ ἐπὶ τὸ πένταθλον καὶ ὅσα βαρέα ἆθλα ὀνομάζουσιν. ἡ δὲ ἀγορὰ τοῖσ Ἠλείοισ οὐ κατὰ τὰσ Ιὤνων καὶ ὅσαι πρὸσ Ιὠνίᾳ πόλεισ εἰσὶν Ἑλλήνων, τρόπῳ δὲ πεποίηται τῷ ἀρχαιοτέρῳ στοαῖσ τε ἀπὸ ἀλλήλων διεστώσαισ καὶ ἀγυιαῖσ δι’ αὐτῶν.

ὄνομα δὲ τῇ ἀγορᾷ τὸ ἐφ’ ἡμῶν ἐστιν Ἱππόδρομοσ, καὶ οἱ ἐπιχώριοι τοὺσ ἵππουσ παιδεύουσιν ἐνταῦθα. τῶν στοῶν δὲ ἡ πρὸσ μεσημβρίαν ἐργασίασ ἐστὶ τῆσ Δωρίου, διαιροῦσι δὲ αὐτὴν ἐσ μοίρασ τρεῖσ οἱ κίονεσ·

ἐν ταύτῃ διημερεύουσι τὰ πολλὰ οἱ Ἑλλανοδίκαι. ποιοῦνται δὲ πρὸσ αὐτοῖσ καὶ βωμοὺσ τῷ Διί, καὶ εἰσὶν ἐν τῷ ὑπαίθρῳ τῆσ ἀγορᾶσ οἱ βωμοὶ πλῆθοσ οὐ πολλοί·

καταλύονται γὰρ οὐ χαλεπῶσ ἅτε αὐτοσχεδίωσ οἰκοδομούμενοι. κατὰ ταύτην τὴν στοὰν ἰόντι ἐσ τὴν ἀγορὰν ἔστιν ἐν ἀριστερᾷ παρὰ τὸ πέρασ τῆσ στοᾶσ ὁ Ἑλλανοδικαιών· ἀγυιὰ δὲ ἡ διείργουσα ἀπὸ τῆσ ἀγορᾶσ ἐστιν αὐτόν. ἐν τούτῳ τῷ Ἑλλανοδικαιῶνι οἰκοῦσι δέκα ἐφεξῆσ μῆνασ οἱ αἱρεθέντεσ ἑλλανοδικεῖν καὶ ὑπὸ τῶν νομοφυλάκων ὅσα ἐσ τὸν ἀγῶνα σφᾶσ <δεῖ ποιεῖν> διδάσκονται. τῇ στοᾷ δὲ ἔνθα οἱ Ἑλλανοδίκαι διημερεύουσιν ἔστιν ἐγγὺσ ἄλλη στοά·

τὸ μεταξὺ αὐτῶν ἀγυιὰ μία. ταύτην ὀνομάζουσι Κορκυραϊκὴν οἱ Ἠλεῖοι· ναυσὶ γὰρ ἐσ τὴν σφετέραν Κορκυραίουσ ἐλθόντασ ἐλάσαι μοῖραν τῆσ λείασ λέγοντεσ λαβεῖν τε ἐκ τῆσ Κορκυραίων πολλαπλάσια καὶ οἰκοδομήσασθαι τὴν στοὰν ἀπὸ τῶν λαφύρων τῆσ δεκάτησ. ἔστι δὲ ἡ κατασκευὴ τῆσ στοᾶσ Δώριοσ καὶ διπλῆ, τῇ μὲν ἐσ τὴν ἀγορὰν τοὺσ κίονασ, τῇ δὲ ἐσ τὰ ἐπέκεινα τῆσ ἀγορᾶσ ἔχουσα·

κατὰ μέσον δὲ αὐτῆσ οὐ κίονεσ, ἀλλὰ τοῖχοσ ὁ ταύτῃ τὸν ὄροφον ἀνέχων ἐστίν, ἀνάκεινται δὲ καὶ εἰκόνεσ ἑκατέρωθεν πρὸσ τῷ τοίχῳ. κατὰ δὲ τῆσ στοᾶσ τὸ ἐσ τὴν ἀγορὰν ἕστηκε Πύρρωνοσ τοῦ Πιστοκράτουσ εἰκών, σοφιστοῦ τε ἀνδρὸσ καὶ ἐσ βέβαιον ὁμολογίαν ἐπὶ οὐδενὶ λόγῳ καταστάντοσ. ἔστι δὲ καὶ μνῆμα τῷ Πύρρωνι οὐ πόρρω τοῦ Ἠλείων ἄστεωσ·

Πέτρα μὲν τῷ χωρίῳ τὸ ὄνομα, λέγεται <δὲ> ὡσ ἡ Πέτρα δῆμοσ εἰή τὸ ἀρχαῖον. Ἠλείοισ δὲ ἐν τῷ ὑπαίθρῳ τῆσ ἀγορᾶσ τὰ ἐπιφανέστατα ναόσ ἐστι καὶ ἄγαλμα Ἀπόλλωνοσ Ἀκεσίου·

σημαίνοι δ’ ἂν τὸ ὄνομα οὐδέν τι ἀλλοῖον ἢ ὁ καλούμενοσ Ἀλεξίκακοσ ὑπὸ Ἀθηναίων. ἑτέρωθι δὲ Ἡλίῳ πεποίηται καὶ Σελήνῃ λίθου τὰ ἀγάλματα, καὶ τῆσ μὲν κέρατα ἐκ τῆσ κεφαλῆσ, τοῦ δὲ αἱ ἀκτῖνεσ ἀνέχουσιν. ἔστι δὲ καὶ Χάρισιν ἱερὸν καὶ ξόανα ἐπίχρυσα τὰ ἐσ ἐσθῆτα, πρόσωπα δὲ καὶ χεῖρεσ καὶ πόδεσ λίθου λευκοῦ· ἔχουσι δὲ ἡ μὲν αὐτῶν ῥόδον, ἀστράγαλον δὲ ἡ μέση, καὶ ἡ τρίτη κλῶνα οὐ μέγαν μυρσίνησ. ἔχειν δὲ αὐτὰσ ἐπὶ τοιῷδε εἰκάζοι τισ ἂν τὰ εἰρημένα, ῥόδον μὲν καὶ μυρσίνην Ἀφροδίτησ τε ἱερὰ εἶναι καὶ οἰκεῖα τῷ ἐσ Ἄδωνιν λόγῳ, Χάριτασ δὲ Ἀφροδίτῃ μάλιστα <φίλασ> εἶναι θεῶν·

ἀστράγαλον δὲ μειρακίων τε καὶ παρθένων, οἷσ ἄχαρι οὐδέν πω πρόσεστιν ἐκ γήρωσ, τούτων εἶναι τὸν ἀστράγαλον παίγνιον. τῶν Χαρίτων δὲ ἐν δεξιᾷ ἄγαλμά ἐστιν Ἔρωτοσ· ἕστηκε δὲ ἐπὶ βάθρου τοῦ αὐτοῦ. ἔστι δὲ καὶ Σιληνοῦ ναὸσ ἐνταῦθα, ἰδίᾳ τῷ Σιληνῷ καὶ οὐχ ὁμοῦ Διονύσῳ πεποιημένοσ·

Μέθη δὲ οἶνον ἐν ἐκπώματι αὐτῷ δίδωσι. θνητὸν δὲ εἶναι τὸ γένοσ τῶν Σιληνῶν εἰκάσαι τισ ἂν μάλιστα ἐπὶ τοῖσ τάφοισ αὐτῶν· ἐν γὰρ τῇ Ἑβραίων χώρᾳ Σιληνοῦ μνῆμα καὶ ἄλλου Σιληνοῦ Περγαμηνοῖσ ἐστιν. Ἠλείων δὲ ἐν τῇ ἀγορᾷ καὶ ἄλλο τοιόνδε εἶδον, ναοῦ σχῆμα·

ἔστι δὲ οὐχ ὑψηλόν, καὶ τοῖχοι μὲν οὐκ εἰσί, τὸν ὄροφον δὲ δρυὸσ ἀνέχουσιν εἰργασμένοι κίονεσ.

τοῦτο εἶναι μὲν ὁμολογοῦσιν οἱ ἐπιχώριοι μνῆμα, ὅτου δὲ οὐ μνημονεύουσιν· εἰ δὲ ὁ γέρων ὅντινα ἠρόμην εἶπεν ἀληθῆ λόγον, Ὀξύλου τοῦτο ἂν μνῆμα εἰή. πεποίηται δὲ ἐν τῇ ἀγορᾷ καὶ ταῖσ γυναιξὶν οἴκημα ταῖσ ἑκκαίδεκα καλουμέναισ, ἔνθα τὸν πέπλον ὑφαίνουσι τῇ Ἥρᾳ.

ἔχεται δὲ τῆσ ἀγορᾶσ ναὸσ ἀρχαῖοσ στοαῖσ ἐν κύκλῳ περίστυλοσ, ὁ δὲ ὄροφοσ κατερρύηκε τῷ ναῷ καὶ ἄγαλμα οὐδὲν ἐλείπετο·

βασιλεῦσι δὲ ἀνεῖται Ῥωμαίοισ.

일치하는 문장이 없습니다.

SEARCH

MENU NAVIGATION