헬라어 문장 검색 - Παυσαν́Δεσξριπ́6́05́

(파우사니아스, Description of Greece, Ἠλιακῶν Β, chapter 5)

ὁ δὲ ἐπὶ τῷ βάθρῳ τῷ ὑψηλᾷ Λυσίππου μέν ἐστιν ἔργον, μέγιστοσ δὲ ἁπάντων ἐγένετο ἀνθρώπων πλὴν τῶν ἡρώων καλουμένων καὶ εἰ δή τι ἄλλο ἦν πρὸ τῶν ἡρώων θνητὸν γένοσ· ἀνθρώπων δὲ τῶν καθ’ ἡμᾶσ οὗτόσ ἐστιν ὁ μέγιστοσ Πουλυδάμασ Νικίου.

Σκοτοῦσσα δὲ ἡ τοῦ Πουλυδάμαντασ πατρὶσ οὐκ ᾠκεῖτο ἔτι ἐφ’ ἡμῶν·

Ἀλέξανδροσ γὰρ τὴν πόλιν ὁ Φεραίων τυραννήσασ κατέλαβεν ἐν σπονδαῖσ, καὶ Σκοτουσσαίων τούσ τε ἐσ τὸ θέατρον συνειλεγμένουσ ‐ ἔτυχε γάρ σφισι καὶ ἐκκλησία τηνικαῦτα οὖσα ‐ τούτουσ τε ἅπαντασ κατηκόντισε, πελτασταῖσ ἐν κύκλῳ περισχὼν καὶ τοξόταισ, καὶ τὸ ἄλλο ὅσον ἐν ἡλικίᾳ κατεφόνευσε, γυναῖκασ δὲ ἀπέδοτο καὶ παῖδασ, μισθὸν εἶναι τὰ χρήματα τοῖσ ξένοισ. αὕτη Σκοτουσσαίοισ ἡ συμφορὰ Φρασικλείδου μὲν Ἀθήνῃσιν ἐγένετο ἄρχοντοσ, δευτέρᾳ δὲ Ὀλυμπιάδι ἐπὶ ταῖσ ἑκατόν, ἣν Δάμων Θούριοσ ἐνίκα τὸ δεύτερον, ταύτησ ἔτει δευτέρῳ τῆσ Ὀλυμπιάδοσ.

καὶ ὀλίγον τε ἔμενε τὸ διαφυγὸν τῶν Σκοτουσσαίων καὶ αὖθισ ὑπὸ ἀσθενείασ ἐξέλιπον καὶ οὗτοι τὴν πόλιν, ὅτε καὶ τοῖσ πᾶσιν Ἕλλησι προσπταῖσαι δεύτερα ἐν τῷ πρὸσ Μακεδόνασ πολέμῳ παρεσκεύασεν ὁ δαίμων. παγκρατίου μὲν δὴ καὶ ἄλλοισ ἤδη γεγόνασιν ἐπιφανεῖσ νῖκαι·

Πουλυδάμαντι δὲ τάδε ἀλλοῖα παρὰ τοὺσ ἐπὶ τῷ παγκρατίῳ στεφάνουσ ὑπάρχοντά ἐστιν. ἡ ὀρεινὴ τῆσ Θρᾴκησ, ἡ ἔνδον Νέστου ποταμοῦ τοῦ ῥέοντοσ διὰ τῆσ Ἀβδηριτῶν, καὶ ἄλλα θηρία, ἐν δὲ αὐτοῖσ παρέχεται καὶ λέοντασ, οἳ καὶ τῷ στρατῷ ποτε ἐπιθέμενοι τῷ Ξέρξου τὰσ ἀγούσασ καμήλουσ τὰ σιτία ἐλυμήναντο. οὗτοι πολλάκισ οἱ λέοντεσ καὶ ἐσ τὴν περὶ τὸν Ὄλυμπον πλανῶνται χώραν·

τούτου δὲ τοῦ ὄρουσ ἡ μὲν ἐσ Μακεδονίαν πλευρά, ἡ δὲ ἐπὶ Θεσσαλοὺσ καὶ τὸν ποταμὸν τέτραπται τὸν Πηνειόν·

ἐνταῦθα ὁ Πουλυδάμασ λέοντα ἐν τῷ Ὀλύμπῳ, μέγα καὶ ἄλκιμον θηρίον, κατειργάσατο οὐδενὶ ἐσκευασμένοσ ὅπλῳ. προήχθη δὲ ἐσ τὸ τόλμημα φιλοτιμίᾳ πρὸσ τὰ Ἡρακλέουσ ἔργα, ὅτι καὶ Ἡρακλέα ἔχει λόγοσ κρατῆσαι τοῦ ἐν Νεμέᾳ λέοντοσ. ἕτερον δὲ ἐπὶ τούτῳ θαῦμα ὑπελίπετο ὁ Πουλυδάμασ ἐσ μνήμην·

ἐσ ἀγέλην ἐσελθὼν βοῶν τὸν μέγιστον καὶ ἀγριώτατον ταῦρον λαβὼν τοῦ ἑτέρου τῶν ὄπισθεν ποδῶν τὰσ χηλὰσ κατεῖχεν ἄκρασ, καὶ πηδῶντα καὶ ἐπειγόμενον οὐκ ἀνίει, πρίν γε δὴ ὁ ταῦροσ ὀψέ ποτε καὶ ἐσ ἅπαν ἀφικόμενοσ βίασ ἀπέφυγεν ἀφεὶσ ταύτῃ τῷ Πουλυδάμαντι τὰσ χηλάσ. λέγεται δὲ καὶ ὡσ ἄνδρα ἡνίοχον ἐλαύνοντα σπουδῇ τὸ ἁρ́μα ἐπέσχε τοῦ πρόσω· λαβόμενοσ γὰρ τῇ ἑτέρᾳ τῶν χειρῶν ὄπισθε τοῦ ἁρ́ματοσ, ὁμοῦ καὶ τοὺσ ἵππουσ πεδήσασ καὶ τὸν ἡνίοχον εἶχε. Δαρεῖοσ δὲ Ἀρταξέρξου παῖσ νόθοσ, ὃσ ὁμοῦ τῷ Περσῶν καὶ δήμῳ Σόγδιον καταπαύσασ παῖδα Ἀρταξέρξου γνήσιον ἔσχεν ἀντ’ ἐκείνου τὴν ἀρχήν, οὗτοσ ὡσ ἐβασίλευσεν ὁ Δαρεῖοσ ‐ ἐπυνθάνετο γὰρ τοῦ Πουλυδάμαντοσ τὰ ἔργα ‐ , πέμπων ἀγγέλουσ ὑπισχνούμενοσ δῶρα ἀνέπεισεν αὐτὸν ἐσ Σοῦσά τε καὶ ἐσ ὄψιν ἀφικέσθαι τὴν αὑτοῦ.

ἔνθα δὴ κατὰ πρόκλησιν Περσῶν ἄνδρασ τῶν καλουμένων ἀθανάτων ἀριθμὸν τρεῖσ ἀθρόουσ οἱ μονομαχήσαντασ ἀπέκτεινεν. ἐστιν ὑπὸ τοῦ ἐπιγράμματοσ.

ἔμελλε δὲ ἄρα τὸ ὑπὸ Ὁμήρου προθεσπισθὲν ἄλλουσ τε τῶν φρονησάντων ἐπὶ ἰσχύι καὶ Πουλυδάμαντα ἐπιλήψεσθαι, καὶ ὑπὸ τῆσ αὑτοῦ ῥώμησ ἔμελλεν ἀπολεῖσθαι καὶ οὗτοσ.

ἐσ σπήλαιον γὰρ οἵ τε ἄλλοι τῶν συμποτῶν καὶ ὁ Πουλυδάμασ ἐσῆλθεν ὡρ́ᾳ θέρουσ, καί πωσ οὐ κατά τινα ἀγαθὸν δαίμονα ἡ κορυφὴ τηνικαῦτα τοῦ σπηλαίου κατερρήγνυτο, καὶ δῆλα ἦν ὡσ αὐτίκα ἐμπεσεῖσθαι καὶ χρόνον οὐκ ἐπὶ πολὺν ἔμελλεν ἀνθέξειν· γενομένησ δὲ αἰσθήσεωσ τοῦ ἐπιόντοσ κακοῦ καὶ τρεπομένων ἐσ φυγὴν τῶν λοιπῶν παρέστη καταμεῖναι τῷ Πουλυδάμαντι, καὶ ἀνέσχε τὰσ χεῖρασ ὡσ ἐπιπίπτοντι ἀνθέξων τῷ σπηλαίῳ καὶ οὐ βιασθησόμενοσ ὑπὸ τοῦ ὄρουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 5

(파우사니아스, Description of Greece, Ἠλιακῶν Β, chapter 5)

상위

목록

SEARCH

MENU NAVIGATION