헬라어 문장 검색 - Παυσαν́Δεσξριπ́6́19́

(파우사니아스, Description of Greece, Ἠλιακῶν Β, chapter 19)

ἔστι δὲ λίθου πωρίνου κρηπὶσ ἐν τῇ Ἄλτει πρὸσ ἄρκτον τοῦ Ἡραίου, κατὰ νώτου δὲ αὐτῆσ παρήκει τὸ Κρόνιον· ἐπὶ ταύτησ τῆσ κρηπῖδόσ εἰσιν οἱ θησαυροί, καθὰ δὴ καὶ ἐν Δελφοῖσ Ἑλλήνων τινὲσ ἐποίησαν τῷ Ἀπόλλωνι θησαυρούσ. ἔστι δὲ θησαυρὸσ ἐν Ὀλυμπίᾳ Σικυωνίων καλούμενοσ, Μύρωνοσ δὲ ἀνάθημα τυραννήσαντοσ Σικυωνίων· τοῦτον ᾠκοδόμησεν ὁ Μύρων νικήσασ ἁρ́ματι τὴν τρίτην καὶ τριακοστὴν Ὀλυμπιάδα.

ἐν δὲ τῷ θησαυρῷ καὶ θαλάμουσ δύο ἐποίησε, τὸν μὲν Δώριον, τὸν δὲ ἐργασίασ τῆσ Ιὤνων. χαλκοῦ μὲν δὴ αὐτοὺσ ἑώρων εἰργασμένουσ· χαλκὸσ λόγῳ τῷ Ἠλείων ἐστίν, οὐκ οἶδα.

Ταρτήσσιον δὲ εἶναι ποταμὸν ἐν χώρᾳ τῇ Ἰβήρων λέγουσι στόμασιν ἐσ θάλασσαν κατερχόμενον δυσὶ καὶ ὁμώνυμον αὐτῷ πόλιν ἐν μέσῳ τοῦ ποταμοῦ τῶν ἐκβολῶν κειμένην·

τὸν δὲ ποταμὸν μέγιστόν τε ὄντα τῶν ἐν Ἰβηρίᾳ καὶ ἄμπωτιν παρεχόμενον Βαῖτιν ὠνόμασαν οἱ ὕστερον, εἰσὶ δ’ οἳ Καρπίαν Ἰβήρων πόλιν καλεῖσθαι νομίζουσι τὰ ἀρχαιότερα Ταρτησσόν. ἐν Ὀλυμπίᾳ δὲ ἐπιγράμματα ἐπὶ τῷ ἐλάσσονί ἐστι τῶν θαλάμων, ἐσ μὲν τοῦ χαλκοῦ τὸν σταθμόν, ὅτι πεντακόσια εἰή τάλαντα, ἐσ δὲ τοὺσ ἀναθέντασ, Μύρωνα εἶναι καὶ τὸν Σικυωνίων δῆμον.

ἐν τούτῳ τῷ θησαυρῷ δίσκοι τὸν ἀριθμὸν ἀνάκεινται τρεῖσ, ὅσουσ ἐσ τοῦ πεντάθλου τὸ ἀγώνισμα ἐσκομίζουσι· καὶ ἀσπίσ ἐστιν ἐπίχαλκοσ γραφῇ τὰ ἐντὸσ πεποικιλμένη καὶ κράνοσ τε καὶ κνημῖδεσ ὁμοῦ τῇ ἀσπίδι· ἐπίγραμμα δὲ ἐπὶ τοῖσ ὅπλοισ, ἀκροθίνιον τῷ Διὶ ὑπὸ Μυάνων <ἀνα>τεθῆναι. οἵτινεσ δὲ οὗτοι ἦσαν, οὐ κατὰ τὰ αὐτὰ παρίστατο ἅπασιν εἰκάζειν· ἐμὲ δὲ ἐσῆλθεν ἀνάμνησισ ὡσ Θουκυδίδησ ποιήσειεν ἐν τοῖσ λόγοισ Λοκρῶν τῶν πρὸσ τῇ Φωκίδι καὶ ἄλλασ πόλεισ, ἐν δὲ αὐταῖσ εἶναι καὶ Μυονέασ.

οἱ Μυᾶνεσ οὖν οἱ ἐπὶ τῇ ἀσπίδι κατά γε ἡμετέραν γνώμην ἄνθρωποι μέν εἰσιν οἱ αὐτοὶ <καὶ> Μυονεῖσ οἱ ἐν τῇ Λοκρίδι ἠπείρῳ· τὰ δὲ ἐπὶ τῇ ἀσπίδι γράμματα παρῆκται μὲν ἐπὶ βραχύ, πέπονθε δὲ αὐτὸ διὰ τοῦ ἀναθήματοσ τὸ ἀρχαῖον. κεῖνται δὲ καὶ ἄλλα ἐνταῦθα ἄξια ἐπιμνησθῆναι, μάχαιρα ἡ Πέλοποσ χρυσοῦ τὴν λαβὴν πεποιημένη, καὶ εἰργασμένον ἐλέφαντοσ κέρασ τὸ Ἀμαλθείασ, ἀνάθημα Μιλτιάδου τοῦ Κίμωνοσ, ὃσ <τὴν> ἀρχὴν ἔσχεν ἐν χερρονήσῳ τῇ Θρᾳκίᾳ πρῶτοσ τῆσ οἰκίασ ταύτησ·

καὶ ἐπίγραμμα ἐπὶ τῷ κέρατί ἐστιν ἀρχαίοισ Ἀττικοῖσ γράμμασι, Ζηνί μ’ ἄγαλμ’ ἀνέθηκαν Ὀλυμπίῳ ἐκ χερονήσουτεῖχοσ ἑλόντεσ Ἀράτου·

ἐπῆρχε δὲ Μιλτιάδησ σφίν. κεῖται δὲ καὶ ἄγαλμα πύξινον Ἀπόλλωνοσ ἐπιχρύσου τὴν κεφαλήν· ἀνατεθῆναι δὲ ὑπὸ Λοκρῶν φησι τῶν πρὸσ Ζεφυρίῳ τῇ ἄκρᾳ, Πατροκλέα δὲ εἶναι Κατίλλου Κροτωνιάτην τὸν εἰργασμένον. ἐφεξῆσ δὲ τῷ Σικυωνίων ἐστὶν ὁ Καρχηδονίων θησαυρόσ, Ποθαίου τέχνη καὶ Ἀντιφίλου τε καὶ Μεγακλέουσ·

ἀναθήματα δὲ ἐν αὐτῷ Ζεὺσ μεγέθει μέγασ καὶ θώρακεσ λινοῖ τρεῖσ ἀριθμόν, Γέλωνοσ δὲ ἀνάθημα καὶ Συρακοσίων Φοίνικασ ἤτοι τριήρεσιν ἢ καὶ πεζῇ μάχῃ κρατησάντων. ὁ δὲ τρίτοσ τῶν θησαυρῶν καὶ ὁ τέταρτοσ ἀνάθημά ἐστιν Ἐπιδαμνίων ἔχει μὲν πόλον ἀνεχόμενον ὑπὸ Ἄτλαντοσ, ἔχει δὲ Ἡρακλέα καὶ δένδρον τὸ παρὰ Ἑσπερίσι, τὴν μηλέαν, καὶ περιελειλιγμένον τῇ μηλέᾳ τὸν δράκοντα, κέδρου μὲν καὶ ταῦτα, Θεοκλέουσ δὲ ἔργα τοῦ Ἡγύλου·

ποιῆσαι δὲ αὐτὸν ὁμοῦ τῷ παιδί φησι τὰ ἐπὶ τοῦ πόλου γράμματα. αἱ δὲ Ἑσπερίδεσ ‐ μετεκινήθησαν γὰρ ὑπὸ Ἠλείων ‐ αὗται μὲν ἔτι καὶ ἐσ ἐμὲ ἦσαν ἐν τῷ Ἡραίῳ· τὸν δὲ θησαυρὸν τοῖσ Ἐπιδαμνίοισ Πύρροσ καὶ οἱ παῖδεσ Λακράτησ τε καὶ Ἕρμων ἐποίησαν. ᾠκοδόμησαν δὲ καὶ Συβαρῖται θησαυρὸν ἐχόμενον τοῦ Βυζαντίων·

ὁπόσοι δὲ περὶ Ἰταλίασ καὶ πόλεων ἐπολυπραγμόνησαν τῶν ἐν αὐτῇ, Λουπίασ φασὶ κειμένην Βρεντεσίου τε μεταξὺ καὶ Ὑδροῦντοσ μεταβεβληκέναι τὸ ὄνομα, Σύβαριν οὖσαν τὸ ἀρχαῖον· ὁ δὲ ὁρ́μοσ ταῖσ ναυσὶ χειροποίητοσ καὶ Ἀδριανοῦ βασιλέωσ ἐστὶν ἔργον. πρὸσ δὲ τῷ Συβαριτῶν Λιβύων ἐστὶ τῶν ἐν Κυρήνῃ θησαυρόσ·

κεῖνται δὲ βασιλεῖσ ἐν αὐτῷ Ῥωμαίων. Σικελιώτασ δὲ Σελινουντίουσ ἀνέστησαν μὲν Καρχηδόνιοι πολέμῳ· πρὶν δὲ ἢ τὴν συμφορὰν γενέσθαι σφίσι, θησαυρὸν τῷ ἐν Ὀλυμπίᾳ Διὶ ἐποίησαν. Διόνυσοσ δέ ἐστιν ἐνταῦθα πρόσωπον καὶ ἄκρουσ πόδασ καὶ τὰσ χεῖρασ ἐλέφαντοσ εἰργασμένοσ. ἐν δὲ τῷ Μεταποντίνων θησαυρῷ ‐ προσεχὴσ γὰρ τῷ Σελινουντίων ἐστὶν οὗτοσ ‐ ἐν τούτῳ πεποιημένοσ ἐστὶν Ἐνδυμίων·

πλὴν δὲ ἐσθῆτόσ ἐστι τὰ λοιπὰ καὶ τῷ Ἐνδυμίωνι ἐλέφαντοσ. Μεταποντίνουσ δὲ ἥτισ μὲν ἐπέλαβεν ἀπολέσθαι πρόφασισ, οὐκ οἶδα· ἐπ’ ἐμοῦ δὲ ὅτι μὴ θέατρον καὶ περίβολοι τείχουσ ἄλλο ἐλείπετο οὐδὲν Μεταποντίου. Μεγαρεῖσ δὲ οἱ πρὸσ τῇ Ἀττικῇ θησαυρόν τε ᾠκοδομήσαντο καὶ ἀναθήματα ἀνέθεσαν ἐσ τὸν θησαυρὸν κέδρου ζῴδια χρυσῷ διηνθισμένα, τὴν πρὸσ Ἀχελῷον Ἡρακλέουσ μάχην·

Ζεὺσ δὲ ἐνταῦθα καὶ ἡ Δηιάνειρα καὶ Ἀχελῷοσ καὶ Ἡρακλῆσ ἐστιν, Ἄρησ τε τῷ Ἀχελῴῳ βοηθῶν. εἱστήκει δὲ καὶ Ἀθηνᾶσ ἄγαλμα ἅτε οὖσα τῷ Ἡρακλεῖ σύμμαχοσ· αὕτη παρὰ τὰσ Ἑσπερίδασ ἀνάκειται νῦν τὰσ ἐν τῷ Ἡραίῳ. τοῦ θησαυροῦ δὲ ἐπείργασται τῷ ἀετῷ ὁ γιγάντων καὶ θεῶν πόλεμοσ·

ἀνάκειται δὲ καὶ ἀσπὶσ ὑπὲρ τοῦ ἀετοῦ, τοὺσ Μεγαρέασ ἀπὸ Κορινθίων ἀναθεῖναι τὸν θησαυρὸν λέγουσα.

ταύτην Μεγαρεῦσιν ἡγοῦμαι τὴν νίκην Ἀθήνῃσιν ἄρχοντοσ γενέσθαι Φόρβαντοσ, ἄρχοντοσ δὲ διὰ τοῦ αὑτοῦ βίου παντόσ· ἐνιαύσιαι γὰρ οὐκ ἦσάν πω τότε Ἀθηναίοισ αἱ ἀρχαί, οὐ μὴν οὐδὲ ὑπὸ Ἠλείων ἀνεγράφοντό πω τηνικαῦτα αἱ Ὀλυμπιάδεσ. λέγονται δὲ καὶ Ἀργεῖοι μετασχεῖν πρὸσ τοὺσ Κορινθίουσ Μεγαρεῦσι τοῦ ἔργου.

τὸν δὲ ἐν Ὀλυμπίᾳ θησαυρὸν ἔτεσιν ὕστερον τῆσ μάχησ ἐποίησαν οἱ Μεγαρεῖσ· τὰ δὲ ἀναθήματα ἐκ παλαιοῦ σφᾶσ ἔχειν εἰκόσ, ἅ γε ὁ Λακεδαιμόνιοσ Δόντασ Διποίνου καὶ Σκύλλιδοσ μαθητὴσ ἐποίησε. τελευταῖοσ δὲ τῶν θησαυρῶν πρὸσ αὐτῷ μέν ἐστιν ἤδη τῷ σταδίῳ, Γελῴων δὲ ἀνάθημα τόν τε θησαυρὸν καὶ τὰ ἀγάλματα εἶναι τὰ ἐν αὐτῷ λέγει τὸ ἐπίγραμμα·

οὐ μέντοι ἀνακείμενά γε ἔτι ἀγάλματά ἐστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 19

(파우사니아스, Description of Greece, Ἠλιακῶν Β, chapter 19)

상위

목록

SEARCH

MENU NAVIGATION