헬라어 문장 검색 - Παυσαν́Δεσξριπ́6́11́

(파우사니아스, Description of Greece, Ἠλιακῶν Β, chapter 11)

ἐφεξῆσ τούτων ἀναθήματά ἐστιν Ἠλείων, Φίλιπποσ ὁ Ἀμύντου καὶ Ἀλέξανδροσ ὁ Φιλίππου καὶ Σέλευκόσ τε καὶ Ἀντίγονοσ· τοῖσ μὲν δὴ ἐφ’ ἵππων, Ἀντιγόνῳ δὲ ἀνὴρ πεζόσ ἐστιν ἡ εἰκών. τῶν δὲ βασιλέων τῶν εἰρημένων ἕστηκεν οὐ πόρρω Θεαγένησ ὁ Τιμοσθένουσ Θάσιοσ·

Θάσιοι δὲ οὐ Τιμοσθένουσ παῖδα εἶναι Θεαγένην φασίν, ἀλλὰ ἱερᾶσθαι μὲν Ἡρακλεῖ τὸν Τιμοσθένην Θασίῳ, τοῦ Θεαγένουσ δὲ τῇ μητρὶ Ἡρακλέουσ συγγενέσθαι φάσμα ἐοικὸσ Τιμοσθένει. ἔνατόν τε δὴ ἔτοσ εἶναι τῷ παιδὶ καὶ αὐτὸν ἀπὸ τῶν διδασκάλων φασὶν ἐσ τὴν οἰκίαν ἐρχόμενον ἄγαλμα ὅτου δὴ θεῶν ἀνακείμενον ἐν τῇ ἀγορᾷ χαλκοῦν ‐ χαίρειν γὰρ τῷ ἀγάλματι αὐτόν ‐ , ἀνασπάσαι τε δὴ τὸ ἄγαλμα καὶ ἐπὶ τὸν ἕτερον τῶν ὤμων ἀναθέμενον ἐνεγκεῖν παρ’ αὑτόν. ἐχόντων δὲ ὀργὴν ἐσ αὐτὸν ἐπὶ τῷ πεποιημένῳ τῶν πολιτῶν, ἀνήρ τισ αὐτῶν δόκιμοσ καὶ ἡλικίᾳ προήκων ἀποκτεῖναι μὲν σφᾶσ τὸν παῖδα οὐκ ἐᾷ, ἐκεῖνον δὲ ἐκέλευσεν ἐκ τῆσ οἰκίασ αὖθισ κομίσαι τὸ ἄγαλμα ἐσ τὴν ἀγοράν·

ὡσ δὲ ἤνεγκε, μέγα αὐτίκα ἦν κλέοσ τοῦ παιδὸσ ἐπὶ ἰσχύι, καὶ τὸ ἔργον ἀνὰ πᾶσαν ἐβεβόητο τὴν Ἑλλάδα. ὅσα μὲν δὴ ἔργων τῶν Θεαγένουσ ἐσ τὸν ἀγῶνα ἥκει τὸν Ὀλυμπικόν, προεδήλωσεν ὁ λόγοσ ἤδη μοι τὰ δοκιμώτατα ἐξ αὐτῶν, Εὔθυμόν τε ὡσ κατεμαχέσατο τὸν πύκτην καὶ ὡσ ὑπὸ Ἠλείων ἐπεβλήθη τῷ Θεαγένει ζημία.

τότε μὲν δὴ τοῦ παγκρατίου τὴν νίκην ἀνὴρ ἐκ Μαντινείασ Δρομεὺσ ὄνομα πρῶτοσ ὧν ἴσμεν ἀκονιτὶ λέγεται λαβεῖν· τὴν δὲ Ὀλυμπιάδα τὴν ἐπὶ ταύτῃ παγκρατιάζων ὁ Θεαγένησ ἐκράτει.

γεγόνασι δὲ αὐτῷ καὶ Πυθοῖ νῖκαι τρεῖσ, αὗται μὲν ἐπὶ πυγμῇ, Νεμείων δὲ ἐννέα καὶ Ἰσθμίων δέκα παγκρατίου τε ἀναμὶξ καὶ πυγμῆσ.

ἐν Φθίᾳ δὲ τῇ Θεσσαλῶν πυγμῆσ μὲν ἢ παγκρατίου παρῆκε τὴν σπουδήν, ἐφρόντιζε δὲ ὅπωσ καὶ ἐπὶ δρόμῳ ἐμφανὴσ ἐν Ἕλλησιν εἰή, καὶ τοὺσ ἐσελθόντασ ἐσ τὸν δόλιχον ἐκράτησεν· ἦν δέ οἱ πρὸσ Ἀχιλλέα ἐμοὶ δοκεῖν τὸ φιλοτίμημα, ἐν πατρίδι τοῦ ὠκίστου τῶν καλουμένων ἡρώων ἀνελέσθαι δρόμου νίκην. τοὺσ δὲ σύμπαντασ στεφάνουσ τετρακοσίουσ τε ἔσχε καὶ χιλίουσ. ὡσ δὲ ἀπῆλθεν ἐξ ἀνθρώπων, ἀνὴρ τῶν τισ ἀπηχθημένων ζῶντι αὐτῷ παρεγίνετο ἀνὰ πᾶσαν νύκτα ἐπὶ τοῦ Θεαγένουσ τὴν εἰκόνα καὶ ἐμαστίγου τὸν χαλκὸν ἅτε αὐτῷ Θεαγένει λυμαινόμενοσ·

καὶ τὸν μὲν ὁ ἀνδριὰσ ἐμπεσὼν ὕβρεωσ παύει, τοῦ ἀνθρώπου δὲ τοῦ ἀποθανόντοσ οἱ παῖδεσ τῇ εἰκόνι ἐπεξῄεσαν φόνου. καὶ οἱ Θάσιοι καταποντοῦσι τὴν εἰκόνα ἐπακολουθήσαντεσ γνώμῃ τῇ Δράκοντοσ, ὃσ Ἀθηναίοισ θεσμοὺσ γράψασ φονικοὺσ ὑπερώρισε καὶ τὰ ἄψυχα, εἴγε ἐμπεσόν τι ἐξ αὐτῶν ἀποκτείνειεν ἄνθρωπον. ἀνὰ χρόνον δέ, ὡσ τοῖσ Θασίοισ οὐδένα ἀπεδίδου καρπὸν ἡ γῆ, θεωροὺσ ἀποστέλλουσιν ἐσ Δελφούσ, καὶ αὐτοῖσ ἔχρησεν ὁ θεὸσ καταδέχεσθαι τοὺσ δεδιωγμένουσ.

καὶ οἱ μὲν ἐπὶ τῷ λόγῳ τούτῳ καταδεχθέντεσ οὐδὲν τῆσ ἀκαρπίασ παρείχοντο ἰάμα·

δεύτερα οὖν ἐπὶ τὴν Πυθίαν ἔρχονται, λέγοντεσ ὡσ καὶ ποιήσασιν αὐτοῖσ τὰ χρησθέντα διαμένοι τὸ ἐκ τῶν θεῶν μήνιμα. ἐνταῦθα ἀπεκρίνατό σφισιν ἡ Πυθία·

Θεαγένην δ’ ἄμνηστον ἀφήκατε τὸν μέγαν ὑμέων. ἀπορούντων δὲ αὐτῶν ὁποίᾳ μηχανῇ τοῦ Θεαγένουσ τὴν εἰκόνα ἀνασώσωνται, φασὶν ἁλιέασ ἀναχθέντασ ἐσ τὸ πέλαγοσ ἐπὶ ἰχθύων θήραν περισχεῖν τῷ δικτύῳ τὴν εἰκόνα καὶ ἀνενεγκεῖν αὖθισ ἐσ τὴν γῆν· Θάσιοι δὲ ἀναθέντεσ, ἔνθα καὶ ἐξ ἀρχῆσ ἔκειτο, νομίζουσιν ἅτε θεῷ θύειν. πολλαχοῦ δὲ καὶ ἑτέρωθι ἔν τε Ἕλλησιν οἶδα καὶ παρὰ βαρβάροισ ἀγάλματα ἱδρυμένα Θεαγένουσ καὶ νοσήματά τε αὐτὸν ἰώμενον καὶ ἔχοντα παρὰ τῶν ἐπιχωρίων τιμάσ.

ὁ δὲ ἀνδριὰσ τοῦ Θεαγένουσ ἐστὶν ἐν τῇ Ἄλτει, τέχνη τοῦ Αἰγινήτου Γλαυκίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 11

(파우사니아스, Description of Greece, Ἠλιακῶν Β, chapter 11)

상위

목록

SEARCH

MENU NAVIGATION