헬라어 문장 검색 - Παυσαν́Δεσξριπ́6́13́

(파우사니아스, Description of Greece, Ἠλιακῶν Β, chapter 13)

Ἀστύλοσ δὲ Κροτωνιάτησ Πυθαγόρου μέν ἐστιν ἔργον, τρεῖσ δὲ ἐφεξῆσ Ὀλυμπίασι σταδίου τε καὶ διαύλου νίκασ ἔσχεν. ὅτι δὲ ἐν δύο ταῖσ ὑστέραισ ἐσ χάριν τὴν Ιἕρωνοσ τοῦ Δεινομένουσ ἀνηγόρευσεν αὑτὸν Συρακούσιον, τούτων ἕνεκα οἱ Κροτωνιᾶται τὴν οἰκίαν αὐτοῦ δεσμωτήριον εἷναι κατέγνωσαν καὶ τὴν εἰκόνα καθεῖλον παρὰ τῇ Ἥρᾳ τῇ Λακινίᾳ κειμένην. ἀνάκειται δὲ τῇ ἐν Ὀλυμπίᾳ καὶ στήλη λέγουσα τοῦ Λακεδαιμονίου Χιόνιδοσ τὰσ νίκασ.

εὐηθείασ μὲν δὴ μετέχουσι καὶ ὅσοι Χίονιν αὐτὸν ἀναθεῖναι τὴν στήλην, ἀλλ’ οὐ Λακεδαιμονίων ἥγηνται τὸ δημόσιον· ἔστω γὰρ δήπου, ὡσ ἐν τῇ στήλῃ, οὐκ εἶναί πω τοῦ ὅπλου τὸν δρόμον· πῶσ ἂν οὖν ἐπίσταιτο ὁ Χίονισ εἰ αὖθίσ ποτε προσνομοθετήσουσιν Ἠλεῖοι;

τούτων δὲ ἔτι ἐσ πλέον ἥκουσιν εὐηθείασ οἳ τὸν ἑστηκότα ἀνδριάντα παρὰ τῇ στήλῃ φασὶν εἰκόνα εἶναι Χιόνιδοσ, ἔργον ὄντα τοῦ Ἀθηναίου Μύρωνοσ. ἐοικότα δὲ Χιόνιδι τὰ ἐσ δόξαν καὶ ἀνὴρ Λύκιοσ παρέσχετο Ἑρμογένησ Ξάνθιοσ, ὃσ τὸν κότινον ἐν τρισὶν Ὀλυμπιάσιν ἀνείλετο ὀκτάκισ ἐπίκλησίν τε ἔσχεν Ἵπποσ ὑπὸ Ἑλλήνων·

ποιήσαιο δ’ ἂν καὶ Πολίτην ἐν μεγάλῳ θαύματι. ὁ Πολίτησ δ’ ἦν οὗτοσ ἐκ Κεράμου τῆσ ἐν τῇ Θρακίᾳ Καρίᾳ, ἀνέφηνε δὲ ἀρετὴν ποδῶν ἐν Ὀλυμπίᾳ πᾶσαν· ἀπὸ γὰρ τοῦ μηκίστου καὶ διαρκεστάτου δι’ ὀλιγίστου δὴ καιροῦ μεθηρμόσατο ἐπὶ <τὸ> βραχύτατον ὁμοῦ καὶ ὤκιστον, καὶ δολίχου τε ἐν ἡμέρᾳ τῇ αὐτῇ καὶ παραυτίκα σταδίου λαβὼν νίκην προσέθηκε δὲ διαύλου σφίσι τὴν τρίτην. Πολίτησ μὲν δὴ ἐπὶ τῆσ δευτέρασ καὶ τέσσαρασ, ὡσ <ἂν> ἕκαστοι συνταχθῶσιν ὑπὸ τοῦ κλήρου, καὶ οὐκ ἀθρόουσ ἀφιᾶσιν ἐσ τὸν δρόμον·

οἳ δ’ ἂν ἐν ἑκάστῃ τάξει κρατήσωσιν, ὑπὲρ αὐτῶν αὖθισ θέουσι τῶν ἄθλων· καὶ οὕτω σταδίου δύο ὁ στεφανούμενοσ ἀναιρήσεται νίκασ. τὰ μέντοι ἐπιφανέστατα ἐσ δρόμον Λεωνίδᾳ Ῥοδίῳ ἐστίν· ἐπὶ γὰρ τέσσαρασ Ὀλυμπιάδασ ἀκμάζων τε τῇ ὠκύτητι ἀντήρκεσε, καὶ γεγόνασιν αὐτῷ δρόμου νῖκαι δύο ἀριθμὸν καὶ δέκα. Χιόνιδοσ δὲ οὐ πόρρω τῆσ ἐν Ὀλυμπίᾳ στήλησ Σκαῖοσ ἕστηκεν ὁ Δούριοσ Σάμιοσ, κρατήσασ πυγμῇ παῖδασ·

τέχνη δὲ ἡ εἰκών ἐστι μὲν Ἱππίου τοῦ , τὸ δὲ ἐπίγραμμα δηλοῖ τὸ ἐπ’ αὐτῷ, νικῆσαι Σκαῖον ἡνίκα ὁ Σαμίων δῆμοσ ἔφευγεν ἐκ τῆσ νήσου, τὸν δὲ καιρὸν ἐπὶ τὰ οἰκεῖα τὸν δῆμον.

παρὰ δὲ τὸν τύραννον Δίαλλοσ ὁ Πόλλιδοσ ἀνάκειται, γένοσ μὲν Σμυρναῖοσ, Ιὤνων δὲ πρῶτοσ λαβεῖν ἐν Ὀλυμπίᾳ φησὶν οὗτοσ ὁ Δίαλλοσ παγκρατίου στέφανον ἐν παισίν.

Θερσίλοχον δὲ Κορκυραῖον καὶ Ἀριστίωνα Θεοφίλουσ Ἐπιδαύριον, τὸν μὲν ἀνδρῶν πυγμῆσ, Θερσίλοχον δὲ λαβόντα ἐν παισὶ στέφανον, Πολύκλειτοσ ἐποίησε σφᾶσ ὁ Ἀργεῖοσ. Βύκελοσ δέ, ὃσ Σικυωνίων πρῶτοσ πὺξ ἐκράτησεν ἐν παισίν, ἔστιν ἔργον Σικυωνίου Κανάχου παρὰ τῷ Ἀργείῳ Πολυκλείτῳ διδαχθέντοσ.

παρὰ δὲ τὸν Βύκελον ὁπλίτησ ἀνὴρ ἐπίκλησιν Λίβυσ Μνασέασ Κυρηναῖοσ ἕστηκε· Πυθαγόρασ δὲ ὁ Ῥηγῖνοσ ἐποίησε τὴν εἰκόνα. Κυζικηνῷ δὲ Ἀγεμάχῳ τῶν ἐκ τῆσ Ἀσιανῆσ ἠπείρου γενέσθαι ἐν Ἄργει τὸ ἐπίγραμμα τὸ ἐπ’ αὐτῷ μηνύει. Νάξου δὲ οἰκισθείσησ ποτὲ ἐν Σικελίᾳ ὑπὸ Χαλκιδέων τῶν ἐπὶ Εὐρίπῳ, τῆσ πόλεωσ μὲν οὐδὲ ἐρείπια ἐλείπετο ἐσ ἡμᾶσ ἔτι, ὄνομα δὲ καὶ ἐσ τοὺσ ἔπειτα εἶναι τῆσ Νάξου Τίσανδροσ ὁ Κλεοκρίτου μάλιστα αἰτίαν ἐχέτω·

τετράκισ γὰρ δὴ ἐν ἀνδράσι κατεμαχέσατο ὁ Τίσανδροσ πύκτασ ἐν Ὀλυμπίᾳ, τοσαῦται δὲ καὶ Πυθοῖ γεγόνασιν αὐτῷ νῖκαι, καὶ Κορινθίοισ δὲ οὐκ ἦν πω τηνικαῦτα οὐδὲ Ἀργείοισ ἐσ ἅπαντασ ὑπομνήματα τοὺσ Νέμεια <καὶ Ἴσθμια νικήσαν>τασ. ἡ δὲ ἵπποσ ἡ τοῦ Κορινθίου Φειδώλα ὄνομα μέν, ὡσ οἱ Κορίνθιοι μνημονεύουσιν, ἔχει Αὔρα, τὸν δὲ ἀναβάτην ἔτι ἀρχομένου τοῦ δρόμου συνέπεσεν ἀποβαλεῖν αὐτήν·

καὶ οὐδέν τι ἧσσον θέουσα ἐν κόσμῳ περί τε τὴν νύσσαν ἐπέστρεφε, καὶ ἐπεὶ τῆσ σάλπιγγοσ ἤκουσεν, ἐπετάχυνεν ἐσ πλέον τὸν δρόμον, φθάνει τε δὴ ἐπὶ τοὺσ Ἑλλανοδίκασ ἀφικομένη καὶ νικῶσα ἔγνω καὶ παύεται τοῦ δρόμου. Ἠλεῖοι δὲ ἀνηγόρευσαν ἐπὶ τῇ νίκῃ τὸν Φειδώλαν καὶ ἀναθεῖναί οἱ τὴν ἵππον ταύτην ἐφιᾶσιν. ἐγένετο δὲ καὶ τοῦ Φειδώλα τοῖσ παισὶν ἐπὶ κέλητι ἵππῳ νίκη, καὶ ὅ τε ἵπποσ ἐπὶ στήλῃ πεποιημένοσ καὶ ἐπίγραμμά ἐστιν ἐπ’ αὐτῷ·

ὠκυδρόμασ Λύκοσ Ἴσθμι’ ἅπαξ, δύο δ’ ἐνθάδε νίκαισΦειδώλα παίδων ἐστεφάνωσε δόμουσ. οὐ μὴν τῷ γε ἐπιγράμματι καὶ τὰ Ἠλείων ἐσ τοὺσ Ὀλυμπιονίκασ ὁμολογεῖ γράμματα· ὀγδόῃ γὰρ Ὀλυμπιάδι καὶ ἑξηκοστῇ καὶ οὐ πέρα ταύτησ ἐστὶν ἐν τοῖσ Ἠλείων γράμμασιν ἡ νίκη τῶν Φειδώλα παίδων· ταῦτα μὲν δὴ οὕτωσ ἔχοντα ἴστω τισ·

Ἠλείοισ δὲ ἀνδράσιν Ἀγαθίνῳ τε τῷ Θρασυβούλου καὶ Τηλεμάχῳ, Τηλεμάχῳ μὲν ἐπὶ ἵππων νίκῃ γέγονεν ἡ εἰκών, Ἀγαθῖνον δὲ ἀνέθεσαν Ἀχαιοὶ Πελληνεῖσ. ἀνέθηκε δὲ καὶ ὁ Ἀθηναίων δῆμοσ Ἀριστοφῶντα Λυσίνου, παγκρατιαστὰσ ἐν τῷ ἀγῶνι τῷ ἐν Ὀλυμπίᾳ κρατήσαντα ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 13

(파우사니아스, Description of Greece, Ἠλιακῶν Β, chapter 13)

상위

목록

SEARCH

MENU NAVIGATION