헬라어 문장 검색 - Παυσαν́Δεσξριπ́6́15́

(파우사니아스, Description of Greece, Ἠλιακῶν Β, chapter 15)

Ἀρχίππῳ δὲ Μιτυληναίῳ τοὺσ ἐσ τὴν πυγμὴν ἐσελθόντασ κρατήσαντι ἄνδρασ ἄλλο τοιόνδε προσποιοῦσιν οἱ Μιτυληναῖοι ἐσ δόξαν, ὡσ καὶ τὸν ἐν Ὀλυμπίᾳ καὶ Πυθοῖ καὶ Νεμέᾳ καὶ Ἰσθμῷ λάβοι στέφανον ἡλικίαν οὐ πρόσω γεγονὼσ ἐτῶν εἴκοσι. τὸν δὲ παῖδα σταδιοδρόμον Ξένωνα Καλλιτέλουσ ἐν Λεπρέου τοῦ ἐν τῇ Τριφυλίᾳ Πυριλάμπησ Μεσσήνιοσ, Κλεινόμαχον δὲ Ἠλεῖον ὅστισ ὁ ποιήσασ ἐστὶν οὐκ ἴσμεν· ἀνηγορεύθη δὲ ὁ Κλεινόμαχοσ ἐπὶ νίκῃ πεντάθλου. Παντάρκην δὲ Ἠλεῖον Ἀχαιῶν ἀνάθημα εἶναι τὸ ἐπίγραμμα τὸ ἐπ’ αὐτῷ φησιν·

εἰρήνην τε γὰρ Ἀχαιοῖσ ποιῆσαι καὶ Ἠλείοισ αὐτόν, καὶ ὅσοι παρ’ ἀμφοτέρων πολεμούντων ἑαλώκεσαν, ἄφεσιν καὶ τούτοισ γενέσθαι καὶ δι’ αὐτόν. οὗτοσ ἀνείλετο καὶ κέλητι ἵππῳ νίκην ὁ Παντάρκησ, καί οἱ καὶ τῆσ νίκησ ὑπόμνημά ἐστιν ἐν Ὀλυμπίᾳ. Ὀλίδαν δὲ ἀνέθηκεν Ἠλεῖον τὸ ἔθνοσ τὸ Αἰτωλῶν, Χαρῖνοσ δὲ Ἠλεῖοσ ἐπὶ διαύλου τε ἀνάκειται καὶ ὅπλου νίκῃ· παρὰ δὲ αὐτὸν Ἀγέλησ Χῖοσ κρατήσασ πυγμῇ παῖδασ, Θεομνήστου Σαρδιανοῦ τέχνη. Κλειτομάχου δὲ Θηβαίου τὴν μὲν εἰκόνα ἀνέθηκεν Ἑρμοκράτησ ὁ τοῦ <Κλει>τομάχου πατήρ, τὰ δὲ οἱ ἐσ δόξαν ἦν τοιάδε.

ἐν Ἰσθμῷ παλαιστὰσ κατεπάλαισεν ἄνδρασ καὶ ἐπὶ ἡμέρασ τῆσ αὐτῆσ τούσ τε <ἐσ> τὴν πυγμὴν καὶ τοὺσ ἐσ τὸ παγκράτιον ἐσελθόντασ ἐκράτει τῇ μάχῃ· αἱ δὲ Πυθοῖ νῖκαι παγκρατίου μέν εἰσιν αὐτῷ πᾶσαι, τρεῖσ δὲ ἀριθμόν·

ἐν δὲ Ὀλυμπίᾳ δεύτεροσ ὁ Κλειτόμαχοσ οὗτοσ μετὰ τὸν Θάσιον Θεαγένην ἐπὶ παγκρατίῳ τε ἀνηγορεύθη καὶ πυγμῇ. παγκρατίου μὲν οὖν μιᾷ πρὸσ <ταῖσ> τεσσαράκοντα καὶ ἑκατὸν Ὀλυμπιάσιν ἔφθανεν ἀνῃρημένοσ νίκην·

ἡ δὲ Ὀλυμπιὰσ ἡ ἐφεξῆσ εἶχε μὲν τὸν Κλειτόμαχον τοῦτον παγκρατίου καὶ πυγμῆσ ἀγωνιστήν, εἶχε δὲ καὶ Ἠλεῖον Κάπρον ἐπὶ ἡμέρασ τῆσ αὐτῆσ παλαῖσαί τε ὁμοῦ καὶ παγκρατιάσαι προθυμούμενον. γεγονυίασ δὲ ἤδη τῷ Κάπρῳ νίκησ ἐπὶ τῇ πάλῃ, ἀνεδίδασκεν ὁ Κλειτόμαχοσ τοὺσ Ἑλλανοδίκασ γενήσεσθαι σὺν τῷ δικαίῳ σφίσιν, εἰ τὸ παγκράτιον ἐσκαλέσαιντο πρὶν ἢ πυκτεύσαντα αὐτὸν λαβεῖν τραύματα·

λέγει τε δὴ εἰκότα καὶ οὕτωσ ἐσκληθέντοσ τοῦ παγκρατίου κρατηθεὶσ ὑπὸ τοῦ Κάπρου ὅμωσ ἐχρήσατο ἐσ τοὺσ πύκτασ θυμῷ τε ἐρρωμένῳ καὶ ἀκμῆτι τῷ σώματι. Ἐρυθραῖοι δὲ οἱ Ιὤνεσ Ἐπιθέρσην τὸν Μητροδώρου, δύο μὲν ἐν Ὀλυμπίᾳ πυγμῆσ, δὶσ δὲ Πυθοῖ νίκασ καὶ ἐν Νεμέᾳ τε καὶ ἐν Ἰσθμῷ λαβόντα, οὗτοι μὲν τὸν Ἐπιθέρσην τοῦτον, Συρακούσιοι δὲ δύο μὲν Ιἕρωνοσ εἰκόνασ τὸ δημόσιον, τρίτην δὲ ἀνέθεσαν οἱ τοῦ Ιἕρωνοσ παῖδεσ·

ἐδήλωσα δὲ ὀλίγῳ τι πρότερον ὡσ ὁμώνυμόσ τε τῷ Δεινομένουσ ὁ Ιἕρων οὗτοσ καὶ Συρακουσῶν εἰή κατὰ ταὐτὰ ἐκείνῳ τύραννοσ. ἀνέθεσαν δὲ καὶ Ἠλεῖον ἄνδρα Τιμόπτολιν Λάμπιδοσ Παλεῖσ, ἡ τετάρτη Κεφαλλήνων μοῖρα·

οὗτοι δὲ οἱ Παλεῖσ ἐκαλοῦντο Δουλιχιεῖσ τὰ ἀρχαιότερα. ἀνάκειται δὲ καὶ Ἀρχίδαμοσ ὁ Ἀγησιλάου καὶ ἀνὴρ ὅστισ δὴ θηρεύοντοσ παρεχόμενοσ σχῆμα. Δημήτριον δὲ τὸν ἐλάσαντα ἐπὶ Σέλευκον στρατιᾷ καὶ ἁλόντα ἐν τῇ μάχῃ καὶ τοῦ Δημητρίου τὸν παῖδα Ἀντίγονον ἀναθήματα ἴστω τισ Βυζαντίων ὄντασ. Σπαρτιάτῃ δὲ Εὐτελίδᾳ γεγόνασιν ἐν παισὶ νῖκαι δύο ἐπὶ τῆσ ὀγδόησ καὶ τριακοστῆσ Ὀλυμπιάδοσ πάλησ, ἡ δὲ ἑτέρα πεντάθλου·

πρῶτον γὰρ δὴ τότε οἱ παῖδεσ καὶ ὕστατον πενταθλήσοντεσ ἐσεκλήθησαν· ἔστι δὲ ἥ τε εἰκὼν ἀρχαία τοῦ Εὐτελίδα, καὶ τὰ ἐπὶ τῷ βάθρῳ γράμματα ἀμυδρὰ ὑπὸ τοῦ χρόνου. μετὰ δὲ τὸν Εὐτελίδαν Ἀρεύσ τε αὖθισ ὁ Λακεδαιμονίων βασιλεὺσ καὶ Ἠλεῖοσ παρ’ αὐτὸν ἀνάκειται Γόργοσ.

μόνῳ δὲ ἀνθρώπων ἄχρι ἐμοῦ τῷ Γόργῳ τέσσαρεσ μὲν <ἐν> Ὀλυμπίᾳ γεγόνασιν ἐπὶ πεντάθλῳ, διαύλου δὲ καὶ ὅπλου μία ἐφ’ ἑκατέρῳ νίκη. ὅτῳ δὲ παρεστήκασιν οἱ παῖδεσ, τοῦτον μὲν Πτολεμαῖον τὸν Λάγου φασὶν εἶναι·

παρὰ δὲ αὐτὸν ἀνδριάντεσ δύο ἀνδρόσ εἰσιν Ἠλείου Κάπρου τοῦ Πυθαγόρου, πάλησ τε εἰληφότοσ καὶ παγκρατίου στέφανον ἐπὶ ἡμέρασ τῆσ αὐτῆσ· πρώτῳ δὲ γεγόνασιν ἀνθρώπων αἱ δύο νῖκαι τῷ Κάπρῳ τούτῳ. τὸν μὲν δὴ ἐπὶ τοῦ παγκρατίου καταγωνισθέντα ὑπ’ αὐτοῦ δεδήλωκεν δὲ ὁ λόγοσ ἤδη μοι· Παιάνιον Ὀλυμπιάδα πάλῃ τὴν προτέραν ἀνῃρημένον καὶ Πύθια παίδων τε πυγμῇ καὶ αὖθισ ἐν ἀνδράσι πάλῃ τε καὶ πυγμῇ στεφανωθέντα ἐπὶ ἡμέρασ τῆσ αὐτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 15

(파우사니아스, Description of Greece, Ἠλιακῶν Β, chapter 15)

상위

목록

SEARCH

MENU NAVIGATION