헬라어 문장 검색 - Παυσαν́Δεσξριπ́6́08́

(파우사니아스, Description of Greece, Ἠλιακῶν Β, chapter 8)

Σωκράτουσ δὲ Πελληνέωσ δρόμου νίκην ἐν παισὶν εἰληφότοσ καὶ Ἠλείου Ἀμέρτου καταπαλαίσαντοσ ἐν Ὀλυμπίᾳ παῖδασ, καταπαλαίσαντοσ δὲ καὶ Πυθοῖ τοὺσ ἐλθόντασ τῶν ἀνδρῶν, τοῦ μὲν τὸν ποιήσαντα τὴν εἰκόνα οὐ λέγουσι, τὴν δὲ τοῦ Ἀμέρτου Φράδμων ἐποίησεν Ἀργεῖοσ. Εὐανορίδᾳ δὲ Ἠλείῳ πάλησ ἐν παισὶν ὑπῆρξεν ἔν τε Ὀλυμπίᾳ καὶ Νεμείων νίκη· γενόμενοσ δὲ Ἑλλανοδίκησ ἔγραψε καὶ οὗτοσ τὰ ὀνόματα ἐν Ὀλυμπίᾳ τῶν νενικηκότων. ἐσ δὲ πύκτην ἄνδρα, γένοσ μὲν Ἀρκάδα ἐκ Παρρασίων, Δάμαρχον δὲ ὄνομα, οὔ μοι πιστὰ ἦν πέρα γε τῆσ ἐν Ὀλυμπίᾳ νίκησ ὁπόσα ἄλλα ἀνδρῶν ἀλαζόνων ἐστὶν εἰρημένα, ὡσ ἐξ ἀνθρώπου μεταβάλοι τὸ εἶδοσ ἐσ λύκον ἐπὶ τῇ θυσίᾳ τοῦ Λυκαίου Διόσ, καὶ ὡσ ὕστερον τούτων ἔτει δεκάτῳ γένοιτο αὖθισ ἄνθρωποσ.

οὐ μὴν οὐδὲ ὑπὸ τῶν Ἀρκάδων λέγεσθαί μοι τοῦτο ἐφαίνετο ἐσ αὐτόν, ἐλέγετο γὰρ ἂν καὶ ὑπὸ τοῦ ἐπιγράμματοσ τοῦ ἐν Ὀλυμπίᾳ· ἔχει γὰρ δὴ οὕτωσ·

υἱὸσ Δινύτα Δάμαρχοσ τάνδ’ ἀνέθηκενεἰκόν’ ἀπ’ Ἀρκαδίασ Παρράσιοσ γενεάν. τοῦτο μὲν δὴ ἐσ τοσοῦτο πεποίηται· Εὐβώτασ δὲ ὁ Κυρηναῖοσ, ἅτε τὴν ἐσομένην οἱ δρόμου νίκην ἐν Ὀλυμπίᾳ παρὰ τοῦ μαντείου τοῦ ἐν Λιβύῃ προπεπυσμένοσ, τήν τε εἰκόνα ἐπεποίητο πρότερον καὶ ἐπὶ ἡμέρασ τῆσ αὐτῆσ ἀνηγορεύθη τε νικήσασ καὶ ἀνέθηκε τὴν εἰκόνα.

λέγεται δὲ καὶ ὡσ κρατήσειε καὶ ἁρ́ματι ἐπὶ Ὀλυμπιάδοσ ταύτησ ἣ λόγῳ τῷ Ἠλείων ἐστὶ κίβδηλοσ τῶν ἀγωνοθετησάντων Ἀρκάδων ἕνεκα. Κλεωναίῳ δὲ Τιμάνθει παγκρατίου λαβόντι ἐν ἀνδράσι στέφανον καὶ Τροιζηνίῳ Βαύκιδι παλαιστὰσ καταβαλόντι ἄνδρασ, τῷ μὲν τοῦ Ἀθηναίου Μύρωνοσ, Βαύκιδι δὲ Ναυκύδουσ ἐστὶν ὁ ἀνδριὰσ ἔργον.

τῷ δὲ Τιμάνθει τὸ τέλοσ τοῦ βίου συμβῆναί φασιν ἐπὶ αἰτίᾳ τοιᾷδε. πεπαῦσθαι μὲν ἀθλοῦντα, ἀποπειρᾶσθαι δὲ ὅμωσ αὐτὸν ἔτι τῆσ ἰσχύοσ, τόξον μέγα ἐπὶ ἑκάστησ τείνοντα τῆσ ἡμέρασ, ἀποδημῆσαί τε δὴ αὐτὸν καὶ ἐπὶ τῷ τόξῳ τηνικαῦτα ἐκλειφθῆναί οἱ τὴν μελέτην· ὡσ δὲ ἐπανήκων οὐχ οἱο͂́σ τε ἔτι τεῖναι τὸ τόξον ἐγίνετο, πῦρ ἀνακαύσασ ἀφίησι ζῶντα ἐσ τὴν πυρὰν αὑτόν. ὁπόσα δὲ ἤδη τοιαῦτα ἐγένετο ἐν ἀνθρώποισ ἢ καὶ ὕστερόν ποτε ἔσται, μανία μᾶλλον ἢ ἀνδρία νομίζοιτο ἂν κατά γε ἐμὴν γνώμην. μετὰ δὲ τὸν Βαύκιδά εἰσιν ἀθλητῶν Ἀρκάδων εἰκόνεσ, Εὐθυμένησ τε ἐξ αὐτῆσ Μαινάλου, νίκασ τὴν μὲν ἀνδρῶν πάλησ, τὴν δ’ ἔτι πρότερον ἐν παισὶν εἰληφώσ, καὶ Ἀζὰν ἐκ Πελλάνασ Φίλιπποσ κρατήσασ πυγμῇ παῖδασ, καὶ Κριτόδαμοσ ἐκ Κλείτοροσ, ἐπὶ πυγμῇ καὶ οὗτοσ ἀναγορευθεὶσ παίδων·

τὰσ δέ σφισιν εἰκόνασ, τὴν μὲν ἐν παισὶ τοῦ Εὐθυμένουσ Ἄλυποσ, τὴν δὲ τοῦ Δαμοκρίτου Κλέων, Φιλίππου δὲ τοῦ Ἀζᾶνοσ Μύρων τὴν εἰκόνα ἐποίησε.

τὰ δὲ ἐσ Πρόμαχον τὸν Δρύωνοσ παγκρατιαστὴν Πελληνέα προσέσται μοι καὶ ταῦτα τῷ ἐσ Ἀχαιοὺσ λόγῳ. Προμάχου δὲ οὐ πόρρω Τιμασίθεοσ ἀνάκειται γένοσ Δελφόσ, Ἀγελάδα μὲν ἔργον τοῦ Ἀργείου, παγκρατίου δὲ δύο μὲν ἐν Ὀλυμπίᾳ νίκασ, τρεῖσ δὲ ἀνῃρημένοσ Πυθοῖ.

καὶ αὐτῷ καὶ ἐν πολέμοισ ἐστὶν ἔργα τῇ τε τόλμῃ λαμπρὰ καὶ οὐκ ἀποδέοντα τῇ εὐτυχίᾳ, πλήν γε δὴ τοῦ τελευταίου· τοῦτο δὲ αὐτῷ θάνατον τὸ ἐγχείρημα ἤνεγκεν. Ἰσαγόρᾳ γὰρ τῷ Ἀθηναίῳ τὴν ἀκρόπολιν τὴν Ἀθηναίων καταλαβόντι ἐπὶ τυραννίδι μετασχὼν τοῦ ἔργου καὶ ὁ Τιμασίθεοσ ‐ ἐγένετο γὰρ τῶν ἐγκαταληφθέντων ἐν τῇ ἀκροπόλει ‐ θάνατον ζημίαν εὑρ́ετο εὑρ́ετο δὲ τοῦ ἀδικήματοσ παρὰ Ἀθηναίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 8

(파우사니아스, Description of Greece, Ἠλιακῶν Β, chapter 8)

상위

목록

SEARCH

MENU NAVIGATION