헬라어 문장 검색 - Διοδορ́Λιβραρψ́5́19́

(디오도로스 시켈로스, Library, book xii, chapter 29)

ἐπ’ ἄρχοντοσ δ’ Ἀθήνησι Μυριχίδου Ῥωμαῖοι μὲν κατέστησαν ὑπάτουσ Λεύκιον Ιοὔλιον καὶ Μάρκον Γεγάνιον, Ἠλεῖοι δ’ ἤγαγον Ὀλυμπιάδα πέμπτην πρὸσ ταῖσ ὀγδοήκοντα, καθ’ ἣν ἐνίκα Κρίσων Ἱμεραῖοσ τὸ δεύτερον. ἐπὶ δὲ τούτων κατὰ τὴν Σικελίαν Δουκέτιοσ μὲν ὁ γεγονὼσ τῶν Σικελικῶν πόλεων ἡγεμὼν τὴν τῶν Καλακτίνων πατρίδα κατέστησε, καὶ πολλοὺσ εἰσ αὐτὴν οἰκίζων οἰκήτορασ ἀντεποιήσατο μὲν τῆσ τῶν Σικελῶν ἡγεμονίασ, μεσολαβηθεὶσ δὲ νόσῳ τὸν βίον κατέστρεψε. Συρακόσιοι δὲ πάσασ τὰσ τῶν Σικελῶν πόλεισ ὑπηκόουσ ποιησάμενοι πλὴν τῆσ ὀνομαζομένησ Τρινακίησ, ἔγνωσαν ἐπὶ ταύτην στρατεύειν·

σφόδρα γὰρ ὑπώπτευον τοὺσ Τρινακίουσ ἀντιλήψεσθαι τῆσ τῶν ὁμοεθνῶν Σικελῶν ἡγεμονίασ. ἡ δὲ πόλισ αὕτη πολλοὺσ καὶ μεγάλουσ ἄνδρασ εἶχεν, ἀεὶ τὸ πρωτεῖον ἐσχηκυῖα τῶν Σικελικῶν πόλεων· ἦν γὰρ ἡγεμόνων ἡ πόλισ αὕτη πλήρησ μέγα φρονούντων ἐπ’ ἀνδρείᾳ. διὸ καὶ πάσασ τὰσ δυνάμεισ ἀθροίσαντεσ ἐκ τῶν Συρακουσῶν καὶ τῶν συμμάχων πόλεων ἐστράτευσαν ἐπ’ αὐτήν.

οἱ δὲ Τρινάκιοι συμμάχων μὲν ἦσαν ἔρημοι διὰ τὸ τὰσ ἄλλασ πόλεισ ὑπακούειν Συρακοσίοισ, μέγαν δ’ ἀγῶνα συνεστήσαντο. ἐκθύμωσ γὰρ ἐγκαρτεροῦντεσ τοῖσ δεινοῖσ καὶ πολλοὺσ ἀνελόντεσ, ἡρωικῶσ μαχόμενοι πάντεσ κατέστρεψαν τὸν βίον. ὁμοίωσ δὲ καὶ τῶν πρεσβυτέρων οἱ πλείουσ ἑαυτοὺσ ἐκ τοῦ ζῆν μετέστησαν, οὐχ ὑπομείναντεσ τὰσ ἐκ τῆσ ἁλώσεωσ ὕβρεισ.

οἱ δὲ Συρακόσιοι τοὺσ πρότερον ἀηττήτουσ γεγονότασ νικήσαντεσ ἐπιφανῶσ, τὴν μὲν πόλιν ἐξανδραποδισάμενοι κατέσκαψαν, τῶν δὲ λαφύρων τὰ κράτιστα ἀπέστειλαν εἰσ Δελφοὺσ χαριστήρια τῷ θεῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 29

(디오도로스 시켈로스, Library, book xii, chapter 29)

상위

목록

SEARCH

MENU NAVIGATION