헬라어 문장 검색 - Διοδορ́Λιβραρψ́5́17́

(디오도로스 시켈로스, Library, book xii, chapter 27)

ἐπ’ ἄρχοντοσ δ’ Ἀθήνησι Τιμοκλέουσ Ῥωμαῖοι μὲν κατέστησαν ὑπάτουσ Λαρῖνον Ἑρμίνιον καὶ Τίτον Στερτίνιον Στρούκτορα. ἐπὶ δὲ τούτων Σάμιοι μὲν πρὸσ Μιλησίουσ περὶ Πριήνησ ἀμφισβητήσαντεσ εἰσ πόλεμον κατέστησαν, ὁρῶντεσ δὲ τοὺσ Ἀθηναίουσ ταῖσ εὐνοίαισ διαφέροντασ πρὸσ Μιλησίουσ, ἀπέστησαν ἀπ’ αὐτῶν. οἱ δὲ Περικλέα προχειρισάμενοι στρατηγὸν ἐξέπεμψαν ἐπὶ τοὺσ Σαμίουσ ἔχοντα τριήρεισ τετταράκοντα. οὗτοσ δὲ πλεύσασ ἐπὶ τὴν Σάμον παρεισελθὼν δὲ καὶ τῆσ πόλεωσ ἐγκρατὴσ γενόμενοσ κατέστησε δημοκρατίαν ἐν αὐτῇ.

πραξάμενοσ δὲ παρὰ τῶν Σαμίων ὀγδοήκοντα τάλαντα, καὶ τοὺσ ἴσουσ ὁμήρουσ παῖδασ λαβών, τούτουσ μὲν παρέδωκε τοῖσ Λημνίοισ, αὐτὸσ δ’ ἐν ὀλίγαισ ἡμέραισ ἅπαντα συντετελεκὼσ ἐπανῆλθεν εἰσ τὰσ Ἀθήνασ. ἐν δὲ τῇ Σάμῳ στάσεωσ γενομένησ, καὶ τῶν μὲν αἱρουμένων τὴν δημοκρατίαν, τῶν δὲ βουλομένων τὴν ἀριστοκρατίαν εἶναι, ταραχὴ πολλὴ τὴν πόλιν ἐπεῖχε.

τῶν δ’ ἐναντιουμένων τῇ δημοκρατίᾳ διαβάντων εἰσ τὴν Ἀσίαν καὶ πορευθέντων εἰσ Σάρδεισ πρὸσ Πισσούθνην τὸν τῶν Περσῶν σατράπην περὶ βοηθείασ, ὁ μὲν Πισσούθνησ ἔδωκεν αὐτοῖσ στρατιώτασ ἑπτακοσίουσ, ἐλπίζων τῆσ Σάμου διὰ τούτου κυριεύσειν, οἱ δὲ Σάμιοι μετὰ τῶν δοθέντων αὐτοῖσ στρατιωτῶν νυκτὸσ πλεύσαντεσ εἰσ τὴν Σάμον ἔλαθόν τε παρεισελθόντεσ, τῶν πολιτῶν συνεργούντων, ῥᾳδίωσ τ’ ἐκράτησαν τῆσ Σάμου, καὶ τοὺσ ἀντιπράττοντασ αὐτοῖσ ἐξέβαλον ἐκ τῆσ πόλεωσ· τοὺσ δ’ ὁμήρουσ ἐκκλέψαντεσ ἐκ τῆσ Λήμνου καὶ τὰ κατὰ τὴν Σάμον ἀσφαλισάμενοι, φανερῶσ ἑαυτοὺσ ἀπέδειξαν πολεμίουσ τοῖσ Ἀθηναίοισ. οἱ δὲ πάλιν Περικλέα προχειρισάμενοι στρατηγὸν ἐξέπεμψαν ἐπὶ τοὺσ Σαμίουσ μετὰ νεῶν ἑξήκοντα.

μετὰ δὲ ταῦθ’ ὁ μὲν Περικλῆσ ναυμαχήσασ πρὸσ ἑβδομήκοντα τριήρεισ ἐνίκησε τοὺσ Σαμίουσ, μεταπεμψάμενοσ δὲ παρὰ Χίων καὶ Μυτιληναίων ναῦσ εἴκοσι πέντε μετὰ τούτων ἐπολιόρκησε τὴν Σάμον. μετὰ δέ τινασ ἡμέρασ Περικλῆσ μὲν καταλιπὼν μέροσ τῆσ δυνάμεωσ ἐπὶ τῆσ πολιορκίασ ἀνέζευξεν, ἀπαντήσων ταῖσ Φοινίσσαισ ναυσίν, ἃσ οἱ Πέρσαι τοῖσ Σαμίοισ ἦσαν ἀπεσταλκότεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 27

(디오도로스 시켈로스, Library, book xii, chapter 27)

상위

목록

SEARCH

MENU NAVIGATION