헬라어 문장 검색 - Διοδορ́Λιβραρψ́5́10́

(디오도로스 시켈로스, Library, book xii, chapter 13)

τὴν γὰρ γραμματικὴν παρὰ τὰσ ἄλλασ μαθήσεισ προέκρινεν ὁ νομοθέτησ, καὶ μάλα προσηκόντωσ· διὰ γὰρ ταύτησ τὰ πλεῖστα καὶ χρησιμώτατα τῶν πρὸσ τὸν βίον ἐπιτελεῖσθαι, ψήφουσ, ἐπιστολάσ, διαθήκασ, νόμουσ, τἄλλα τὰ τὸν βίον μάλιστα ἐπανορθοῦντα. τίσ γὰρ ἂν ἄξιον ἐγκώμιον διάθοιτο τῆσ τῶν γραμμάτων μαθήσεωσ;

διὰ γὰρ τούτων μόνων οἱ μὲν τετελευτηκότεσ τοῖσ ζῶσι διαμνημονεύονται, οἱ δὲ μακρὰν τοῖσ τόποισ διεστῶτεσ τοῖσ πλεῖστον ἀπέχουσιν ὡσ πλησίον παρεστῶσι διὰ τῶν γεγραμμένων ὁμιλοῦσι· ταῖσ τε κατὰ πόλεμον συνθήκαισ ἐν ἔθνεσιν ἢ βασιλεῦσι πρὸσ διαμονὴν τῶν ὁμολογιῶν ἡ διὰ τῶν γραμμάτων ἀσφάλεια βεβαιοτάτην ἔχει πίστιν· καθόλου δὲ τὰσ χαριεστάτασ τῶν φρονίμων ἀνδρῶν ἀποφάσεισ καὶ θεῶν χρησμούσ, ἔτι δὲ φιλοσοφίαν καὶ πᾶσαν παιδείαν μόνη τηρεῖ καὶ τοῖσ ἐπιγινομένοισ ἀεὶ παραδίδωσιν εἰσ ἅπαντα τὸν αἰῶνα. διὸ καὶ τοῦ μὲν ζῆν τὴν φύσιν αἰτίαν ὑποληπτέον, τοῦ δὲ καλῶσ ζῆν τὴν ἐκ τῶν γραμμάτων συγκειμένην παιδείαν.

καὶ τοσοῦτον ὑπερεβάλετο τοὺσ πρότερον νομοθετήσαντασ δημοσίῳ μισθῷ τοὺσ νοσοῦντασ τῶν ἰδιωτῶν ὑπὸ ἰατρῶν θεραπεύεσθαι, ὥσθ’ οἱ μὲν τὰ σώματα θεραπείασ ἠξίωσαν, ὁ δὲ τὰσ ψυχὰσ τὰσ ὑπ’ ἀπαιδευσίασ ἐνοχλουμένασ ἐθεράπευσε, κἀκείνων μὲν τῶν ἰατρῶν εὐχόμεθα μηδέποτε χρείαν ἔχειν, τοῖσ δὲ τῆσ παιδείασ διδασκάλοισ ἐπιθυμοῦμεν ἅπαντα τὸν χρόνον συνδιατρίβειν.

ἀμφότερα δὲ τὰ προειρημένα πολλοὶ τῶν ποιητῶν δι’ ἐμμέτρου ποιήματοσ μεμαρτυρήκασι·

τὴν μὲν κακομιλίαν ἐν τοῖσδε, ὅστισ δ’ ὁμιλῶν ἥδεται κακοῖσ ἀνήρ, οὐπώποτ’ ἠρώτησα, γινώσκων ὅτι τοιοῦτόσ ἐστιν οἷσπερ ἥδεται ξυνών· τὸν δὲ περὶ τῆσ μητρυιᾶσ τεθέντα νόμον ἐν τούτοισ, τὸν νομοθέτην φασὶν Χαρώνδαν ἔν τινι νομοθεσίᾳ τά τ’ ἄλλα καὶ ταυτὶ λέγειν· ὁ παισὶν αὑτοῦ μητρυιὰν ἐπεισάγων μήτ’ εὐδοκιμείτω μήτε μετεχέτω λόγου παρὰ τοῖσ πολίταισ, ὡσ ἐπείσακτον κακὸν κατὰ τῶν ἑαυτοῦ πραγμάτων πεπορισμένοσ. εἴτ’ ἐπέτυχεσ γάρ, φησί, γήμασ τὸ πρότερον, εὐημερῶν κατάπαυσον, εἴτ’ οὐκ ἐπέτυχεσ, μανικὸν τὸ πεῖραν δευτέρασ λαβεῖν πάλιν. ταῖσ γὰρ ἀληθείαισ ὁ δὶσ ἐν τοῖσ αὐτοῖσ πράγμασιν ἁμαρτάνων ἄφρων ἂν δικαίωσ νομισθείη. καὶ Φιλήμονοσ τοῦ κωμῳδιογράφου γράφοντοσ τοὺσ πολλάκισ ναυτιλλομένουσ καὶ συνειπόντοσ τῷ νόμῳ τεθαύμακ’ οὐκέτ’ εἰ πέπλευκέ τισ, ἀλλ’ εἰ πέπλευκε δίσ, τὸ παραπλήσιον ἄν τισ ἀποφαίνοιτο μὴ θαυμάζειν εἴ τισ γεγάμηκεν, ἀλλ’ εἰ δὶσ γεγάμηκε·

κρεῖττον γὰρ εἶναι δὶσ ἑαυτὸν θαλάττῃ παραβαλεῖν ἢ γυναικί. μέγισται γὰρ καὶ χαλεπώταται στάσεισ ἐν ταῖσ οἰκίαισ γίνονται διὰ μητρυιὰσ τέκνοισ πρὸσ πατέρασ, καὶ διὰ ταῦτα πολλαὶ καὶ παράνομοι πράξεισ ἐν τοῖσ θεάτροισ τραγῳδοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 13

(디오도로스 시켈로스, Library, book xii, chapter 13)

상위

목록

SEARCH

MENU NAVIGATION