헬라어 문장 검색 - Διοδορ́Λιβραρψ́5́04́

(디오도로스 시켈로스, Library, book xii, chapter 3)

ἐπ’ ἄρχοντοσ γὰρ Ἀθήνησιν Εὐθυδήμου Ῥωμαῖοι μὲν ὑπάτουσ κατέστησαν Λεύκιον Κοί̈ντιον Κικιννᾶτον καὶ Μάρκον Φάβιον Οὐιβουλανόν. ἐπὶ δὲ τούτων Ἀθηναῖοι διαπεπολεμηκότεσ ὑπὲρ Αἰγυπτίων πρὸσ Πέρσασ, καὶ τὰσ ναῦσ ἁπάσασ ἀπολωλεκότεσ ἐν τῇ λεγομένῃ Προσωπίτιδι νήσῳ, βραχὺν χρόνον διαλιπόντεσ ἔγνωσαν πάλιν πολεμεῖν τοῖσ Πέρσαισ ὑπὲρ τῶν κατὰ τὴν Ἀσίαν Ἑλλήνων. καταρτίσαντεσ δὲ στόλον τριήρων διακοσίων, καὶ στρατηγὸν ἑλόμενοι Κίμωνα τὸν Μιλτιάδου, προσέταξαν πλεῖν ἐπὶ Κύπρον καὶ διαπολεμεῖν τοῖσ Πέρσαισ. ὁ δὲ Κίμων ἀναλαβὼν τὸν στόλον κεκοσμημένον ἀνδρῶν τε ἀρεταῖσ καὶ χορηγίαισ δαψιλέσιν ἔπλευσεν εἰσ τὴν Κύπρον.

κατ’ ἐκείνουσ δὲ τοὺσ καιροὺσ τῶν Περσικῶν δυνάμεων ἐστρατήγουν Ἀρτάβαζοσ καὶ Μεγάβυζοσ. Ἀρτάβαζοσ μὲν τὴν ἡγεμονίαν ἔχων ἐν τῇ Κύπρῳ διέτριβεν, ἔχων τριήρεισ τριακοσίασ, Μεγάβυζοσ δὲ περὶ τὴν Κιλικίαν ἐστρατοπέδευε, πεζὰσ ἔχων δυνάμεισ, ὧν ὁ ἀριθμὸσ ἦν τριάκοντα μυριάδων. ὁ δὲ Κίμων καταπλεύσασ εἰσ τὴν Κύπρον καὶ θαλαττοκρατῶν Κίτιον μὲν καὶ Μάριον ἐξεπολιόρκησε, καὶ τοῖσ κρατηθεῖσι φιλανθρώπωσ προσηνέχθη.

μετὰ δὲ ταῦτα ἐκ Κιλικίασ καὶ Φοινίκησ προσφερομένων τριήρων τῇ νήσῳ, Κίμων ἐπαναχθεὶσ καὶ πόλεμον συγκρούσασ πολλὰσ μὲν τῶν νεῶν κατέδυσεν, ἑκατὸν δὲ σὺν αὐτοῖσ τοῖσ ἀνδράσιν εἷλε, τὰσ δὲ λοιπὰσ μέχρι τῆσ Φοινίκησ κατεδίωξεν. οἱ μὲν οὖν Πέρσαι ταῖσ ὑπολειφθείσαισ ναυσὶ κατέφυγον εἰσ τὴν γῆν, καθ’ ὃν τόπον ἦν Μεγάβυζοσ ἐστρατοπεδευκὼσ μετὰ τῆσ πεζῆσ δυνάμεωσ·

οἱ δὲ Ἀθηναῖοι προσπλεύσαντεσ καὶ τοὺσ στρατιώτασ ἐκβιβάσαντεσ συνῆψαν μάχην, καθ’ ἣν Ἀναξικράτησ μὲν ὁ ἕτεροσ τῶν στρατηγῶν λαμπρῶσ ἀγωνισάμενοσ ἡρωικῶσ κατέστρεψε τὸν βίον, οἱ δὲ ἄλλοι κρατήσαντεσ τῇ μάχῃ καὶ πολλοὺσ ἀνελόντεσ ἐπανῆλθον εἰσ τὰσ ναῦσ. μετὰ δὲ ταῦτα Ἀθηναῖοι πάλιν ἀπέπλευσαν εἰσ τὴν Κύπρον. ταῦτα μὲν οὖν ἐπράχθη κατὰ τὸ πρῶτον ἔτοσ τοῦ πολέμου. ἐπ’ ἄρχοντοσ δ’ Ἀθήνησι Πεδιέωσ Ῥωμαῖοι μὲν κατέστησαν ὑπάτουσ Μάρκον Οὐαλέριον Λακτοῦκαν καὶ Σπόριον Οὐεργίνιον Τρίκοστον.

ἐπὶ δὲ τούτων Κίμων ὁ τῶν Ἀθηναίων στρατηγὸσ θαλαττοκρατῶν ἐχειροῦτο τὰσ κατὰ τὴν Κύπρον πόλεισ. ἐν δὲ τῇ Σαλαμῖνι Περσικῆσ φρουρᾶσ οὔσησ ἀξιολόγου, καὶ βελῶν καὶ ὅπλων παντοδαπῶν, ἔτι δὲ σίτου καὶ τῆσ ἄλλησ παρασκευῆσ γεμούσησ τῆσ πόλεωσ, ἔκρινε συμφέρειν ταύτην ἐκπολιορκῆσαι. οὕτω γὰρ ὑπελάμβανε μάλιστα τῆσ τε Κύπρου πάσησ ῥᾳδίωσ κυριεύσειν καὶ τοὺσ Πέρσασ καταπλήξεσθαι, βοηθεῖν μὲν τοῖσ Σαλαμινίοισ μὴ δυναμένουσ διὰ τὸ θαλαττοκρατεῖν τοὺσ Ἀθηναίουσ, ἐγκαταλιπόντασ δὲ τοὺσ συμμάχουσ καταφρονηθήσεσθαι, καθόλου δὲ τὸν ὅλον πόλεμον κριθήσεσθαι τῆσ Κύπρου πάσησ βίᾳ χειρωθείσησ·

ὅπερ καὶ συνέβη γενέσθαι. οἱ μὲν γὰρ Ἀθηναῖοι συστησάμενοι πολιορκίαν πρὸσ τῇ Σαλαμῖνι καθ’ ἡμέραν προσβολὰσ ἐποιοῦντο, οἱ δ’ ἐν τῇ πόλει στρατιῶται, ἔχοντεσ βέλη καὶ παρασκευήν, ῥᾳδίωσ ἀπὸ τῶν τειχῶν ἠμύνοντο τοὺσ πολιορκοῦντασ.

Ἀρταξέρξησ δὲ ὁ βασιλεὺσ πυθόμενοσ τὰ περὶ τὴν Κύπρον ἐλαττώματα, καὶ βουλευσάμενοσ μετὰ τῶν φίλων περὶ τοῦ πολέμου, ἔκρινε συμφέρειν εἰρήνην συνθέσθαι πρὸσ τοὺσ Ἕλληνασ.

ἔγραψε τοίνυν τοῖσ περὶ Κύπρον ἡγεμόσι καὶ σατράπαισ, ἐφ’ οἷσ ἂν δύνωνται συλλύσασθαι πρὸσ τοὺσ Ἕλληνασ. διόπερ οἱ περὶ τὸν Ἀρτάβαζον καὶ Μεγάβυζον ἔπεμψαν εἰσ τὰσ Ἀθήνασ πρεσβευτὰσ τοὺσ διαλεξομένουσ περὶ συλλύσεωσ.

ὑπακουσάντων δὲ τῶν Ἀθηναίων καὶ πεμψάντων πρέσβεισ αὐτοκράτορασ, ὧν ἡγεῖτο Καλλίασ ὁ Ἱππονίκου, ἐγένοντο συνθῆκαι περὶ τῆσ εἰρήνησ τοῖσ Ἀθηναίοισ καὶ τοῖσ συμμάχοισ πρὸσ τοὺσ Πέρσασ, ὧν ἐστι τὰ κεφάλαια ταῦτα· αὐτονόμουσ εἶναι τὰσ κατὰ τὴν Ἀσίαν Ἑλληνίδασ πόλεισ ἁπάσασ, τοὺσ δὲ τῶν Περσῶν σατράπασ μὴ καταβαίνειν ἐπὶ θάλατταν κατωτέρω τριῶν ἡμερῶν ὁδόν, μηδὲ ναῦν μακρὰν πλεῖν ἐντὸσ Φασήλιδοσ καὶ Κυανέων· ταῦτα δὲ τοῦ βασιλέωσ καὶ τῶν στρατηγῶν ἐπιτελούντων, μὴ στρατεύειν Ἀθηναίουσ εἰσ τὴν χώραν, ἧσ βασιλεὺσ ἄρχει. συντελεσθεισῶν δὲ τῶν σπονδῶν Ἀθηναῖοι τὰσ δυνάμεισ ἀπήγαγον ἐκ τῆσ Κύπρου, λαμπρὰν μὲν νίκην νενικηκότεσ, ἐπιφανεστάτασ δὲ συνθήκασ πεποιημένοι.

συνέβη δὲ καὶ τὸν Κίμωνα περὶ τὴν Κύπρον διατρίβοντα νόσῳ τελευτῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xii, chapter 3

(디오도로스 시켈로스, Library, book xii, chapter 3)

상위

목록

SEARCH

MENU NAVIGATION