헬라어 문장 검색 - ΑριστόΑτηενιά1́58́

(아리스토텔레스, 아테네인들의 정치체제, work Ath. Pol., chapter 57)

καὶ ὁ μὲν ἄρχων ἐπιμελεῖται τούτων. ὁ δὲ βασιλεὺσ πρῶτον μὲν μυστηρίων ἐπιμελεῖται μετὰ τῶν ἐπιμελητῶν ὧν ὁ δῆμοσ χειροτονεῖ, δύο μὲν ἐξ Ἀθηναίων ἁπάντων, ἕνα δ’ ἐξ Εὐμολπιδῶν, ἕνα δ’ ἐκ Κηρύκων. ἔπειτα Διονυσίων τῶν ἐπὶ Ληναίῳ· ταῦτα δέ ἐστι πομπή τε καὶ ἀγών. τὴν μὲν οὖν πομπὴν κοινῇ πέμπουσιν ὅ τε βασιλεὺσ καὶ οἱ ἐπιμεληταί, τὸν δὲ ἀγῶνα διατίθησιν ὁ βασιλεύσ. τίθησι δὲ καὶ τοὺσ τῶν λαμπάδων ἀγῶνασ ἅπαντασ· ὡσ δ’ ἔποσ εἰπεῖν καὶ τὰσ πατρίουσ θυσίασ διοικεῖ οὗτοσ πάσασ. γραφαὶ δὲ λαγχάνονται πρὸσ αὐτὸν ἀσεβείασ, κἄν τισ ἰερωσύνησ ἀμφισβητῇ πρόσ τινα.

διαδικάζει δὲ καὶ τοῖσ γένεσι καὶ τοῖσ ἱερεῦσι τὰσ ἀμφισβητήσεισ τὰσ ὑπὲρ τῶν ἱερῶν ἁπάσασ οὗτοσ. λαγχάνονται δὲ καὶ αἱ τοῦ φόνου δίκαι πᾶσαι πρὸσ τοῦτον, καὶ ὁ προαγορεύων εἴργεσθαι τῶν νομίμων οὗτόσ ἐστιν. εἰσὶ δὲ φόνου δίκαι καὶ τραύματοσ, ἂν μὲν ἐκ προνοίασ ἀποκτείνῃ ἢ τρώσῃ, ἐν Ἀρείῳ πάγῳ, καὶ φαρμάκων, ἐὰν ἀποκτείνῃ δούσ, καὶ πυρκαϊᾶσ·

ταῦτα γὰρ ἡ βουλὴ μόνα δικάζει. τῶν δ’ ἀκουσίων καὶ βουλεύσεωσ, κἂν οἰκέτην ἀποκτείνῃ τισ ἢ μέτοικον ἢ ξένον, οἱ ἐπὶ Παλλαδίῳ. ἐὰν δ’ ἀποκτεῖναι μέν τισ ὁμολογῇ, φῇ δὲ κατὰ τοὺσ νόμουσ, οἱο͂ν μοιχὸν λαβών, ἢ ἐν πολέμῳ ἀγνοήσασ, ἢ ἐν ἄθλῳ ἀγωνιζόμενοσ, τούτῳ ἐπὶ Δελφινίῳ δικάζουσιν· ἐὰν δὲ φεύγων φυγὴν ὧν αἴδεσίσ ἐστιν, αἰτίαν ἔχῃ ἀποκτεῖναι ἢ τρῶσαί τινα, τούτῳ δ’ ἐν Φρεάτου δικάζουσιν, ὁ δ’ ἀπολογεῖται προσορμισάμενοσ ἐν πλοίῳ. δικάζουσι δ’ οἱ λαχόντεσ ταῦτ’ ἐφέται πλὴν τῶν ἐν Ἀρείῳ πάγῳ γιγνομένων, εἰσάγει δ’ ὁ βασιλεύσ, καὶ δικάζουσιν ἐν ἱερῷ καὶ ὑπαίθριοι, καὶ ὁ βασιλεὺσ ὅταν δικάζῃ περιαιρεῖται τὸν στέφανον.

ὁ δὲ τὴν αἰτίαν ἔχων τὸν μὲν ἄλλον χρόνον εἴργεται τῶν ἱερῶν, καὶ οὐδ’ εἰσ τὴν ἀγορὰν νόμοσ ἐμβαλεῖν αὐτῷ. τότε δ’ εἰσ τὸ ἱερὸν εἰσελθὼν ἀπολογεῖται. ὅταν δὲ μὴ εἰδῇ τὸν ποιήσαντα, τῷ δράσαντι λαγχάνει, δικάζει δ’ ὁ βασιλεὺσ καὶ οἱ φυλοβασιλεῖσ, καὶ τὰσ τῶν ἀψύχων καὶ τῶν ἄλλων ζῴων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 57

(아리스토텔레스, 아테네인들의 정치체제, work Ath. Pol., chapter 57)

상위

목록

SEARCH

MENU NAVIGATION