헬라어 문장 검색 - ΑριστόΑτηενιά1́57́

(아리스토텔레스, 아테네인들의 정치체제, work Ath. Pol., chapter 56)

λαμβάνουσι δὲ καὶ παρέδρουσ ὅ τ’ ἄρχων καὶ ὁ βασιλεὺσ καὶ ὁ πολέμαρχοσ δύο ἕκαστοσ, οὓσ ἂν βούληται, καὶ οὗτοι δοκιμάζονται ἐν τῷ δικαστηρίῳ πρὶν παρεδρεύειν, καὶ εὐθύνασ διδόασιν ἐπὰν παρεδρεύσωσιν. καὶ ὁ μὲν ἄρχων εὐθὺσ εἰσελθὼν πρῶτον μὲν κηρύττει, ὅσα τισ εἶχεν πρὶν αὐτὸν εἰσελθεῖν εἰσ τὴν ἀρχήν, ταῦτ’ ἔχειν καὶ κρατεῖν μέχρι ἀρχῆσ τέλουσ.

ἔπειτα χορηγοὺσ τραγῳδοῖσ καθίστησι τρεῖσ, ἐξ ἁπάντων Ἀθηναίων τοὺσ πλουσιωτάτουσ· πρότερον δὲ καὶ κωμῳδοῖσ καθίστη πέντε, νῦν δὲ τούτουσ αἱ φυλαὶ φέρουσιν.

ἔπειτα παραλαβὼν τοὺσ χορηγούσ, τοὺσ ἐνηνεγμένουσ ὑπὸ τῶν φυλῶν εἰσ Διονύσια ἀνδράσιν καὶ παισὶν καὶ κωμῳδοῖσ, καὶ εἰσ Θαργήλια ἀνδράσιν καὶ παισίν εἰσὶ δ’ οἱ μὲν εἰσ Διονύσια κατὰ φυλάσ, εἰσ Θαργήλια <δὲ> δυεῖν φυλαῖν εἷσ· παρέχει δ’ ἐν μέρει ἑκατέρα τῶν φυλῶν, τούτοισ τὰσ ἀντιδόσεισ ποιεῖ καὶ τὰσ σκήψεισ εἰσάγει, ἐάν τισ ἢ λελῃτουργηκέναι φῇ πρότερον ταύτην τὴν λῃτουργίαν, ἢ ἀτελὴσ εἶναι λελῃτουργηκὼσ ἑτέραν λῃτουργίαν καὶ τῶν χρόνων αὐτῷ τῆσ ἀτελείασ μὴ ἐξεληλυθότων, ἢ τὰ ἔτη μὴ γεγονέναι· δεῖ γὰρ τὸν τοῖσ παισὶν χορηγοῦντα ὑπὲρ τετταράκοντα ἔτη γεγονέναι. καθίστησι δὲ καὶ εἰσ Δῆλον χορηγοὺσ καὶ ἀρχιθέωρον τῷ τριακοντορίῳ τῷ τοὺσ ᾐθέουσ ἄγοντι. πομπῶν δ’ ἐπιμελεῖται τῆσ τε τῷ Ἀσκληπιῷ γιγνομένησ, ὅταν οἰκουρῶσι μύσται, καὶ τῆσ Διονυσίων τῶν μεγάλων μετὰ τῶν ἐπιμελητῶν, οὓσ πρότερον μὲν ὁ δῆμοσ ἐχειροτόνει δέκα ὄντασ, καὶ τὰ εἰσ τὴν πομπὴν ἀναλώματα παρ’ αὑτῶν ἀνήλισκον, νῦν δ’ ἕνα τῆσ φυλῆσ ἑκάστησ κληροῖ, καὶ δίδωσιν εἰσ τὴν κατασκευὴν ἑκατὸν μνᾶσ.

ἐπιμελεῖται δὲ καὶ τῆσ εἰσ Θαργήλια καὶ τῆσ τῷ Διὶ τῷ Σωτῆρι.

διοικεῖ δὲ καὶ τὸν ἀγῶνα τῶν Διονυσίων οὗτοσ καὶ τῶν Θαργηλίων. ἑορτῶν μὲν οὖν ἐπιμελεῖται τούτων. γραφαὶ δὲ καὶ δίκαι λαγχάνονται πρὸσ αὐτόν, ἃσ ἀνακρίνασ εἰσ τὸ δικαστήριον εἰσάγει, γονέων κακώσεωσ αὗται δ’ εἰσὶν ἀζήμιοι τῷ βουλομένῳ διώκειν, ὀρφανῶν κακώσεωσ αὗται δ’ εἰσὶ κατὰ τῶν ἐπιτρόπων, ἐπικλήρου κακώσεωσ αὗται δ’ εἰσὶ κατὰ τῶν ἐπιτρόπων καὶ τῶν συνοικούντων, οἴκου ὀρφανικοῦ κακώσεωσ εἰσὶ δὲ καὶ αὗται κατὰ τῶν ἐπιτρόπων, παρανοίασ, ἐάν τισ αἰτιᾶταί τινα παρανοοῦντα τὰ ὑπάρχοντα ἀπολλύναι, εἰσ δατητῶν αἱρ́εσιν, ἐάν τισ μὴ θέλῃ κοινὰ τὰ ὄντα νέμεσθαι, εἰσ ἐπιτροπῆσ κατάστασιν, εἰσ ἐπιτροπῆσ διαδικασίαν, εἰσ ἐμφανῶν κατάστασιν, ἐπίτροπον αὑτὸν ἐγγράψαι, κλήρων καὶ ἐπικλήρων ἐπιδικασίαι.

ἐπιμελεῖται δὲ καὶ τῶν ὀρφανῶν καὶ τῶν ἐπικλήρων, καὶ τῶν γυναικῶν ὅσαι ἂν τελευτήσαντοσ τοῦ ἀνδρὸσ σκήπτωνται κύειν.

καὶ κύριόσ ἐστι τοῖσ ἀδικοῦσιν ἐπιβάλλειν ἢ εἰσάγειν εἰσ τὸ δικαστήριον. μισθοῖ δὲ καὶ τοὺσ οἴκουσ τῶν ὀρφανῶν καὶ τῶν ἐπικλήρων, ἑώσ ἄν τισ τετταρακαιδεκέτισ γένηται, καὶ τὰ ἀποτιμήματα λαμβάνει, καὶ τοὺσ ἐπιτρόπουσ, ἐὰν μὴ διδῶσι τοῖσ παισὶ τὸν σῖτον, οὗτοσ εἰσπράττει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 56

(아리스토텔레스, 아테네인들의 정치체제, work Ath. Pol., chapter 56)

상위

목록

SEARCH

MENU NAVIGATION